انا والمرور وهواك بقلمى حصري
اليوم حابب احكي لكم
عن شىء خانقنى وكل كلمه وحرف في هذه القصه حدث بالفعل ... يمكن لما احكيه لكم افك شويه عندي عربيه صغيره شاريها بتوكيل من واحد سعودى كنت شارى منه شقه فى مدينه نصر وكان بيصفى علشان مسافر بلده واشترط انى اشترى العربيه مع الشقه نظرا لظروفه المهم اتفقنا وخلصت فى الاثنين طبعا بتوكيلات العربيه كان لسه رخصتها لسه فيها 4 شهور القصد قبل ماتنتهى الرخصه بشهر قلت انقل ملكيه واسجل واخلص كان وقتها كورونا بادئه فى الصين وبعض البلدان ومصر بس كانت حالات فى اليوم 18 حاله ومكناش وصلنا لوفيات القصد رحت الشهر العقارى عملت عقد مسجل ودفعت 2900 جنيه مع العلم ان العربيه 2015 وبعدها عملت شهاده مخالفات وشهاده امن من المديريه تفيد ان السياره غير مبلغ بسرقتها وبعد يومين وقبل ماروح المرور الحكومه وقفت التعامل مع المرور نهائيا وبعض المصالح الحكوميه وانا قلقان لان الرخصه قربت تنتهى فقالو متقلقوش نهائى حقوقكم محفوظه اطمنت جدااا بعد شهر وكام يوم قالو المرور هيشتغل فرحت طبعا عاوز اخلص المهم رحت المرور ومعايا كل الاوراق عاوز افحص واخلص حاكم اانا لما يكون ورايه شىء مهم بكون قلقان جداا وعاوز اخلص منه المهم جبت الاوراق المطلوبه لنقل الملكسه واورنيك فحص ودخلت افحص المهندس قالى لازم تجيب مطابقة بصمه من مرور السيارة الاصلي قلت بدأنا الهم والقرف اهو المهم خدت اورنيك الفحص وذهبت لمرور السيارة الاصلي وعملت مطابقة بصمه زي الفل ورجعت على المرور بتاعى عاوزين نخلص دخلت للمهندس قالي ياباشا فين شهاده البيانات قلت له ازاى يعنى قالي انا كاتب لك فى الاورنيك مع مطابقة البصمه قلت استغفر الله العظيم من كل ذنب عظيم وفى رمضان وصايم ومخنوق كان يوم اربعاء قلت أمرى لله مش مهم هروح وأمرى لله يوم السبت رحت مرور السيارة الاصلي ودخلت للظابط المسئول قلت له عاوز شهاده بيانات بص فى التوكيل قالي ياباشا التوكيل فيه ختم مش واضح لازم تراجع الشهر العقارى اللى معمول فيه التوكيل بصيت للختم لقيت فيه 3 اختام غيرة استغربت جدااهو الختم اللي بيقول عليه الظابط فعلا فيه جزأ بسيط مش واضح ,, حااولت اقنع البيه الظابط باني تعبت مشوارين من هنا لهنا وصيام وتعب وحر ولسه هروح مصر الجديده تاني حرااام وقلت له انا معايا عقد مسجل معمول من خلال نفس التوكيل مفيش فايده ابدااا أمرى لله بعدها بيومين رحت الشهر العقارى بمصر الجديده دخلت علي الشباك قلت للموظف على المشكله قالي يافندم تعال بعد العيد خد صوره طبق الاصل من التوكيل لاننا الفتره دى مش بنشتغل توكيلات سيارات قلت الله اكبر هو فيه ايه رجعت وانا مش عارف اعمل ايه اتخنقت فعلا القصد قلت انا هتصل بالراجل السعودى اللى بايع لى العربيه واقوله على المشكله كان فى السعوديه مش فى مصر وبصراحه الراجل رد بكل احترام وذوق وقالى ساعه وهتصرف وهخلى حد يكلمك يخلص لك المشكله بعد كام ساعه لقيت واحد محترم بيكلمنى وقالى انامن طرف فلان وقالى قابلنى فى المرور وانا هخلص لك كل شىء القصد رحت تانى يوم المرور واتصلت بالراجل قالى روح مكتب فلان الفلانى وقوله من طرف فلان دخلت للموظف اول ماشافنى قالى انت من طرف فلان قلت له اي نعم قالى هات الورق اديته الورق قالى هات 950 جنيه قلت له بتوع ايه قالى الضريبه لان الرخصه منتهيه قلت له وهدفع تانى فى المرور بتاعي قالى لا هتدفع تامين لوحات واستيكر فقط قلت له مش معايا المبلغ ورجعت تاني يوم دفعت المبلغ وجبت شهاده البيانات وبعد يومين رحت للمرور بتاعى قدمت الورق وفحصت وتمام الظابط بص فى العقد المسجل قالى فيه مشكله لازم ترجع الشهر العقارى لان المفروض اسم البائع يكوون نفس اسم المشترى بالظبط فيه اسم ناقص فى وسط الاسم اقسم بالله هذا حصل كنت عاوز اخبط راسى بالحيطه وقتها القصد قلت اروح الحق الشهر العقارى رحت بسرعه لقيتهم موجودين قلت للموظف على المشكله قالى اسف قفلنا الوقت اتاخر حاولت اتحايل عليه بكل الطرق منفعش قالى تعال بعد العيد كان قبل الوقفه بيومين رجعت وانا محطم مخنوق عاوز اخبط راسى بالحيطه المهم العيد خلص والحمد لله على كل حال كورونا شغاله بلا رحمه ربنا يستر المهم رحت الشهر العقارى خلصت المشكله فى دقائق والحمد لله تانى يوم رحت للمرور انفخ من التعب اللى تعبته بجد قرفت جدااا دخلت على البيه الظابط قدمت الورق وكله زى الفل قالى تمام التمام الله ينور وبص فى العقد المسجل قالى العقد منتهى لان مدته شهر قلت له علشان الحظر قالى لأ انا شيلت مده الحظر كان هاين عليا وقتها ..... بس قلت له انا الان المطلوب منى ايه اعمل ايه قالى هتدفع 1400جنيه ضريبه مرة ثانيه وتامين قلت له انا دفعت قالى ماهو طالما العقد انتهى بتدفع ضريبه جديده تانى روحت وتانى يوم جبت الفلوس ودخلت علي الشباك قلت له اتفضل ودفعت وخدت نمر وشريط استيكر ورخصه .. وطبعا كلنا عارفين موضوع كورونا والحاله النفسيه الزفت اللى احنا عايشينها من كثر الحالات هذه الايام المفروض الموظف يراعى ربنا ويعلم اننا فى حاله طارئه ويخف شويه عن الشعب بلاش الروتين اللى يقتل ده حرام عليكم اقسم بالله .. من هنا بتقدم بالشكر لكل مسؤول بمصر تحيا مصر .... ودى نهايه القصه وفى النهايه بسألكم سؤال كل واحد يجاوب لو تكرمتو ماذا لو حدث لك ذلك هتعمل ايه وايه شعورك من الى حصل لى وشكرلكم صدعتكم بقصتى ولكنى كان لازم اكتبها ... بقلم البرنس رامى #بقلم_شاعر_النخيل حصري |
رد: انا والمرور وهواك بقلمى حصري
هلا بيك اخي رامي
بيحصل في مصر الحمد لله الامور الحكومية كنت قابلتك حليت ليك المواضيع دي tv0 يسلمو ع القصة اتقنت كتابتها ولاحرمنا جديدك القادم والشيق ونحن له بالإنتظار, ودي واكاليل وردي كنت هنا اميرة الحب 94: |
رد: انا والمرور وهواك بقلمى حصري
والله يابرنس احنا عالم ثالث الروتين قاتل يخلي فرحتك تضيع لماتكون فرحان وانت تشتري شي جديد
كأنهم يحسدونك ودهم يدفعونك ضريبه على نعمه الله منحها لك كان الله في العون تسلم الايادي ياباشا عيشتنا المعاناة يوم اشتري اي شي في العراق اكلف معقب لتخليص المعامله بدل متطلع عيني او اقتل موظف بالدوله هههه |
رد: انا والمرور وهواك بقلمى حصري
يعطيك العافيه
كلام جميل في قمة الروعه انتظرجديدك بكل شوق تقيمي والرفع و500م 300ت |
رد: انا والمرور وهواك بقلمى حصري
تسلم الايادي برنس علي الطرح الرائع
مشكوووووور والله يعطيك الف عافيه بانتظار جديدك يا الغالي |
رد: انا والمرور وهواك بقلمى حصري
فعلاً معاناة هذه حال دولنا للأسف الشديد مازلنا متخلفين والروتين الممل والذمم ضايعه الحمدلله ان معاناتك انتهت كما سمعت كنت تستطيع انهائها في وقت قصير جداً وذلك بدفع بعض المال للمسؤول ولكن صراحة انه يدخل في باب الرشوة وهي محرمة خالص الشكر والتقدير اخوي رامي لمشاركتنا معاناتك والتي ستبقى بذاكرتك دمت بحفظ الرحمن |
رد: انا والمرور وهواك بقلمى حصري
هذا حال دولنا العربيه
ما راضيه تتطور أبدا نفس المعاناه دائما الحمدلله إنتهت معاناتك ع خير سلمت يمينك أخي دمتِ في حمى الرحمن |
رد: انا والمرور وهواك بقلمى حصري
يسعدك ربي برنس والله عشت معاك الجو وأنا أقراء واتخيل المواقف الي مريت فيها
اعانك الله الحمد لله المرأه ماتمر بهالمواقف الصعبه وخصوصا بالسعوديه كل الامور يقوم بها الرجل لأنه مسؤل عنها . بس صعبه جدا الاجرائات الحكوميه والبعض يصعبها للاسف اعانكم الله الحمد لله إنها انتهت مشكلتك برنس ومبروووك عليك السياره يارب يعطيك خيرها ويصرف عنك شرها رائع بجمال سردك ومشاركتنا لك بقصتك حماك الله واسعدك برنس |
رد: انا والمرور وهواك بقلمى حصري
هذا حال بلداننا كلها
لو انا كنت امشي بيها من غير اوراق ولما يسالوني بقلهم كرونا كل شيء موقف الى اجل لاحق او اتركها عندهم واخلص كان الله بعونك اخي رامي مودتي |
رد: انا والمرور وهواك بقلمى حصري
تسلم أناملك عالطرح الرائـع لآحرمنـا الله روعة موأضيعك شكرا لمجهودكـ المميـز دمت قلماا مبدعا بين طيات المنتدى للأمام دائماا وبحفظ الرحمن ودى ووردى لكــ |
رد: انا والمرور وهواك بقلمى حصري
المشاركة الأصلية كتبت بواسطة اميرة الحب http://wahjj.com/vb/jananwhj6/buttons/viewpost.gif
هلا بيك اخي رامي بيحصل في مصر الحمد لله الامور الحكومية كنت قابلتك حليت ليك المواضيع دي tv0 يسلمو ع القصة اتقنت كتابتها ولاحرمنا جديدك القادم والشيق ونحن له بالإنتظار, ودي واكاليل وردي كنت هنا اميرة الحب 94: اهلا بالاميرة خلاص المرة القادمه هاخدك معايا تخلصيلى كل العقبات بس حذارى تضربى حد فى المرور لايحبسونا انا وانتى شكرا اميرة نورتى شرفنى حضورك الانيق طبعا تعرفى حبيت ادفع رشوه لواحد فى المرور قالى حط فلوسك فى جيبك لا مش هيحصل خير بينى وبينك خفت ههههه والحمد لله انها خلصت |
رد: انا والمرور وهواك بقلمى حصري
المشاركة الأصلية كتبت بواسطة وارفة البيان http://wahjj.com/vb/jananwhj6/buttons/viewpost.gif
والله يابرنس احنا عالم ثالث الروتين قاتل يخلي فرحتك تضيع لماتكون فرحان وانت تشتري شي جديد كأنهم يحسدونك ودهم يدفعونك ضريبه على نعمه الله منحها لك كان الله في العون تسلم الايادي ياباشا عيشتنا المعاناة يوم اشتري اي شي في العراق اكلف معقب لتخليص المعامله بدل متطلع عيني او اقتل موظف بالدوله هههه اهلا بالاخت المهذبه ومبدعتنا الجميله وارفة البيان اعتقد الروتين معقد فى منطقتنا العربيه بالكامل وكانها سبوبه يريدون ان يكسبو منها بخلاف الراتب طالما مفيش اخلاق توقعى كل شىء نورتينى واسعدنى ردك وكلماتك الجميله وارفة البيان |
رد: انا والمرور وهواك بقلمى حصري
المشاركة الأصلية كتبت بواسطة ريماس http://wahjj.com/vb/jananwhj6/buttons/viewpost.gif
يعطيك العافيه كلام جميل في قمة الروعه انتظرجديدك بكل شوق تقيمي والرفع و500م 300ت اشكرك ريماس نورتينى وشرفنى حضورك الجميل وشكرا لكل شىء احتراماتى لكى ريماس 5454544454543 |
رد: انا والمرور وهواك بقلمى حصري
المشاركة الأصلية كتبت بواسطة وردة الغرام http://wahjj.com/vb/jananwhj6/buttons/viewpost.gif
تسلم الايادي برنس علي الطرح الرائع مشكوووووور والله يعطيك الف عافيه بانتظار جديدك يا الغالي اهلا وردة غرام سعدت بتواصلك وردك ربى مايحرمنا ابدا منك كل الود والاحترام لوردة غرام |
رد: انا والمرور وهواك بقلمى حصري
المشاركة الأصلية كتبت بواسطة الصقر http://wahjj.com/vb/jananwhj6/buttons/viewpost.gif
فعلاً معاناة هذه حال دولنا للأسف الشديد مازلنا متخلفين والروتين الممل والذمم ضايعه الحمدلله ان معاناتك انتهت كما سمعت كنت تستطيع انهائها في وقت قصير جداً وذلك بدفع بعض المال للمسؤول ولكن صراحة انه يدخل في باب الرشوة وهي محرمة خالص الشكر والتقدير اخوي رامي لمشاركتنا معاناتك والتي ستبقى بذاكرتك دمت بحفظ الرحمن حبيبى الصقر الغاليى والله روتين قاتل اصبح يوم المرور يوم عقاب لنا على اننا اشترينا سيارة تيجى تدفع رشوه يقولك دخل فلوسك بجيبك لاعملك قضيه هو الغرض تقريبا يعذبونا لله الامر من قلب ومن بعد ونورتنى ياغاليى ودي لقلبك الطيب wahjj.1 |
رد: انا والمرور وهواك بقلمى حصري
المشاركة الأصلية كتبت بواسطة همس المطر http://wahjj.com/vb/jananwhj6/buttons/viewpost.gif
هذا حال دولنا العربيه ما راضيه تتطور أبدا نفس المعاناه دائما الحمدلله إنتهت معاناتك ع خير سلمت يمينك أخي دمتِ في حمى الرحمن همس المطر حال بلادنا لايسر عدو ولا حبيب للاسف روتين قاتل واسلوب استفزازى وشىء للاسف مقرف ربنا يصلح احوال امتنا للافضل ونورتينى ياغاليه |
رد: انا والمرور وهواك بقلمى حصري
المشاركة الأصلية كتبت بواسطة ملكة الحنان http://wahjj.com/vb/jananwhj6/buttons/viewpost.gif
يسعدك ربي برنس والله عشت معاك الجو وأنا أقراء واتخيل المواقف الي مريت فيها اعانك الله الحمد لله المرأه ماتمر بهالمواقف الصعبه وخصوصا بالسعوديه كل الامور يقوم بها الرجل لأنه مسؤل عنها . بس صعبه جدا الاجرائات الحكوميه والبعض يصعبها للاسف اعانكم الله الحمد لله إنها انتهت مشكلتك برنس ومبروووك عليك السياره يارب يعطيك خيرها ويصرف عنك شرها رائع بجمال سردك ومشاركتنا لك بقصتك حماك الله واسعدك برنس نورتينى ملكة الحنان شكرا لمتابعاتك لمعاناتى والحمد لله اننى خرجت منهم سليم شىء متعب وروتين قاتل فعلا اتمنى من كل موظف ان يراعى الله فى اكل عيشه ولا يصعبها على البشر لكى يسهل الله له اموره سعيد بمتابعتك كل الاحترام لكى |
رد: انا والمرور وهواك بقلمى حصري
المشاركة الأصلية كتبت بواسطة مهدي http://wahjj.com/vb/jananwhj6/buttons/viewpost.gif
هذا حال بلداننا كلها لو انا كنت امشي بيها من غير اوراق ولما يسالوني بقلهم كرونا كل شيء موقف الى اجل لاحق او اتركها عندهم واخلص كان الله بعونك اخي رامي مودتي اهلا بالغالي مهدى والله ياغاليى تعبت تعب مايعلم بيه غير الله انا لو مشيت بيها بلا اوراق هياخدوها منى مابيرحموش ياصاحبى قانون المرور الان قانون قاتل عندنا فى مصر غرامات وحبس وما ادراك نورتنى ياغاليى واشكرك من قلبي على تواصلك ياصاحبي Oouytww60 |
رد: انا والمرور وهواك بقلمى حصري
اقتباس:
ربي يسعدك ودي وتحياتي لشخصك 402: |
رد: انا والمرور وهواك بقلمى حصري
المشاركة الأصلية كتبت بواسطة ناطق العبيدي http://wahjj.com/vb/jananwhj6/buttons/viewpost.gif
تسلم أناملك عالطرح الرائـع لآحرمنـا الله روعة موأضيعك شكرا لمجهودكـ المميـز دمت قلماا مبدعا بين طيات المنتدى للأمام دائماا وبحفظ الرحمن ودى ووردى لكــ اهلا وسهلا باخى ناطق العبيدي شرفنى حضور ك ياغاليى لاحرمنا الله من تواصلك وردك الجميل دمت بسعاده كما اسعدتنا بحضورك احتراماتى وودي لك |
رد: انا والمرور وهواك بقلمى حصري
المشاركة الأصلية كتبت بواسطة اميرة الحب http://wahjj.com/vb/jananwhj6/buttons/viewpost.gif
هههههه مو تخاف اخي رامي ما انا هضربه ولما تسجن هجيبلك عيش وحلاوة ربي يسعدك ودي وتحياتي لشخصك 402: انا قلت هتيجى تخلصينى من القرف اللى انا كنت فيه تقومى تحبسينى هههههههه لا خليكى مكانك متتعبيش نفسك دول مابيرحموش هههههههههه انا قلت اميرة الحب شكلها شرطه طلعتى ناويالى ههههه |
رد: انا والمرور وهواك بقلمى حصري
اقتباس:
|
رد: انا والمرور وهواك بقلمى حصري
اقتباس:
|
رد: انا والمرور وهواك بقلمى حصري
اخوي البرنس
الروتين من اساسيات العمل كل ادارة حكوميه عندها ضوابط ومستندات وقوائم لازم تكون كامله وكلها عشانك وعشاني وعشان الشعب شفت كل الحوسه اللي احتستها هذي خلاص صار معك اوراق وثبوتاااات لو يجي اعلى مسؤول يطعن في امتلاكك للسياره ما يقدر لانك مريت بمراحل غربله ومسكت المستند بايدك وتحطه بعين اقوى معارض لكن لو المساله مشيني وامشيك يجي اي واحد فاهم بالقوانين او حتى واحد لعاب ممكن يشتكيك وياخذ ماخذ عليك ولا تقدر تثبت ان السياره لك القوانين عشان تخدمنا صدقني وتقوينا اي شي يجي بالتعب يكون غالي ولا يروح بسهوله عكس اللي يجي نص ونص وتمشية حال يكون له ثغرات كثيره اي متطفل يقدر يدخل منها عليك ويسلب حقك اللي ما عندك اثبات انه لك تحيتي .. ولازم ننظر لقوانين البلد انها درع وحماية للمواطن الله يعز حكومتناا ويبعد الفساد عنا شكرااا لك |
رد: انا والمرور وهواك بقلمى حصري
مقال رائـع
سلمت اناملك بما طرحتيـــة تحيتي وتقديري لك000icon43000icon43 |
الساعة الآن 11:56 PM بتوقيت الرياض |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By
Almuhajir
new notificatio by 9adq_ala7sas
دعم فني استضافه مواقع سيرفرات استضافة تعاون