انتي غيرهم ل د/ مصطفى زايد
 

في زمن الفتن ..

زمن الشهوات والمغريات ..

ساعات كتير بنشوف ناس لسه ثابتين رغم كل الفتن ..

قلوبنا بتبقى هتطير من الفرحة بثباتهم ..

وبندعي ربنا إنه يبارك فيهم ويكثر من أمثالهم ..

وبيبقى نفس الواحد يروح يقولهم أي كلمة تشجعهم وتساعدهم على الثبات ..

وده إهداء بسيط جدا .. لكل بنت طاهرة عفيفة ..

لكل بنت لابسة الحجاب اللي يرضي ربنا مش يرضي الناس ..

لكل بنت تشبهت بأمهات المؤمنين ..

لكل بنت صاينة نفسها وحافظة قلبها من كل علاقة مع أي شاب ..

لكل بنت قلبها رقيق بذكر الله .. مليان بحب الله ..

لكل بنت ترفعت عن السفاسف والتافهات والافلام والاغاني والموضة ..

لكل بنت متمسكة بكتاب ربها وسنة نبيها في زمن الغربة ..

لكل بنت النبي وصفها وقال :

( يأتي على الناس زمان الصابر فيهم على دينه كالقابض على الجمر )

بقولها أصبري واحتسبي .. وأبشري بحب الله ورضوانه ..

أبشري بجنة عرضها السماوات والأرض ..

قال رسول الله صلى الله عليه وسلم :

( بدأ الإسلام غريباً، وسيعود - كما بدأ - غريباً ، فطوبى للغرباء )

وقال ايضاً :

( طوبى للغرباء ، فقيل: من الغرباء يا رسول الله ؟؟؟
قال: أناس صالحون في أناس سوء كثير ، من يعصيهم أكثر ممن يطيعهم )( إنتي غيرهم )


من كل قلبي بقولهالك ، وهقولهالك

إنتي غيرهم

والكون بحاله كتبهالك ، وشهدهالك

إنتي غيرهم

إنتي اللي غيــر كـــل البنــات
ومفيش كـــــلام يوصف كده !

أخــلاق وديـــن ثابتة ثبــــات
مين شاف إيمان بالشكل ده ؟؟

إنتي العــفيفــة الطـيبــة
إنتي اللي منه قريبــــــة
ربـــــك حبيبــك بتطيعيه
والناس عقولها مُغيبة !

إنتي غيرهم ..

يا لؤلؤة ماشية بحجابـك
زانِك حياءك بين صحابك
الناس يقولوا ليه كده؟؟
وكأنك إنتي المُذنبة !!!!

ده حجاب يصونك م العيون
إوعي تسيبيه لو إيه يكون
واســـــــع ويرضي ربنـــا
أصلك بجـــد مُحجبــــة !!!

إنتي غيرهم

يا نجمة وسط ضلام وليــل
إنتي الأمل في طريق طويل
دول مهمـا حاولوا يعملــوا
عُمــــرك ما كنتي مُذبذبة !

قلبك ده غير كل القلــــوب
طاهر برئ من غير ذنـوب
خالي من الحُـب الحــــرام
وقلـوب كتيــــر متعذبة !!

وإنتي غيرهم

يا ثابتة زي جبــال رواسي
سامعة كـــلام مؤلم وقاسي
صابرة وبتقابلي الكــــــلام
بطريقــة هـــــادية مؤدبـة

ماشية في طريق مليان صعاب
أبـــواب فتـن ولا ألف بـاب !!
قابضة على جمـــر الإيمــــان
كــل البنــات مستغربة !!

ما إنتي غيرهم

إنتي اللي غيــر كـــل البنــات
ومفيش كـــــلام يوصف كده !

أخــلاق وديـــن ثابتة ثبــــات
مين شاف إيمان بالشكل ده ؟؟

إنتي العــفيفــة الطـيبــة
إنتي اللي منه قريبــــــة
ربـــــك حبيبــك بتطيعيه
والناس عقولها مُغيبة !

***********

ليكي انتي كمان يا قمر ربنا ما يحرمني منك

كالعادة ابداع رائع
وطرح يستحق المتابعة
شكراً لك
بانتظار الجديد القادم
دمت بكل خير
تحياتي