منتديات وهج الذكرى - طريقة استرجاع ايفون من نسخة 4.0.2 الى 4.0.1

السلام عليكم

لأصحاب 3g و 3gs و 4

لاحظت من اكثر الناس في العالم انهم يبحثو في المنتديات عن طريقة استرجاع الايفون الى نسخة اقل من الابديت الي سواه

يعني مثلا انا حددثت جهازي الى اخر شي 4.0.2 طبعن ما يمديني اسوي جلبريك عشان انزل برنامج السيديا

الحل عندي وانا مجربها 100% واتحدى اي مخلوق لو ما سواها وظبطت معاه .....لان كل الشروحات الي في المنتديات طلعت غلط في غلط او نقص في الشرح
طبعن في اخوان يبغو يرجعو اصدار الجاهز الى

4.0.1
او
4.0
او
3.0
او
3.0.1
او
اي اصدار تبغوه

حمل الاصدار الي تبوه الي يناسب جهازك من هنا

http://www.felixbruns.de/iPod/firmware/

اول ما تفتح الصفحة حتجيك صفحة سوده وقائمة مكتوب عليها اي بود وتحتها مكتوب اي فون وجمبها بالانجليزي داون لود

طبعن حنختار الجهاز والاصدار الي نبغا نرجعو له

اول ما نحمل الاصدار في الجهاز

لاتخشو على الملف لانو ملف مضغوض

احنا نغير صيغت الملف اول شي من zip الى ipsw
حيسير زي كدا الملف iPhone2,1_4.0.1_8A306_Restore.ipsw وحيتغير شكل الملف

والله ابغا اوريكم صور بس الصراحة كسلان مرررررا بس حسويها في وقت قريب

نسيت اقلكم شي في بعضكم ما يبان عندهم صيغة الملفات عارفين كيف تطلعوها؟؟؟

خشو على المستندات من الاب توب او الكمبيوتر العادي

فوق في شريط الادوات مكتوب ملف او فايل بالانجليزي

وجمبو تحرير و عرض و ادوات احنا نخش على ادوات حتطلعلنا قائمة اخر شي تحت نخش عليه الي هوا خيرات المجلد...

حتجينا قائمة تانية نخش على عرض اول خيار في المربعات عليه ((( صح ))) الي هوا اخفاء ملحقات الملفات لانواع الملفات المعروفة

نشيل علامة الصح من المربع ونسوي تطبيق وموافق بعدها حيبان عندنا صيغة الملفات كلها

ونعدل عليها زي ما قلتلكم

طبعا الأيتونز لازم يكون الأصدار الأخير 9.2

ياجماعة تكفا امشو على نفس الخطوات مظبووووط لحد يلخبط والشرح مرا بسيط وسهل

بسم الله نبداء:

اولاً:

نخش من الكمبيوتر حقنا على جهاز الكمبيوتر حيبان عندنا الهارديسك C او D او E احنا نخش على C حيبان عندنا ملفات من ضمنهم المستخدم وويندوز بالانجليزي وبرقرام فايل المهم

احنا حنختصر كل دا ونلصق الكلام دا في شريط الاداوات فوق

C:\Windows\System32\drivers\etc

يعني حيدخلنا على ويندوز وحنخش على سستم 32 وحيدخلنا على درايف وبعدين على يتس

حنلاقي 5 ملفات بيضا منهم مكتوب
hosts
نسحب الملف دا ونرميه على سطح المكتب ونضغط عليه مرتين ونختار الملف الي يشغلو دفتر المفكرة

واول ما تفتح الصفحة ننزل اخر شي تحت ونحط الكلام دا

74.208.10.249 gs.apple.com

يعني حيسير الملف زي كدا

# Copyright (c) 1993-2006 Microsoft Corp.
#
# This is a sample HOSTS file used by Microsoft TCP/IP for Windows.
#
# This file contains the mappings of IP addresses to host names. Each
# entry should be kept on an individual line. The IP address should
# be placed in the first column followed by the corresponding host name.
# The IP address and the host name should be separated by at least one
# space.
#
# Additionally, comments (such as these) may be inserted on individual
# lines or following the machine name denoted by a '#' symbol.
#
# For example:
#
# 102.54.94.97 rhino.acme.com # source server
# 38.25.63.10 x.acme.com # x client host

127.0.0.1 localhost
::1 localhost
74.208.10.249 gs.apple.com

خلصنا ؟؟؟ على طول نروح فوق مكتوب ملف نضغط ونسوي حفظ

نقفل الصفحة ونسحب الملف الي في سطح المكتب ونرميها في نفس المكان الي سحبناه منو الي هوا

C:\Windows\System32\drivers\etc

ونسوي ريستارت للكمبيوتر ونطفي الاي فون كمان معاه بس لا تفصلو سلك اليو اس بي الي مشبوك من الاي فون للكمبيوتر لان لمن نسوي ريستارت للكمبيوتر والجوال مطفي كمان من مجرد يشتغل الكمبيوتر حيشتغل معاه اوتو ماتيك الجوال

حيشتغل برنامج الايتونز بعد ما يشتغل الكمبيوتر

نسوي بيك اب للجوال

عارفين كيف؟؟؟

اقلكم كيف

حنلاقي صورة ايفون صغير عند برنامج الايتونز

نضغط عليه كلك يمين حطلع خيارات نضغط على كلمة بيك اب

وانتبو انتبو انتبو تستعجلو عشان لاترح ارقام الجوال من جهازكم

لازم نخزن ارقام الجوال كمان في مكان تاني زي برنامج اوتو لوك الي ينزل مع مايكروسوفت اوفيس

وبصراحة كسلان اشرحلكم عنو وعن طريقة حفظ الارقام بس سهلة مرا

المهم

بعد ما سوينا بيك اب للجهاز

نروح على
summary

حيبان عندنا معلومات الجهاز

في الوسط مكتوب ريستور لا تضغط عليه كدا حاف انتبو مهمة الخطوه دي

علق على زر شفت+ ريستور

يعني قبل ما نضغط على ريستور لازم نعلق على شفت معاه

حتنفك الصفحة نختار الملف الي نزلناه اول الي هوا كمثال

iPhone2,1_4.0.1_8A306_Restore.ipsw حسب الاصدار الي انتا نزلتو ونختارو

ونسوي موافق

والف الف الف الف مليووووووووووووووون مبروك على استرجاع الجهاز للاصدار الي اقدم من 4.0.2

او مكالمتي على الخاص للحاجة الضرورية فقط

اخوك dr.nawaf

وللامانة الموضوع ماهو منقول انا بنفسي شرحتو والي يحب ينقلو الرجاء كل الرجاء ذكر مصدر النقل

لان الموضوع متعوب عليه جداً

وراح انزل صور الشروحات زي ما وعتكم في اقرب وقت

تحياتي..:sm258: