منتديات وهج الذكرى - مدري بصراحه وش الي فيك يجذبني

منتديات وهج الذكرى (https://www.wahjj.com/vb/index.php)

- وهج الأبيات و الشعر (https://www.wahjj.com/vb/forumdisplay.php?f=68)

- - مدري بصراحه وش الي فيك يجذبني (https://www.wahjj.com/vb/showthread.php?t=43837)

مدري بصراحه وش الي فيك يجذبني

مدري بصراحه وش الي فيك يجذبني

مدري بصراحه وش الي فيك يجذبني
صمتك .. هدوءك .. شموخك أو معاناتك

في كل صفحة غلا ألقاك تكتبني
واصير انا لغز حاير بين ابياتك

　
إن جيت يمك عطش بالحب تشربني
ليل سهرته يذكرني بنجماتك

ان قلت اببعد سحر عينك يقربني
عمري ابتدا بين نبضاتك ونظراتك

تدري شعورك فرح أو حزن يعجبني
بعثرتني بين بسماتك و دمعاتك

فرقاك فيها دموع العين تغلبني
ياليتني غيمة واعشق مسافاتك

وامطر على درب قلبك يامذوبني
واصير غصن حياته دون لمساتك

　أهجر .. تغلى .. بكيفك .. صد شيبني
أصلآ شبابي عرفته بعد لحظاتك

وتصدق اني لمحتك يوم تسلبني
لكن تركتك .. عجبني نوع سرقاتك

ناي الهوى صار وسط الروح يطربني
صورت ذاتي سفينه .. في بحر ذاتك

لك في ضلوعي يدين الشوق تحطبني
يروق جو المساء مع طيب نسماتك

ماودي اكذب .. خفوقي فيك تعبني
مدري وش اسمي غرامي في حكاياتك؟
　
إن كان هذا عذاب .. ارجوك عذبني
وان كانه حبي غلط .. يازين غلطاتك