منتديات وهج الذكرى - كيف تخسر كرشك 😊

الكرش
بعيدا عن خزعبلات كيف تقضي ع كرشك بأسبوع ! وقريبا من الواقع 🙂

_الدهون او الشحوم بشكل عام يخزّنها الجسم حتى يحرقها بوقت لاااحق بوقت متصير مجاعة او يمر كم يوم مناكل وهذا من طبيعة خلق البشر حتى اعضائنا تستمر تشتغل القلب والدماغ والخ،
وبسبب سوء تغذيتنا ( التغذية المفرطة) والسعرات الزايدة اللي ناكلها فتكون اكثر من جهدنا اليومي دتفهمون ؟ اكثر من حركتنا وحرقنا اليومي وهالشي يتسبب بتجمع الدهون سواء بالارداف او بالافخاذ او البطن ! وكلمن حسب جيناته انو وين تتركز وتتجمع بالضبط ، ف الكرش عبارة عن طاقة متجمعة ومدامها هيّ طاقة متجمعة ف اكيد اكو طرق بأمكانه احنا نسويها ونحرق هالطاقة المفرطة الطامسة لجمال اجسامنا ، بطرق نخدع جسمنا انو يستخدمها و يحرقها .

_الدهون اللي تتجمع بالجسم نوعين
الاول هو Subcutaneous fat
والثاني هو Visceral fat ,
الاول يكون بين الجلد والعضلة وهذا يكون من النوع الخفيف من واحد يركض يبقى يهتز وهذااااا يكون من اصعب انواع الدهون بالحرق بس نكدر نتخلص منه ، اي نكدر🙂 ما انخلق المستحيل ابد 😍
بينما ال Visceral fat
هذا يكون خلف العضلات يعني يكون بين احشاء الجسم وهذا طبعا يشكل خطر كبير ع الانسان ويؤدي للموت مندخل بتفاصيله بس هو حباب وبسهولة نتخلص منه ليش ؟
لان هذا الشحم صاير ويا الاعضاء ومن نسوي جهد كبير حيوصله دم بسهولة .

_احنا ناكل ماكرونيوترنت ومايكرونيوترنت تمام ؟
جسمنا يحولها لكلايكوجين وتتخزن وين ؟ بالكبد وكميات كبيرة من الكلايكوجين يتخزن بالكبد,
انملت الكبد وين يروح هالكلايكو. للعضلات انملت العضلات🙂 واحنا مازال مستمرين بالاكل مستمرين ندخل سعرات حرارية عالية لاجسامنا 5000او 9000 زين الكبد والعضلات انملت بطاريتهم
هسه وين برايكم يروح الكلايكو. ؟
الجواب بكل بساطة يتحول لشحوم ويتخزن بالمكان اللي يكون وراثيا مخزن للشحوم سواء الوجه او الارداف او البطن ، بالمقابل احنا منتحرك او جهدنا قليل فيستمر التخزين بين الجلد والعضلات النتيجة كرش صغير ، صغير متوسط ، متوسط ، متوسط كبير انوب يصير الكرش هيبة والملابس عنده وتوكف حدها لهنا 🙂 ولهذا وضحتلكم بالبوستات السابقة انو تنتبهوا لسعراتكم اللي تاكلوها والافضل تحسبوها ،
_ الخلايا الدهنية هيّ عبارة عن شبكة وحدة مترابطة بالثانية اوك ؟
انتو رحتو الجم وسويتوا تمارين بطن فد 100 وحدة لا تتوقعون الكرش حيصغر او يروح 😅 تعرفون ليش مثل ما كلتلكم فوك يبدي بالكلايكوجين المخزون بالكبد والعضلات وانوب يفتر ع الوجه و الرقبة والادين والرجلين واخر شي يوصله هو الكرش كون الكرش هو مصدر الامان للجسم بحالات المجاعة وجسمكم يبقى يقاوم الجهددد اللي تسووا ويريد يحافظ عليه قدر مايكدر متمسك بي وينتظركم تستسلمون 🙃
ولهذااااااااا افتهموا شييي مهم جدا هو عملية الوصول للكرش مو بفد دايت معين ولا فد تمرين معين ااااابد وانما بطريقة تعاملكم ويا السعرات وحسابكم الها #واستمراركم بالحركة اليومية فتبدي تصغر... تصغر ...تصغ... تص... ت...
لما تختفي ،
طبعا هالشي اله بعد جيني وراثي انو بأي مكان تتجمع هالدهون اكو بنات كتبولي يردون ع الدهون اللي تصير بالخواصر اكو ناس تكول جسمي من فوك متناسق مشكلتي من الكرش والارداف والرجلين ف الحل هو نفس ما حجيت فوك
يعني عملية تجمع الدهون تكون حظ يانصيب وين يعجبها تستقر ،

_خسارة الكرش محتخسروا بأسبوع🤦‍♀️ ولا اسبوعين ولا شهر 🤦‍♀️🤦‍♀️يحتاااج وقت يعني خلو توقعاتكم واقعية شوية ، يتطلب وقت وصبر وارادة وتحمل ايضا وذكاء يعني اذا توقف وزنكم شلون حتتصرفون شتسوون ،تغيرون تمارينكم او تزيدون وقت حركتكم، تصعدون السعرات وتسوون صدمة للجسم وشوية شوية علما تتحلحل الدهون بالضبط نفس فكرة النحات من عنده مادة خام ودينقر بيها شوية شوية وياخذ وقت ويطلعنا فد شي منحوت مثل جسمكم اللي حتوصلوا بقوة ارادتكم وتحملكم واصراركم 😍😍😍
نقلا عن خبير تغذية هالكلام ❤

وجدته ممتع ومفيد يارشقيين فنقلته