منتديات وهج الذكرى - طاجن مكرونه زي محلات الكشري

منتديات وهج الذكرى (https://www.wahjj.com/vb/index.php)

- ♫ عنـاقيـد شهـية ♫ (https://www.wahjj.com/vb/forumdisplay.php?f=92)

- - طاجن مكرونه زي محلات الكشري (https://www.wahjj.com/vb/showthread.php?t=54102)

ᏚᎯ ᏚᏫ

01-03-2025 03:35 PM

طاجن مكرونه زي محلات الكشري

نفسك فى طاجن مكرونه زي محلات الكشري ومش عارفه طريقته علقي بتم وتابعي الطريقه👇
طاجن مكرونه باللحمه المفرومه زي المحلات🍟🍟
👌👌 المقادير👇👇👇
٢/١ كيلو مكرونه قلم
٤/١ كيلو لحمه مفرومه
٣ بصله متوسطه
٢/١ كيلو طماطم معصوره
ملعقتين زيت
ملح + فلفل + كمون + بهارات
طاجن وسط
ورقة فويل
ندخل بقى على الطريقه بالتكات و الحركات 😉😉
١ : هنعمل اللحمه المعصجه :
« هنجيب حله و نضع فيها ملعقتين من الزيت و نضع فيها اللحمه المفرومه و نشوحها جامد و بعدين ننزل عليها بالبصل المتقطع و نشوح و بعدين ننزل بالطماطم المعصوره و نشوح و بعدين نحط بقى الملح و الفلفل و والكمون و والبهارات و نقلب و نوطى عليها النار و نغطيها حتى تكمل السوا و تتعصج كده و تتسبك و تبقى ميه ميه👌👌 ».
كده اللحمه المعصجه معانا جاهزه و بالطريقه ديه هتلاقى اللحمه تحفه
٢: هندخل بقى ع المكرونه :
« هنجيب حله و نضع فيها مياه و نتركها تغلى و نحط ملعقه صغيره ملح ثم نضع فيها المكرونه و نتركها تتسلق نصف سوا و بعدين نصفيها من الماء و اهم حاجه منغسلهاش عشان المكرونه تبقى متماسكه و نبشر بصله و نحط عليها ملح و فلفل اسود و ندعكها بايدينا و نقلبها على المكرونه .😉
٣ : نطبق الطاجن بقى :
« هنجيب طاجن متوسط و نحط فى قعره ملعقتين من اللحمه المعصجه الجميله الى عملناها عشان لما نقلب الطاجن يبقى اللحمه على وشه زى بتاع المحلات😂😂 و نجيب بقى المكرونه المسلوقه نحط عليها باقى خلطة اللحمه المعصجه و نقلب كويس و نحطها فى الطاجن و نغطيه بورقة فويل و بعدين نحطها بقى فى الفرن فى الرف الى فى النص و نتركه يستوى لمده نصف ساعه و بعدين نشيل ورق الفويل و نولعله الشوايه لمدة خمس دقائق و بس كده و تحطى طبق عليه و تقلبيه 👌👌👍👍

Ranosh

01-03-2025 03:37 PM