السلوقي المتذمر
ظبيان كلب صيد من نوع السلوقي .. ولكنه ابتلى بصاحب يعامله معاملة سيئة لا تليق بمواهبه .. فكتب الشاعر مطلق المطيري على لسانه يشرح فيها معاناته وتطلعاته للعمل في وظيفة أخرى غير وظيفة ملاحقة الأرانب :
يعني عشان الله خلقني سلوقي .. تقوم تشغلني بطرد الأرانب
كم لي وأنا ساكت وتهضم حقوقي .. والحين أبهرج في المكان المناسب
وأنا لساني ما بقى في شدوقي .. ولعابي اللي من لساني تساكب
لي صاحب ما هوب دايم يروقي .. صاحب وبعض الأحيان ما هو بصاحب
عليّ ما هو في طبوعه شفوقي .. ومن خوّته ماني محصّل مكاسب
يا ليتني طير واقطع اسبوقي .. وإلا موظف في وظيفة محاسب
واسرق ولو قالوا لي انك سروقي .. ما همني وإلا معاتب
صبرت لين الصبر قطّع عروقي .. هادي وطبعي كان ما هو مشاغب
واليوم ما اسكت دام تهضم حقوقي .. حتى ولو ما هو وقت مناسب