منتديات وهج الذكرى - عرض مشاركة واحدة

10-29-2013

نكمل مع بعض ونشوف الراجل بتاع المحل قال لاحلام ايه؟
احلام:- ودخلت وقولت مساء الخير لقيت الراجل بيقول السلام عليكم طبعا مكنتش متعوده انى اقولها رديت ليه السلام وسألته عندك اسدال وكانت الصدمه قال لا مش عندى وشعرت ان قلبى توقف رديت عليه بصوت حزين شكرا وانا خارجه لقيته

بيقول يااختى لو عايزه محل يكون عنده ملا حف واسدالات وملابس محجبات فيه واحد فى اخر الشارع وهنا شعرت بفرحه شديده وقولتله شكرا شكرا جدا وخرجت ووصلت للمحل وقولتله حضرتك عند اسدلات رد قالى السلام عليكم شعرت باحراج شديد ورديت السلام .....

قالى اه يا اختى فيه كل الانواع والالوان والمقاسات وقدم ليه الملحفه والاسدال وحبيت الملحفه اكتر واشترتها وكنت فرحانه بشكل غريب .....رجعت البيت وقولت لماما .....
ماما قالت ايه ملحفه ايه ده لا طبعا انتى هتلبسى الخيمه ديه الى يتغير يغير واحده واحده يعنى البسى جيبات وبديهات زى ماانتى لبسه كده ماله ده يعنى الدين يسر ومش عسر وانتى لسه صغيره .....

قولتلها لا انا هلبس كده ومش هرجع فى كلامى وفعلا ومن يومها كان اول حرب بينى وبين نفسى والشيطان والناس طبعا التريقه من اهلى ومن اصحابى والناس ايه الخيمه الرمضانيه ايه ياحجه وكلام وكنت ابكى يوميا و ولكن دعيت ربنا كتير يثبتنى وبالفعل بقا انتقادات الناس ليه يدفعنى للتمسك اكثر .....
ونزلت اشتريت كتب دينيه عن الصلاه والحجاب وكل شئ وبقيت انزل فديوهات للشيوخ ويوم ورا يوم وبدات معلوماتى تزيد وقربى من ربنا بيكبر وحياتى بتتغير واحده واحده وعديت من اول اختبار
وفى يوم لقيت موبيلى بيرن برد االسلام عليكم ..........

وعليكم السلام ورحمة الله وبركاته ازيك يااحلام ....
وهنا عرفت ان ده شادى وكان قلبى يدق بشده من المفجأه ولكن تذكرت ربنا وتملاكت اعصابى ورديت قولت خير يا شادى فى حاجه...رد:ايه بتتكلمى كده ليه هو انا موحشتكيش ...........

رديت:شادى بالله عليك انا مش هينفع اتكلم معاك ومش ينفع يكون بينى وبينك اى شئ انا رجعت لربنا وخلاص موضعنا انتهى نهائى ..............
رد:انتى بتقولى اى ازى بتقولى كده هو عشان بعدنا عن بعض يبقا حبنا انتهى ....

رديت :مش عشان كده عشان ربنا وعشان حرام وانا اسفه لازم اقفل دلووقتى حالا سلام عليكم وقفلت....

وقلبى يتمزق ولكنى تذكرت ومن يتقى الله يجعل له مخرجا ويرزقه من حيث لا يحتسب وفعلاا مرت الايام والتحقت بكلية التربية وعديت سنتين وانا بفضل الله فى التزامى وقربى من الله وحفظ للقران وصلاه وصوم وبعد سنتين من انفصالى انا وشادى افجأ بمكالمه من جمالات اخته وهى كان صديقتى فى كلية الاداب والمفاجاة انها طلبت منى تحديد ميعاد تزورنى فية هى ومامتها وكان احلى مفجأه ليه وعرفت ان شادى هيتقدم ليه وفعلا اتخطبنا............

فتكات:ايه اتخطبتى يامضرروبه امال فين الدبله ........
احلام :متغيرتيش زى ماانتى مسرروووعه كده دايما اصبرى ماانا جايه اهو فى الكلام........واتخطبت انا وشادى وكان اول شهر فوق الرائع انا وهو التزام وقران وصلاه ونتفق على ايام الصيام عشان نصوم مع بعض وكانت حياه احلى من اى شئ ولكن ضعفنا امام فتن الدنيا وشهواتنا وسواس الشيطان واصبحنا نقصر فى الصلاه ونتكلم فى التليفون كثيرا ورجعنا للاغانى ومفيش صوم ولا قران واصبحنا نبعد خطوه خطوه عن ربنا واصحبت اتراجع عن حجابى واقصر واستمرينا شهر كمان فى هذا الانتكاس ويأتى موعد فرح جمالات واقرر انى اشترى فستان واظبط نفسى خاالص عشان طبعا كل اهل شادى هيكونوا هناك ولازم ابقا فى احسن مظهر وفعلا جه يوم الفرح ولبست فستان وحضرت نفسى وميكب وكل شئ ونزلنا انا وبابا وماما واخويا وركبت العربيه ويشاء القدر ان يكون الطريق مقطوع الى هيوصلنا لمكاان الفرح ونتأخر ومنقدرش نحضر الفرح طبعا زعلت جدااا وروحت مخنووقه وبرضو مخدتش بالى انها رساله من ربنا ولكن كانت الغفله تعمى بصيرتى وبعد اسبوعين شادى اتصل بيه وقالى احلام مش هينفع نكمل اهلى رافضين اننا نكمل صدمت وبقيت فى انهيار ليه وازى بعد كل ده ازى انا مش مصدقه انت بتقول ايه انت عايز تبعد عنى بعد كل الحب الى بنا احنا مصدقنا رجعنا لبعض ازى هتسبينى وبقيت منهاره وفقدت الوعى وبعد اسبوع كله حزن وبكاء والم لفراق شادى بدون اى سبب واضح قررت انى اقيم الليل والجأ لربنا وفى اول سجده كاد قلبى ينخلع من البكاء وفجأه انار الله بصيرتى مره اخرى تدبرت كل ماحدث لى واعلم ان الله كان يريد ان يردنى اليه مره اخره وان الله اخذ منى الشئ الذى رزقنى به وانا فى طاعته ولكن عندما عصيته اخذه منى ليعلمنى ان ماعند الله لا يأخذ الا بطاعته ويوم ورا يوم رجعت تانى لاحلام الى من الصلاه للقران للصوم للدروس الدين والاذكار اصبح الاستغفار يلازمنى مثل التنفس عسى الله يغفر لى ذنوبى وكان هذا درس اراد به الله ان يعلمنى ويردنى اليه ومن هذا الوقت وانا بفضل الله ثابته على كل شئ يقربنى الى لم اعد التفت للدنيا وفتنها ولكن مااريد وجعلته هدف لى هو رضا ربى سبحانه وتعالى والدعوه وخدمة ديننا وتعلمت من كل ماحدث فى حياتى ان ماعند الله يلا يأخذ الا بطاعته وان من يتقى الله يجعل له مخرجا ويرزقه من حيث لا يحتسب (ومن يعرض عن ذكرى فان له معيشتا ضنكا)وادركت ان السعاده لا توجد الا فى حياه فى طاعة الله ورضا وان طريق الله طويل وليس الهدف ان ننتهى منه ولكن الهدف ان يختم لنا ونحن فى هذا الطريق وكمان عرفت ان مش دا الزوج الصالح اللى ينفع لى وبقيت احلم بزوج صالح تقى ملتزم مظهرا وجوهرا انا الان اريد الزوج الصالح الذى يختارة لى ربى ويرضاه لى ربى . وعلى فكرة انا بفكر فى النقاب وادعولى البسه قرييب بس اجاهد نفسى وكمان اهلى

شلبية:- قصتك يا احلام تخلع القلوب وتحرك الجبال..........
احلام:- كان نفسى لبنى تسمعها هى فييييييين بقى؟
اه مش هيقدروا يخبوا موت لبنى كتير ولازم احلام هتعرف بس هيقولوا لها ازاى ؟ وهى هتعمل ايه لما تعرف كل دا

تعالوا نشوف ..

احلام:- فين بقى لبنى يا عيال اخرت جدا هى مش عارفة انى جيت ولا ايه؟
شلبية:- ايه مش عاوزة تسمعى حكاياتنا ولا ايه؟
احلام :- عاوزة طبعا احكى لى حكايتك انتى الاول يا عدلات دا انتى كنتى المفترية بتاعتنا ايه اللى هداكى كدا يا بنتى
عدلات:- لا شلبية تحكى حكايتها هى الاول
شلبية:- انا كنت عايشة عادى زى ما انا وفجأة بدأت افكر واتدبر واراجع نفسى واسال عن الحرام والحلال واسمع عن ربنا واقرى عن ربنا وحبيت الالتزام واتعرفت على بسمة وهى ساعدتنى ومشيت واحدة واحدة وسبت المعاصى وحبييت ربنا قوى
احلام:- ها يا ست عدلات احكى بقى سمعينى
(نظروا الى بعض والدموع تملئ اعينهم فستحكى ليلى قصة توبتها التى تضمن فى سياقها موت لبنى وستتفجر مفاجاة موت لبنى فى سياق كلامها )

بدأت ليلى تقص قصتها كاملة وتحكى وفاجأت احلام بقصة موت لبنى وبطريقة موتها وهنا كانت الصدمة وانفجر الجمييع فى البكاء وخصوصا احلام التى كانت ستجن على رؤية لبنى وكانت قادمة وتتمنى ان تقدم لها قصة توبتها لتتوب وهى لا تعرف ان لبنى صديقتها وحبيبتها قد ماتت قبل ان تتوب

احلام:- انا لله وانا اليه راجعون ربنا يرحمها ويهديها ياااااااااااااااااااااااااااااااااااه قصتها خلعت قلبى وخصوصا انى كنت فى نفس موقفها يوم من الايام ياااااااااااااااااه لو كنت مت وانا رايحة الفرح بتاع جمالات بالمنظر دا ياه على حلم الله وستر الله ورحمه الله وجعتوا قلبى جدا وحرقتونى على لبنى
بسمة:- محدش ضامن عمره ممكن نموت فى اى لحظة وكل واحد هيموت على اللى عاش عليه
ولازم تتوقع انك ممكن تموت فى اى موقف فخلى بالك متحطش نفسك فى موقف معصية
احلام:- وانتوا يا بنات انتى يا فتكات وسعدات وحسنات؟ واقفيين مكانكم ليه؟ مستنين ايه ؟؟؟؟؟؟؟؟؟؟؟؟؟؟؟
عارفين انا جربت الحب ولاقيت مفهوش سعادة وجربت الاغانى وطلع مفهاش سعادة والمعاصى كلها مفيهاش سعادة ياااااااااااااااااااااااااااااااااااااااااااااه على طعم الايمان والقرب من ربنا واستشعار حنان ربنا ويا سلام لما جهاز الاستقبال عندك يتصلح وتبداى تستلمى رسائل ربنا وتفتحيها وتفهميها يااااااااااااااااااااااااااااااااااااااااااااااه
بسمة:- جهاز الارسال دا اللى هو قلبك صح ؟
احلام:- ايوة صح

انتهى مسلسلنا وانتهت قصتنا
تامر واقف مش عارفيين هيتوب ولا هيكمل حياتة عادى
وسعدات وفتكات وحسنات واقفيين ومش عارفيين نوايين على ايه

انت وانتى الشخصيات دى انت على حياتك اللى انت عليها الان اى ما كانت يا ترى ناوى على ايه؟
هتغير حياتك للاحسن؟
هتوب من الذنوب؟
هتتقرب لربنا اكتر؟
هتصر على الذنب وتستصغره؟
اوعى تستصغر ذنب او تستهون بيه اوعى تقول انا احسن من غيرى محدش هينفعك لحظة موتك
يا ترى كام حد مات قدامك سواء من الاصحاب او من الاهل او حتى متعرفهوش بس وصلك خبر موتة
كل دا كان رسالة ليك
يا ترى كام واحد مرض او ابتلى بلاء صعب قدامك
كل دى رسايل ليك
كام بلاء انت اصبت به
كل دى رسايل ليك
فكر دلوقتى وقف مع نفسك وراجعها كويس
اللى متعرفهوش اتعلمة واللى عارفة اعملة واستعن بالله
باب التوبة مفتوح اياك والتسوييف لان انت مش ضامن عمرك ولا حياتك ولا قلبك حتى
فتب الان ...