05-27-2011
|
#8
|
|
بيانات اضافيه [
+
]
|
|
رقم العضوية : 218
|
|
تاريخ التسجيل : Apr 2011
|
|
أخر زيارة : 07-10-2013 (07:01 PM)
|
|
المشاركات :
2,111 [
+
] |
|
التقييم : 119
|
|
|
لوني المفضل : Cadetblue
|
شكراً: 0
تم شكره 2 مرة في 2 مشاركة
|
الدنيا من غير الربيع ميته
ورقة شجر ضعفانه ومفتفته
لأ يا جدع غلطان تأمل وشوف
زهر الشتا طالع فى عز الشتا
عجبى !!
ياللى انت بيتك قش مفروش بريش
تقوى عليه الريح .. يصبح مفيش
عجبى عليك حواليك مخالب كبار
وما لكش غير منقار وقادر تعيش
عجبى !!
سمعت نقطة ميه جوه المحيط
بتقول لنقطه ماتنزليش فى الغويط
أخاف عليكى م الغرق .. قلت أنا
ده اللى يخاف م الوعد يبقى عبيط
عجبى !!
جالك أوان ووقفت موقف وجود
يا تجود بده يا قلبى يا بده تجود
ما حد يقدر يبقى على كل شىء
مع إن ـ عجبى ـ كل شىء موجود
عجبى !!
جالك أوان وعرفت مشى الجنايز
كيف شفتها يا عبد رب اللذايذ
قال : شفت شيل بالحيل فقير أو أمير
كما شالوا فى الخمامير فواضى القزايز
عجبى !!
أنا كنت شىء وصبحت شىء ثم شىء
شوف ربنا .. قادر على كل شىء
هز الشجر شواشيه ووشوشنى قال :
لابد ما يموت شىء عشان يحيا شىء
عجبى !!
يا مشرط الجراح أمانة عليك
وانت ف حشايا تبص من حواليك
فيه نقطة سوده فى قلبى بدأت تبان
شيلها كمان .. والفضل يرجع إليك
عجبى !!
كيف شفت قلبى والنبى يا طبيب
همد ومات والا سامع له دبيب
قاللى لقيته مختنق بالدموع
ومالوش دوا غير لمسه من إيد حبيب
عجبى !!
تسلم يا غصن الخوخ يا عود الحطب
ييجى الربيع .. تطلع زهورك عجب
وانا ليه بيمضى ربيع وييجى ربيع
ولسه برضك قلبى حتة خشب
عجبى !!
بحر الحياه مليان بغرقى الحياه
صرخت خش الموج فى حلقى ملاه
قارب نجاه ! .. صرخت قالوا مفيش
غير بس هو الحب قارب نجاه
عجبى !!
فارس وحيد جوه الدروع الحديد
رفرف عليه عصفور وقال له نشيد
منين منين .. ولفين لفين يا جدع
قال من بعيد ولسه رايح بعيد
عجبى !!
كان فيه قمر كأنه فرخ الحمام
على صغره دق شعاع شق الغمام
أنا كنت حاضر قلت له ينصرك
إشحال لما ح تبقى بدر التمام
عجبى !!
|
|
|
توقيع :
قال تعالى {وَمَا لَهُم بِهِ مِنْ عِلْمٍ إِن يَتَّبِعُونَ إِلَّا الظَّنَّ وَإِنَّ الظَّنَّ لَا يُغْنِي مِنَ الْحَقِّ شَيْئاً }النجم28
دائما النية الطيبة لاتجلب معها إلا المفاجآت الجميلة لاتغيروا أساليبكم فقط غيروا نياتكم فعلى نياتكم ترزقون
|
|