أحبك و المحبه جت من الله و مالها أسباب . . !

لقيتك تجري في دمي و تسكن في شراييني . . .


وانا من كثر ما أغليك أبلبس من غلآك. . ثيـــآب !!

و أكحل ناظري بـ شوفك يا طيفن ما يخليني . . .


أبقهر كل عذالي عسى الله لا يجيب غياب . .

و أشوفك دوم في قربي أحاكيك و تحاكيني . . .


و أبسكن في نظر عينك و أبيك تضمني بـ أهداب !

و أبي كل ما شكيت الهم في بُعدك تواسيني . .


و أبي لو شانت الدنيا أبي نحيا و نموت أحباب . . .

و أبي كل ما توله ناظرك تكفى تناديني . .


حبيبي لو تباعدنا أبصبر و القلوب قراب . .

و أنا في داخلك ساكن إذا ما قلتلي ويني . . !


فديتك يا بعد كل البشر و الناس و الأصحاب !

فديتك ياللي في قربك أحس الدنيا بـ يديني . .

المواضيع المتشابهه:

• بها الدنيا
• حلى سهل من يديني
• لا احد قادر على ان يخلق فرحي سوى قربك
• فديتك حبيبتي
• ياللي جفيـت وجفـاك المـر .. ذابحنـي ...