أغرب مطعم في كوكب ألارض
هو مطعم ابو العيس (( للباجة ))
في البصره القديمه
اتروح للمطعم محد يكلك شتريد
تنتظر وتنتظر وتنتظر.....
الى ان أتمل ... وتفقد الامل
اتشوف الزبائن في المطعم
تعرف ... شمرة المطعم
اتكوم الى اقرب شخص امخلص من الطعام ... تأخذ الماعون والكاسه الفرفوري ... تغسل الماعون والكاسه ... من بقايا الطعام
ادور على اقرب سجين اتقطع بصل الك .... اتروح على جدر الخبز
تاخذ اليكفيك من الخبز اتثرده
واذ اتريد ليمون تشتري من البسطيات اليم المطعم
اتكض سره ... ربع ساعه في الايام العاديه ... والى اكثر من نص ساعه في الاعياد
يوصلك السره .... الى البروفسر الكونت الكابتن الفيلد ميرشال ابو العيس والرجل ممهتملك ايسئلك ومن غير مقدمات بشكد اتريد ... اتجاوبه
وعند استلام ماعون الباجة العجيب اتدور على مكان تكعد وتاكل واذ مالكيت مكان تطلع بره تاكل
ملاحظه : المطعم يستقبل زبأنه ساعتين فقط 2
من 5 ~ 7 صباحا فقط
يعني عندك ساعتين فقط
اغرب مطعم على كوكب الارض
خليتها حتى تضحكون
بالله طالع بالخمسه الصبح حتى تاكل باجه ابو كرش ههه
فدوه احمد ترجم لنجمة ليل ماستشكل عليها هههه رايحه انام
تصبحون على خير