منتديات وهج الذكرى - عرض مشاركة واحدة

10-29-2013

وفى الشارع
حسنات:- ايه دا احلام صديقتى القديمة بالحضن يا احلام

احلام:- ازيك يا حسنات ازيك ي وحشانى خالص خالص

حسنات:- ياه يا ندلة كدا 3 سنين من غير اى اتصال

احلام:- لما هاقعد معاكى انتى والشلة هاشرح لكم الظروف كلها انا لسة دا تانى يوم لية هنا وكنت هاعدى عليكوا فى بيوتكم بس انتوا وحشتونى خالص وخصوصا البت لبنى دى ياه هاموت واشوفها يا ترى ربنا مهدهاش ولا لسة زى ما هى

حسنات:- سكتت ومش ردت عليها واتاخدت كدا وغيرت الموضوع من غير ما تقول حاجة عن لبنى

بقول لك ايه انا هاتصل بالشلة ونتقابل فى النادى دول هيفرحوا بيكى جدا جدا.........

احلام:- طيب تمام

فى النادى اتجمعت الشلة

احلام:- ياه ازيكم يا بنات وحشتونى خالص خالص خالص ازيك يا عدلات ازيك يا فتكات ازيك يا شلبية ازيك يا سعدات اومال فين البت لبنى ؟!
ومين دى؟........................

شلبية:- دى بسمة صحبتنا اتعرفنا عليها جديد بس بنت ماشاء الله خالص
بسمة:- الله يعزك انتوا اللى وحشانى اووى اهلا بيكى يا احلام نورتى وتشرفنا بمعرفتك.............

شلبية:- ايه اللى غيرك كدا يا لولو ايه يا بت التقوى اللى نزلت عليكى دى................

احلام:- واضح انى مش لوحدى اللى اتغيرت ما انتى يا شلبية انتى وليلى اهو متغيريين خالص

شلبية:- ربنا هدانا ..........

احلام:- ربنا يهدينا جميعا وانا كمان دا انا حكايتى حكاية .............

بسمة:- احكى لينا احكى.........
احلام:- لا مش هاحكى الا لما تيجى لبنى دى بالذات نفسى تسمع يمكن ربنا يهديها ....... (يحاولون الهرب من الكلام ويحاولون ان يشغلوها )......

عدلات:- احكى بس يا لولو علشان دا احنا كل واحدة عندها حكاية بردوا احكى يلا....

.احلام:- طيب صلوا على النبى عليه الصلاه والسلام .... بعد ظهور نتيجة التنسيق عرفت انى خلاص قبلت فى كلية اداب.......

شلبيه : فاكره لما قولتى عمرى ماهدخل كلية اداب ديه

احلام : فاكره طبعا انا كنت بكرها جدا المهم بقا... وعشان ظرووف بابا فى الشعل كنا لازم ننقل القاهره ووحولت لجامعة القاهره وهناك ابتدت القصه طبعا عشت اول سنه فى الكليه بس فى الهزار والضحك والخرووج بالليل فى النادى والنت ولبسى بقاا فى النازل من اديق لاديق وميكب وبقيت كل همى ايه نزل جديد فى موديلات اللبس والموبيلات والاغانى كانت حياه بلا اى هدف غير اللهو والمعااصى ولا مذكره ولا حضور محاضرات وكل قاعدتنا فى الكليه غيبه ونميمه وتريقه على خلق الله ومين صاحب مين ومين فشكل مع مين وبس...........

فتكات : فاكرتينا بالذى مضى هو كل البنات كده ولا ايه .....
..... بسمه :لا طبعا الملتزمات موجودين كثيرا بفضل الله ...........
شلبيه :فعلا يا بسمه بس احنا كنا فى غفله كملى يا احلام ..
احلام :وفى الفتره ديه اتعرفت على شاب فى كلية هندسة اسمه شادى ......
فتكات :هو ده الكلام .........
احلام:المهم حبينا بعض اوى وليلل نهار كلام وفى الجامعه مع بعض وعشنا كل ايامنا مابين تليفونات واغانى وكانت الحياه ورديه معنا اوى ولكن مكنش فية سعاده فى قلبى مكنتش حاسة باى شئ ومكنش عارفه ايه السبب ومرت الايام وجاء موعد الامتحانات وطبعا مكنتش مذاكره ولا اى حاجه كنت مغيبه عن كل شئ وامتحنت وظهرت النتيجه وكانت الصدمه والابتلاء الاول لى وعرفت انى هعيد السنه حزنت اوووى وعشت فى تعاسه وحزن هذه الايام ولكن سريعا ماعدت الى حياتى مره اخره ونسيت وطبعا انتم عارفين انا دلوعة بابا وماما فى البيت وحولوا مش يحسسونى باى زعل وفعلا بدأ العام الجديد من الدراسه واصبحت اسوء من الاول ولا يوجد شئ فى حياتى سوى الخروج والضحك والرحلات وعلاقتى بشادى وتمر الايام وامتحن و النتيجه على الابواب وهنا كانت الابتلاء الثانى من الله صدمتى التى لم اتوقعها ابدا وعرفت انى رسبت فى هذه السنه ايضا وانى لازم احول من الكليه كانت صدمتى الكبرى طبعا كنت مش بخرج ودائما فى غرفتى ابكى وحصلت مشاكل بينى وبين شادى وسبنا بعض وكانت هذه صدمه اقوى من الكليه لانى كنت احبه بشده ولقيت نفسى فى يوم عايزه اصلى ومش عارفه ليه ابتديت اصلى ولكن يوم اه ويوم لا ولكن كنت اشعر براحه بعد الصلاه بس مكنش فاهمه ليه وفى هذه الايام كان رمضان على الابواب شهر الكريم الذى تغيرت به حياتى كلها وفى يوم كنت جالسه فى غرفتى وقاعده بتكلم مع صديقتى انغام على النت وقدرا اشوف فديوا لداعيه هانى حلمى ومكنتش اعرف مين هانى حلمى ده ومجرد فضول دخلت اشوفه وكان عن الحجاب وكان الفديوا بيتكلم عن انواع ملابس البنات وايه الحرام فيه وصعقت من هذا الفديوا وبقيت مش فاهمه حاجه كلمت انغام وقولتلها انغام انا شوفت فديوا عن الحجاب تخيلى بيقول البنطلون حرام وكمان البديهات والدرلات الى انا بقول عليها ديه محترمه اوى حرام ازى ازى انا مصدوومه قالتلى اه طبعا عارفه وعارفه الفديوا ده ايوه طبعا هو حرام انتى ازى مش عارفه رديت عليها هو انتى عارفه انه حرام قالت لى اه طبعا عارفه وحولت اغير من نفسى بصراجه معرفتش بصى لو عايزه تعرفى اكتر ادخلى على اليوتيوب واكتبى حجاب وهتلاقى فديوهات لمشايخ كتير هتفهمى اكتر وبالفعل عملت كده ومن فديوا لفديوا قاعدت اكتر من 3ساعات بتفرج وانا فى صدمه حسيت انى مسلمه بلا اسلام ومن موضوع الحجاب لصلاه لتوبه لليوم القيامه وكلام الشيوخ يذبحنى فى قلبى وفى لحظه نظرت الى اعلى وقولت معقول يارب صبرت عليه كل ده معقول يارب امهلتنى كل ده .....وكملت مشاهدتى للفديوهات ووبجمله واحده تغيرت حياتى كانت للشيخ محمود لمصرى((( البسى حجابك قبل مايجى اليوم الى هتلبسيه وهيغطى جسمك كله غصب عنك )))وبعد سماعى لهذه الجمله رجعت واتصلت بانغام وقلت لها انا خلاص قررت مش هنزل بلبسى تانى ...قالت لى انتى بتتكلمى بجد؟ هتقدرى ؟؟؟؟؟ قولت لها ه هقدر خلاص باذن الله وهقوم اشوف ايه اللبس الى مش هلبسه تانى ....فتحت الدولاب ومن طقم لطقم لقيت ان كل ملابسى لاتصلح للنزول مره تانيه وفى الوقت ده بكيت وقولت معقووول معقول انا كنت فى غفله كده ولبست جيبه كانت قديمه مش كنت بلبسها خالص وعليها بدى وطرحه ونزلت عشان اشترى اسدال قولت لغاية مااجمع فلوس وابقا اشترى لبس واسع وبالفعل نزلت ومن محل لمحل ومش لاقيه حاجه ولا عارفه فين مكان ملابس المحجبات ...وقلبى يمتلئ بالحزن واشعر ان الله لا يريدنى وفى اخر محل قولت فى سرى يارب لو عايزنى يارب الاقى فى المحل ده ودخلت وقولت مساء الخير لقيت الراجل بيقول السلام عليكم طبعا مكنتش متعوده انى اقولها رديت ليه السلام وسألته عندك اسدال وكانت الصدمه قال لا مش عندى وشعرت ان قلبى توقف رديت عليه بصوت حزين شكرا وانا خارجه ...لقيته بينادى علية وبيقول لى يااختى ياترى قالها ايه ؟؟

دا اللى هنعرفة الحلقة القادمة
مع الحلقه الاخيره فتابعوناااااااا