منتديات وهج الذكرى - عرض مشاركة واحدة

ملكة الحنان · 06-17-2020

عــدنــا
و بحنان تمسد على راسي .. وانا راسي بحضنها ..
ام نجود : خلص يايمة ليه تصيحين ؟؟
مشاعل " رفعت راسي " : انا بحلم ولا علم .. قولي لي ياخاله ..
مو مصدقة .. بعد سنة .. اشوفك ..
ام نجود بإبتسامه : الحمد لله .. الحمد لله .. اكشفي عن
وجهك .. ابي اروي نظري من االوجه السموح ابتسمت ..
جيت بفتح لثمتي .. الا سمعت : لااا وانا مالي نصيب من هالحب
كله .. هذا و انا اختك .. مالت عليك شعوووله ..
لفيت وجهي و شفت نجود .. جريت لها و ضميتها .. احس اني
اليوم هبله مثل الاطفال اجري كل محل ..
مابقيت محل الا وجريت فيه .. خخخخخ
نجود " تصيح " وانا معاها ..
بعدين رفعت رأسي و ضربتها بخفه على ايدها .. وجيت افتح
لثمتي مسكتني مع ايدي و قالت : لحظه .. فهد ممكن ياخوي
تتفضل بغرفتك
العرض انتهى . ..
طالعته حسيته انحرج مني مرررة .. لانه على طوول مشي ..
نجود : والحين ياقلبي اكشفي عن وجهك ..
شلت اللثمة عن وجهي .. وطالعت بنجود بابتسامة من زمن
عنها ..
نجود كانت ابتسامتها كبيرة بس لما شافتني .. ابتسامتها قلة :
مشاعل ليه ضعفانه بالحييل ؟؟ و مسمرة بعد ..
نجود : مشاعل انتي مريضة ؟؟
مشاعل : يمكن بس من يوم اللي شفت فيه خالتي وانتي راح
عني كل شئ ..
رحت عند خالتي .. وجلست جنبها و هي تناظرني ..
خالتي : يمة تعبانه ؟؟
مشاعل : لا .. بشوفتك المريض يشفى ..
ابتسمت خالتي وقالت: واللي يشوف جمالك و رقتك يصح ..
نجود " بتمثيل تسوي غيوورة ": يمة ترى اغار لا يكون مرت ولدك
بتأخذك عني ؟؟
منيرة : هه اكيييد بتنساك دااام انا حفيدتها بنت بنتها نستني ..
آآآه يازمن .. طبعك غدااار ..
ابو نجود : اكيدد يايمة بتنساكم .. دام معاها القمر مالها و مال
النجووم ..
" بصراحه انا انحرجت من كلام عمي .. نزلت راسي خجل "
خالتي ام نجوود : سمعته وش قال ابوك وجدك .. افهموها ..
الحين مشاعل بالقلب لها مكان ثاني ..
و خالتي ام نجود تكلمني : ماتتخيلن شلوون احس براحه ..
الحين لو جاني الموت بكون مرتاحه ومب شــ...
مشاعل " بخوف " : بسم الله عليكي فال الله ولا فالك .. حراااام
عليكي بعد ما حصلتك وصرتي قريبه مني بتتركني لوحدي
..
ام نجوود " صاحت " : والله يابنتي احس ان ربي خلقني لاجلك
مدري ليه احس هالاحساس ..
مشاعل " بفرح و براءه " : تحبيني ؟؟
سكت الجميع وانا انتظر ام نجود ترد علي .. ابغاها تقول ايه ..
ابغى احس بمعنى حنان الام ..
ردت علي بسؤال و قالت : تحبيني يايمة ؟؟
وكأني كنت انتظر هالسؤال من زمن رديت وبسرعه والاجابه
مطبوعه بروحي .. : اتمنى رضاكي علي .. انا ماااحبك ياماما
انا اعشق الارض اللي تمشي عليها ..
ام نجود : مشاعل ليه تحبيني وانتي ماتعرفيني ؟؟
مشاعل " بابتسامه مشرقه " : احيان الغريب اقرب لي من حبل
الوريد
هنا اخذتني بحضنها وقالت لي اذا تفهمين لغة العيون والحنان
اللي بحضني بتعرفين وشكثر دخلتي قلبي ..
فرحت لدرجه مو طبيعيه .. وقلت طيب ماما اقدر اناديكي ماما ؟؟
ام نجود : رغم ان كلمة مامي مثل اللي يجوون بالتلفزيون بس
من افمك تهبل ..
ابتسمت مو على كلام ماما .. ابتسمت على كلمة افمك لانها
كلمة مو غريبه علي ... << وبتعرفوها بالقريب العاجل ..
طالعت بنجود شفتها تمسح دموعها .. حتى منيرة .. وعمي
شفت عيونه حمر واول ماتلاقت عيوني بعيون نزل راسه بس انا
قمت ورحت له و الكل يطالعني ...
مشاعل " بخجل و رقة " : عمي .. رفع راسه لي وابتسم
لابتسامتي .. كان يطالعني و لاول مرة يدقق بملامحي ..
وكأنه بيرسم لوحة .. تشجعت و كملت : تسمح لي اناديك
بابا؟؟ " كنت خايفة يحرجني برفضه " ..
بس لا كان حنون لدرجه نسيت فبها اهلي اللي ماعبروني ..
وقلبي و عقلي و روحي اصبحت ملك لاهلي اللي ربي رزقني
فيهم .. وماابغى افرط فيهم ابدااا لو ايش ماصار ..
ابو نجود : دامك بنت الغاليه " وهنا يقصد زوجته ".. فشلون
ماتصيرين بنتي .. شلي يريحيك يايبه سوويه ..
هنا من فرحتي سلمت عليه مثل مااسلم على كل كبار السن ..
نجود : اقوول شعووله .. وراك ماتمثلين بفيلم هندي وينهم عنك
المخرجين الهنود بتغلبين ايشوريا بفيلم ديفداس ..
وبعدين انتي احلى عنها .. عاد هي بالمكياج اخلى انتي بدونه
وبه احلى ..
" ابتسمت على كلام نجود "
منيرة : أي والله .. لكن افضل انها تلتحق بستار اكاديمي ..
حلووة و زينه وجسمها ولا اروع .. وصوتها رقيق مثل ..
شسمها .. بستار اكاديمي 3 .. اللبنانيه مسوويه فيهاا نعومه
ورقيقه .. ايه تذكرتها مايا ..
نجوود وانا : هههههههههه هههههههه .. حلوووة بس لا تعيديها ..
منيرة : اشوفتس واايد مندمجه و يا نويجد .. تراني اناا اللي
خطبتك .. وانا اللي حضرت ملكتك وانا اللي سافرت معك
ولا تنسين بعد بتسكنين بنفس مديني يعني معي .. فأحسن لك
تكونين وياي صداقة متينه .. تفهمين ..
نجود : منيرة يابنت اختنْ وراك ماتثقلين تسوين فيها حبوبه .. ترى
الثقل زين ..
منيرة " تفشلت " .. كل هذا و ماما وبابا يضحكوا على حركات منيرة و نجود ..
بابا : الحين يايبه ممكن تكونون حريم سنعات و تضيفون اختكم ..
وتدلونهْ غرفتهْ ..
مشاعل : بابا انا بنتك ومو ضيفه يعني عادي باخذ راحتي
مااعليك انت ارتاح و لا تشيل هم .. حتى ماما ماعليك فيها لانها
بتصير حلوووة وبتسمع الكلام و ان شاء الله بتتشافى ..
وماعليها شر ..
ابتسم لي وقال : الله يريح بالك يايبه مثل ماتريحين بالنا ..
نجوود : مشاعل .. يالله نخليك ترتاحين ..
مشاعل : ماما تبغي شئ انتي و بابا ؟؟
ماما : سلامتك يمة ..
بابا : سلامتك يبه ..
خرجت انا و نجود و منيرة ..
مشاعل : نجوود ماشاء الله بيتكم مرررة حلوو..
نجود : والله شفتي البيت .. ماظنيت ان منيرة تحسن حسن
الضيافه ..
منيرة : ونا وش دخلني بالموضوع ؟؟
نجود : فرجتي مشاعل البيت .. ولا مثل العادة كل شئ عندك
عادي ..
منيرة " بإحراج حاولت تصرفه" : مشاعل اختنا عادي ..البيت
بيتها .. " ابتسمت مشاعل"
خذتني نجود ومنيرة ولفينا البيت كله و بوصفه لكم ..
الدور الارضي مثل ماقلت لكم 6 صوالين ووسطها نافورة وحولها
نباتات طبيعية .. و مجالس الحريم شئ خطيييير كانت مررة
مكلفه
وكشخه لون السيراميك سكري فاتح عليه تشققات ضاربه على
بني .. داير مدار الصالون انتريه سكري و اطرافه ذهبيه ..
بصرااحه بالمررة كشخه .. والنجفات روووعه و الاروع اللي
بالنص كبييرة ونازل لتحت ..
وفيه مجلسين اثنين للحريم بس اصغر من اللي قبل ..
و بداخل القصر مجلس واحد للرجال و برا القصر مجلسين كبار
للرجال غير بيت الشعر والخيام اللي برا بصراحه شئ خيالي ..
وحديقتهم رووووعه ماتمشيت فيها ولا اخذت لفه لانها كبيرة ..
بس بيني و بين نفسي وعدت اني اتمشى فيها و براحتي بس
بيكون بالليل ..
<<<< عاد لا تعلموون احد ولا مااابقول لكم شئ بعدين تقولون
لمســـة وااايد قصتك غامضة لووووووول.

,,عدنــــا,,
والغرف اللي فووق ماشفتها كلها ..بس شفت غرفة نجود و
منيرة وغرفة جلووس كبيرة فيها تلفزيون غير الصاله اللي فوق
تفصل بين جناح
اهل البيت وجناح الضيوف .. اما عن غرفة نجووود بصرااحه
تعبت من كثر مااقول حلو و روووعه ماافي كلمة ثانية اقوولها ..
كانت قمة في الذووق .. اصلا كل شئ رائع ..
وصلوني لغرفتي .. كانت غرفي رائعه بس احس ذوقها رجالي
اكثر من ان يكون بناتي ...
دخلت الحمام ( اكرمكم الله )بعد ماخرجت روب الحمام و
المنشفه .. دورت على قميص بس كانت كل الاقمصة توصل
لنص الساق او عند الركبه او فوق الركبه
يعني ماتنفع ابداا .. والبناطيل مااينفع البسها .. بس نجود ومنيرة
لابسينها .. لكني غير عنهم يعني ضروري اكون اكثر حشمه
بيكون البيت فيه رجال .. وانا ماابغى اسبب احراج لاهل البيت
بوجودي ماراح احسسهم بالضيق مني .. بالاخير استقريت على
بجامة على هيئة بنجابي
قماشها ناعم .. احسها استر من اللي عندي .. الله يهديهم
الرباعي المرح .. كل اللي كنت ابغاه شالووه ..
واللي ابعدته جاابووه .. ابتسمت على ذكراهم ..
سمعت دق عالباب .. قلت : مين ؟؟ ... قالت منيره و نجود : حنا .. ضحكت على حركاتهم .. خخخخخخخخ
فتحت الباب لاني قفلته بالمفتاح ..
دخلوا و شافوني كنت مشغله اللمبات الحمراء .. وشعري مبلل
لسى مانشفته و مو حاطه شئ بوجهي حتى الغلوس
ماحطيته ..
وجهي مورد مع الاستحمام .. وريحة عطري فايحه بالغرفة ..
كانوا يطالعوني بإعجاب اخجلوني بنظراتهم فحاولت اشتت
نظراتي ..
نجوود : والله انك تسيحين الحريم .. وشلون الرجال بيذووبوون ..
منيرة : اقول لا تجمعين ..مو لزوم كل الرجال يذوبون .. اهم شئ
يذووب خالي ..
نجود ومنيرة يضحكوا علي .. شافوني شلون ارتبكت :
خخخخخخخخخخخخخخخخخخخخخخ
مشاعل : انتي وهي ممكن تقلبوا وجيهكم .. مالت عليكم ..
بشتكي عليكم مامتي ..
نجوود :: مشاااعلوووه لا تدلعين علي ادلعي على اخوي لا يكون
تحسبيني رجلك ..
مشاعل " من الخجل صار وجهي مو طماطم الا سلطة خضار " :
نجووود اوريكي ماااحبك ..
نجود : مهب لزوم قلبي .. الاهم اخوي تحبينه ..
مشاعل " بدلع " : منوووورة حبيبتي .. شوووفي نجوود ..
منيرة : مشاعل عيب استحي وش اللي حبيبتيك .. لو تسمعك
جدتي ولا جدي بيذبحوك .. هذا اذا سمعك خالي بيطلقك ..
مشاعل المسكينه صدقت ووخافت فبان عليها : والله .. طيب
نجود ,, منيرة والله ماعاد اعيدها لا تقولوا لماما اخاف تزعل ولا
لبابا امااانه ..
نجود وفيها ضحكه ماسكتها .. ومنيرة تقول : مااوعدك .. لزوم
يعرفوا اخاف يفووت الاوان .. مشاعل زاد خوفها ...
نجوود وتضحك ههههههههههههههههه ومنيرة كمان ...
نجود : شعوووله اموووووت فيتس تهبليـــــــــــن ..
مشاعل " مو فاهمة شئ " : نجوود شوفي انا ماافهم معظم
كلامكم ياليت تعلموني .. اما عالباقي فاحاول اتعلمه وياليت
تساعدوني ..
وفي شئ ثاني .. اممم " بتردد " : ماعندي ثياب ..
نجوود و منيرة " طالعوا ببعض بعدها ": ههههههههههه
مشاعل " بزعل جدي " : ايشبكم تضحكوا لا يكون مسرحيه
قدامكم .. وقفت وهم سكتوا واخذوا الموضوع بجديه ..
منيرة : شعوووله لا يكون زعلتي ترى و الله مانقصد .. والله اني
احبك رغم اني ماعرفتك الا من ليلتين ويوم ..
نجود : شعووولتي " هنا التفت لنجود بقوووة ونبض قلبي ينبض
بسرررعه هالكلمة محد قالي هي الا ...."
كانت نجوود تتكلم بس عقلي مومعاي مو سامعه شئ مو
سامعه غير ..
(( مشاعل : حرااااام عليكم الاقيها من فين ولا فين .. ليش
احس ببرودكم ناحيتي ..
انا غلط سويت شئ قولي ..
: شعوولتي ..أو ريومتي .. ولا دلولتي .. كل يهون الا زعلك علينا
مانرضى عليك قلبي ..
: والله اموووت بالتراب اللي خطت عليه اقدامك ..
اهوى الهوى اللي لفح وجنتك ..
اعشق الفاكهة الي لمست افمك ..
أحــــبك يابعــد هــلي .. أحـــبك .. يااغلى نــاسي ..
: ريومتي .. شعولتي .. دلولتي .. للحين ه علي ..
مشاعل : مااقدر ازعل .. ماقدر.. " ابتسمت" ..
مافقت من سرحاني و ذكرياتي الا على قرصت منيرة ..
مشاعل : ااااي .. منوووورة هبله انتي .. ترى يألم .. حرااام
عليكي ..
منيرة : رقيقه صديقتي ..
نجود : للحين ه علينا ترى كله يهون الا زعلك .. " كانت نجوود تقول كلام مشاعل حاولت تنساه من شهور من اكثر من سنة..
ياربي كل مااانسى ليش الماضي يعود .. ليش .. "

يتبــــع