03-24-2024
|
|
تــاهت الخطوة
تــاهت الخطوة ودروبــــي بلا نهايا
وكاس صبري من ضيقت صدري كسرته
والليالي صارت لي اضيق فضايا
وكل هم ٍ لاحني ليلي سهرته
غيبت الخلان تعيدك للبدايا
لكل ذكرى في نزف عيني ابتدرته
دونت فوق اوراقي غيمة بكايا
كالغابات الممطره دمعي مطرته
واسقيت من مزني حقول وقرايا
لوادي المنفى غرقت ولا عبرته
الغايب اللي مثل ظلي معايا
ظل طفل ٍ ولكني جيت وكبرته
كيف نرجع ؟كيف ترجع يا انايا
كيف يعود وانا اللي بيدي قبرته
ما الوم الحال ولا لوم اخويايا
ولا الوم الا هم ٍ بقلبي قهرته
انتعلت البعد وعسفت الرزايا
ولا رجيت الناس ولا طيري زجرته
انتظاري طال و من جروحي حكايا
حتى وجهي من قهر عيني نكرته
24/3/2024
المواضيع المتشابهه:
|