شكراً: 1

تم شكره 1,871 مرة في 1,517 مشاركة

الجزء الثاني


ابتسمت لها وقلت
لو ماجيت مع أختي الوحيدة مع من اجي ابتسمت لي
وصلنا الحديقة وكانت حديقتنا مو كبيرة مررة لا كانت داير مدار
حول البيت وكانت فيه برحه كبيرة كلها ورد روز,
وزهور القرنفل, والجهنمية, والجوري ,والياسمسن. والنرجس
كمان,وزارعين حَبَكْ ودوش وشجرة ليمون وحبحب(
بطيخ) طبعا كان يوم خميس , بعد ماقطفت مع رواء الورد طلعنا
كل واحد غرفته بس جاء مو عد الغداء واكيد بابا على
وصول كنت خايفة ماما تقول لبابا على الغداء قراراي بس قلت لا
اكيد بتقوله بعد الغداء ويمكن بعد العصر يكون ارتاح
يالله, الله يعين دامني اخترت فالله يسهل,,
ونزلت وتغديت معاهم ومثل العاده ماجد و رواء يتناقروا
رواء: ماجد فااااااارق انا اخذته قبلك
ماجد:رواااااااء حرااام عليكي انتي داااايما

تشربِ قبلي,,
رواااء: انا اخذته قبلك وبعدين انا اكبر منك " وبسخريه": ياالله
يالله ابعد لاعطيك كف محترم
وماجد يقول: انتي اقلبي وجهك انت وشكلك اللي رايح سبعه
في سته , طبعا هاني وياسر انفجروااا ضحك على رواء
وانا كنت كاتمة ضحكتي بالقوووة شوي وانفجر , والا بابا يصرخ
هذيك الصرخه
(بــــــــــــــــــــــــس....)
وربي حسيت البيت انرج (اهتز) وكلنا سكتنا ونزلنا رؤؤسنا واللي

يطالع
بالاكل وهو ساكت اللي يطالع في ايده وانا من الخوف الله
يكرمكم برووح الحمام وصارت غرفة الطعام هادئة ,,
بابا:انتم ماتستحوا على وجهكم رجال وبشنبات مايملئ عينكم,
وانت يارواء تقولي لماجد أكبر منك هاا اكبره منه بالسن
يمكن بس بالعقل, وربي انك قده( مثله ) هذا اذا ماكنت اصغر
منه..
رواء من الخوف ساكته, وانت ياماجد والله لو سمعتك تتكلم
عالاكل شوووف ايش راح يصير معاك وبالنسبة لكم انتم يااا
رجال طول بعرض والشنب خط على وجيهكم ماتستحوا بدال
ماتسكتوهم قاعدين تتمصخروا
جاء ياسر يتكلم سكته بابا بحركة من يده معناها ( أوووص): انت
ياابو الحريف بالذات لا
تتكلم اعوذ بالله ماصارت عيشه هذي الواحد جاي من الشغل
تعبان يبغى يأكل له لقمه ويرتاح الا انتم تتضاربوا .
انقهرت من اخواني مررررة رفعواضغط بابا حسبي الله عليهم
وانا عندي كل شئ تبغوه مني خذوه الا بابا وماما لا احد
يقول عنهم شئ او يسوي فيهم شئ وقفت وكلهم طالعوا فيني
"ورحت عند باباوبوست راسه ويده وجه وقفا" وقلت له :
امسحه في وجهي ياابو مشاعــل كله الا زعلك , رفع عينه بابا
وانا كنت مبتسمه له وكملت : يالله خلاص عاد مابغى اشوفك
ماد بوزك مترين
وابتسم لي وبعدها ضحك وكلنا ضحكنا معااه وقال: الله يهديكي
يابنتي ويريحيك مثل ماترحيني ببسمتك ,
مشاعل" هذي هي بطلتنا ":دوووووووم ياحلو وكملنا اكل بس
بهدؤ بدون ازعاج... خلصنا غداء وكل واحد راح لغرفته وانا
بطريقي لغرفتي
,ياسر : ورد. وانا نقزت من الفجعه لان الممر كان فاضي وقلت
له: بسم الله ايشبك فجعتني الله ياخذ ابليسك,,
بعدين طالعته بنص عين : خير ان شاء الله شايفه الحكايه فيها
ورد يالله اطربنا بطلباتك يااخ مصلحنجي ,,بصراحه
يأختي الغاليه ورد يااغلى ورده يـ...
قاطعته وانا رافعة حاجب بطريقة استهزاء: حبيبي ياسر ممكن
تقول من الأخير ايش تبغى؟؟ ترى حركات الفرش الناعمة
مو عليَّ ,
ياسر:اووف منك يعني ماقدر ادلعك وانتي اختي الكبيرة و اصلا
انتي مو وجه دلع .
فتحت عيوني الثنتين وقلت له:طيب اقللللللللب وجهك وشوف
من يسوووي لك اللي تبغاه .
ياسر:مشاعل ياحياتي امزح معاكي وانتي بسرعة تصدقي ,
مشاعل: ياسر ابعد عني مو فاضيه لك وهو ساد علي الطريق
ياسر:اختي بس طلب صغنووون وهويأشر عل ى اصباعه
الصغير ,
طالعت بأصباعه ورفعت عيني له :لو كان طلبك مثل اصباعك ذا
معناه مو مصغير مااالت عليك اصغر اصابيعك هو اكبر
من كل اصباع عندي .. يالله فااااارق .
ياسر" يحاول يضحك رغم انه مقهووور منها "اذا لك حاجة عند
ال... قول له ياسيدي.."": ههههههه ماشاءالله عليكي
يااختي صاير دمك خفيف صراحه كامله والكامل الله.

مشاعل : قصره ايش تبغى مني وبدون لف ودورااانهات ماعندك.
ياسر: مشاعل عمري ماطلبتك شئ الا وانتي تذليني يعني
واحد يوم بس وافقي بدون بهدله .
مشاعل:طيب خلاص حزنتني قول ايش عندك...
ياسر: امس وانا رايح الجامعة واحد غبي صدمني من وراء من
عنـ ...
قاطعته : ايييييييييييييش؟؟ قام حط (وضع) ايده على فمي
اووووص ايش فيكي تصرخي انااقولـ... ,,مشاعل:ياسر انت
غبي ماتشوووف , هدي مو اول مرة, كم مرة قلت لك بلا حركات
الصغار انت ماتستحي طول بعرض حتى انك اطول
واعرض مني وللان وانت تصدم سيارتك انا هذي المرة بقول لبابا ,
ياسر: مشاعل دحين بغيتك لي عون صرتي فرعون وهذا انا كنت
ابغاكي تتوسطي لي عندبابا يعطيني فلوس اصلحها ..
مشاعل: لا ياحبيبي اااااااااسفه مو كل مرة انا اقعد اراضي في
بابا وانت تكسر وتفقع وتصدم لا ياحلو احلم ,
ياسر:اهون عليكي وقاعد يسوي لي حركات انه مسكين
وضعيف وربي انه اقوى واخبث واحد فينا ,
مشاعل:انت ماتهون بس ايش اسوي هالمرة لازم تهون يالله
سي يو ,,
ولحقني لغرفتي , وهو يتوسلني وانه اخر مرة وانا اخوكي
الصغير وانتي اللوحيدة اللي تحبني وبتساعدني ومن هالكلام
مشاعل: طيب افكر ,
ياسر "والابتسامه شاقه وجهه شق " : انا عااارف انك
بتساعديني وباسني على راسي ومشي
مشاعل"باستغراب": دحين انا ماقلت طيب انا قلت افكر
قام غمز لي وقال: داام قلتي افكر معناه اكيييييييييد يالله سي
يو يااااحلى وررده .
وربي يقهر ماعليه من احد ..
وانا بغرفتي جلست على سريري وافكاري مشتته مادري
اروح اليوم مع بيت خالتي ولا لاء اخاف ماما تقولهم وعاد البنات
مايصدقوا يحرجوني بعدين فين اودي وجهي احسن
شئ اقول لماما اذا تبغاني اروح معاها ماتقولهم الا اذا جاء
شافني وصار نصيب يكون خير
ياسر :أقول هاني ,
هاني بدون نفس: ها ااا خير ,
ياسر: يالطيف منكم انت واختك عليكم كلام ماتشجعوا الواحد
يتكلم معاكم ,, ولا اختك مشاعل دمهاااااااااا ثقيل
وشايفه نفسها مادري على ايش, اذا عن الجمال في اللي
احلى منها مية مرة واذا على الشهادة ياكثر المتعلمات بالبيوت
,وتبغى
الصراحه انا احلى منها ومتعلم ..ولا هي تتذكر كيف سودت
بوجيهنا ..
قاطعه هاني:اولا انت ماتستحي تقول على اختك هالكلام قال
سودت بوجيهنا قال,,ماااقول غير مااالت عليك ,,ثانيا:
تقارن نفسك بأختك انت رجال وهي بنت مافي وجه مقارنه
وثالثا:, انت لسى ( باقي)ماتخرجت
رابعااا: والاهم من هذا كله اختك مو مغروورة اختك واااثقه من
نفسها ومن غلاوتها عند امك وابوك بالاخص التاني
اللي هو ابوك وانت ماتملك نص غلاوتها عندهم ,,
ياسر : يعني انتم مصدقين اللي قالته لكم ,,من جد قدرت تلعب
على عقولكم..ااااه لاتذكرني وربي كأنهم جابوني من
الشارع , الا كل ماافتح فمي اتكلم ابوك يقول لي اووص كأن
عمري خمسة سنوات مو 20 سنة ..
هاني : ياسر فارقني ترى مو فاضيلك ولا فاضي لغيرتك ..
مشاعل"كل اللي انقال كان على مسمعي" مصدووومه
،،،
،،،
ياسر شقصده انها سودت بوجيهنا؟؟
معقوله تكون هي مشاعل ؟؟؟؟؟؟؟؟؟؟؟؟؟؟؟؟
دااام هي مشاعل ليش انصدمت من سمعت كلامهم؟؟

يتبــــع

انسان و ملاك معجب بهذا