جاهة المتيم نجم سهيل

أحبتي في الله
السلام عليكم ورحمة الله وبركاته
الله يمسيكم بالخير والسرور وسمح الأمور والله
يحفظ الجميع ويكتب لي ولكم الخير في الدنيا
والأخره أنه قادر ومجيب 0

أضن مانسيتم الجزء الأول الذي ذكرت فيه سيرة عطره للمتيم الذي أصبح يكلم نفسه ويتخيل كل من يمر من أمامه ساريه الله يعينه هانت ياعاشق الفاتنه هانت الشارد أذا وعد يوفي بوعده والليله ستتحرك جاهتك المكونه من الشارد والشيخ قشموع والشيخ صاهود ومن الصبايا الفاتنه شموخ الكلمه خبيرة في فحص العرايس لغوياً وتعرف من كلمات البنات مايؤكد صلاح العروس والكريمه ريماس التي نظرتها ثاقبه وأن ركزت في العروس عرفت مافيها وماحولها وتفهمها وهي طايره ويمكن قبل ماتطير فهذه ميزه لاتتوفر الا في ريماس أو من يشبها وهن قله واما الفاتنه همس المطر ماشاء الله خبيره في تفحص الأطراف والشعر والأسنان وسمعت أنها صاحبة أجمل زغروده تطيح الطير النافره ههههه المهم الفلكس واجن سيارة أنيقه وصاحبتها أنيقه ركبن الثلاث فيها بقيادة شموخ الكلمه سواقه من عام 2012 يعني لها ست سنوات ويحق لها تحترف وعندها رخص دوليه ولم يبقى عليها الا الوطنيه 0

ناديت من المنصه العامه في وهج على الصبايا وكانت شناطهن مربطه وجاهزات جاء الشيخ قشموع ومعه لاند كروزر موديل 2016 جديد ماشاء الله ومعه الشيخ صاهود والشارد كان ينتضرهم على أحر من الجمر فا أنا مايهون علي صاحبي يتعذب بنار الحب وانا منسدح اتفرج المهم توجهنا جهة قبيلة المطانيخ خطابه لبنتهم ساريه بنت الشيخ طبعاً أثناء الطريق مررنا بكم مشهد مرعب والصبايا مقفلين القزاز وصياحهن واصل أذن الشارد والشيوخ كأنهن رأو ضبع مرقط يجر غزال متحلل والمشهد مزعج فعلاً صاحت همس المطر يابنات ثعبان يعبر الطريق انا وش اللي لقفني ماكان بقيت عند أمي أحسن انا اسمع وساكت وأقول في نفسي خلهن يتعلمن بعض الأمور ويطردن شبح الخوف قربنا من قبيلة المطانيخ واستقبلونا خارج القبيله بموكب مهيب فرسان ورجاله كأن على رؤسهم الطير في أدب وصمت الا من بعض الكلمات الترحيبيه يتقدمهم الشيخ مهاوش والقوم حافين به من كل جانب تقدم الشيخ قشموع وارتجل الكلمه التاليه
(السلام عليكم ورحمة الله وبركاته يالربع جينا مسلمين ونحن جيرانكم الأقربون في وهج الذكرى وسمعنا أن عندكم بنت في سن الزواج وقربكم ينشرى ونحن طمعانين في مصاهرتكم والخطبه في بنت الشيخ مهاوش ساريه لتكون عروس على سنة الله ورسوله لولدنا وفارس وهج الذكرى واسمه يشهد على فروسيته وجماله وهو نجم سهيل هذي علومنا وسلامتكم) رحب الشيخ وقال أقلطوا وحياكم الله على السمن والسمين ونناقش باقي الأمور في المجلس الذي سيزيد نوره بوجودكم وحياك الله قلطنا في المجلس العامر ودارت الشاذليه وتبعها الشاهي والكركديه والمراميه وكل المشاريب الساخنه طبعاً استاذن الشيخ لمشوارة العروس ورجع متهللاً يضحك وقال أبشروا البنت وافقت سمعت زغروده تصم لها الأذاني اثاريها همس ماشاء الله عيني عليها بارده قدها ياهموسه قدمت الموائد وفيها العجب اشياء اعرفها والبعض لا أعرفها ولكنها مآدبه تسر القلوب والعيون اللي زعلني أن ريماس مارضيت تتعشى تقول ياتجيبو لي زغاليل حمام يا أرنب صغير والله البلشه كرمنا وخلفنا عليهم بالخير وقلت ياشيخ وش تامر منا كي نحضره لكم قال المهر 10000 الاف ريال ولازم 50 راس من الماعز وساريه تموت في البط والدجاج أذا ماعليكم كلفه تجهزون لها حضيره فيها دجاج وبط وأن حصل نعجتين حلابه وسلامتكم على الله قلت ابشر وأعتبر كل شي جاهز وطلباتك أوامر خرجنا بعد ماودعناهم ركبنا سيارتنا سألت شموخ بشري كيف ساريه قال أسكت ياعمي خجلنا من أنفسنا كنا ندعي الجمال ووجدنا الجمال في تلك الصبيه الفاتنه أنها ساريه والأجر على الله ويستاهل نجم منه المال ومنها العيال هاه ياريماس وش رايك قالت ما أعرف اتكلم وانا جيعانه اسرعوا خلونا نصل علشان ادور ملوخيه ولا سندويش شكشوكه اسكت الجوع ههههههه تتركين النعمه وتدورين شكشوكه والله حاله أنتي ياصاحبة الزغروده وش عندك قالت اسكت اسكت يالشارد اللي شفته مايوصف والجمال وصل حده والصفات نادره الا فيها وحدها قلت يالله الحمد لله أنا جبنا علوم تسر حبيبنا عساه ماينسى الشارد من هديه ولا حاجه عليها القيمه وصلنا وهذي علومنا بقي أن ارى تفاعلكم حتى نجهز لليله الكبيره وزواج المتيم الى أن القاكم اترككم في حفظ الله ورعايته محبكم الشارد

لن اذكركم بقطع البراطم أنتبهوا ياقوم

حصريه لوهج الذكرى
وليدة اللحظه

المواضيع المتشابهه:

• طائر الحب أو ببغاء المتيم أو الرماج
• سهيل بالصافيه ..
• ردي على أبيات اخي نجم سهيل
• غيم خفيف ....((نجم سهيل ....)))
• دمــــع المتيم..

عهد الموده ,الغريبة ,البرنس رامى و 2 آخرون معجبون بهذا

شموخ الكلمة ,نجـــ سهيل ـــم