البقلاوة.

البقلاوة .



المكونات:
- لفة جلاش.
- كوب سمن على زبده و ممكن سمن لوحده أو زبده لوحدها.

• الحشوة:
- فستق و ممكن حشوة سوداني مجروش مع سكر او عسل وقرفة وممكن سادة وممكن كريمه وقشطة.
• الشربات:
- كوب ونصف سكر.
- كوب ونصف مياه.
- عصير نصف ليمونه.
- فانليا.
- ماء ورد ( اختياري ).
الطريقة:
▪︎ الشربات الاول عشان يبرد ( في حله علي النار ضيفي المايه والسكر وقلبيهم و اول ما يغلى ضيفي عصير الليمون و فانيليا يغلى ١٠ دقائق ونطفي ).
▪︎ البقلاوة ( ندهن الصنية سمن او زيت و ناخد كل قطعة من الجلاش ونضيفها فى الصنية وندهن عشان يبقي مورق ونضيف كل ورقة فوق بعض وما بين كل ورقة وورقه ندهن بالسمنه او زبده لحد ما نوصل لنص الصنية ونضيف الحشو المتوفر عندك ).
▪︎ كملى فرد الجلاش بنفس الطريقة واخر ورقتين علي الوش ظبطى الحروف عشان الصنية تبقى متساوية تماما وبعدين نقطعها.
▪︎ فرن ساخن علي حراره ١٨٠° لما تحمر من الأطراف نشغل الشواية بسيط ليحمر الوش تطلع من الفرن نضيف الشربات على طول ثم تبرد وتقدم.
وبالهنا والشفا.