شاورما لحمة

شاورما لحمة 👌🌹🌹

الطريقه :🥰🥰
هنجيب نص كيلو لحمه شاورما وهنحط عليها علبه زبادي صغيره و٢معلقه خل كبيره و٢فص توم مهروس ونص كيس بهارات شاورما لحمه كنور ومكعب ماجى ورشه فلفل اسود ونسبها فى التلاجه ٣ساعات أو ممكن من بليل عادى
نجيب بقه طاسه نحط فيها حبه زيت وعلى نار عاليه اول ما الزيت يسخن ننزل بالشاورما عشان تاخد صدمه وتنزل المايه بتاعتها
انا كنت مقطعه ٢بصله شرائح رفيعه و٢طماطم مكعبات وحزمه بقدونس
نزلت بنص كميه البصل على اللحمه وسبتها تستوى معاها واول ما شربت المايه بتاعتها واخد لون دهبى من الارضيه نزلت بباقى البصل والطماطم ورشه ملح صغيره و٢معلقه خل كبيره كمان واول ما الخضار اخد من طعم اللحمه طفيت عليها ونزلت بالقدونس وقلبت والهنا والشفا❤️

ملحوظه !👌
انا محطتش فى التتبيله ملح لأن البهارات والماجى فيهم ملح رشيت رشه بس بسيطه عشان الخضار

المواضيع المتشابهه:

• شاورما الفراخ
• شاورما الدجاج
• طريقه عمل شاورما السمك
• شاورما..من صنع يديـ^ـ^

عاشق القصيد ,اميرة الحب ,وردة الغرام معجبون بهذا