حواوشي العيش البلدي

#حواوشي العيش البلدي بتاع افخم المطاعم بخلطة خطيييييييييييرة👌🌹🌹

👈 في بوله نضيف نصف كيلو لحمه مفرومه فيها نسبه دهون ( أو نضيف عليها معلقتين كبار ليه ضانى مبشوره)

👈 نضيف بصل مبشور عاللحمه ( كميه البصل تكون نفس كميه اللحمه ) و حوالى ٣ معالق كبار بقدونس متقطع صغير و قرن فلفل اخضر حار قطع صغيره
( و فلفل رومى احمر قطع صغيره اختيارى)

👈 و نضيف معلقه صغيره فلفل اسود و ملح
( و نصف معلقه صغيره ثوم بودر و بهارات لحمه اختيارى )

👈 نقلب المكونات مع بعض كويس قوى و نقسمها كور

👈 نفتح العيش البلدى فتحه صغيره و ناخد كوره و نفردها على قد الرغيف و نبطط الرغيف عشان تتفرد كويس و تبقي متساويه و ندهنه سمنه من الجانبين

👈 نخلص كل الكميه و نرصها في صاج عليه ورقه زبده او صينيه مدهونه سمنه

👈 و ندخله الفرن على درجه حراره ١٩٠ لحد ما يستوى و لونه يحمر

👈 ملحوظه
الأساسي في الوصفه بصل / فلفل اسود/ ملح / بقدونس ،،،، 🧐 اى اضافات تانيه اختيارى حسب الرغبه 👍

اطعم حواوشي 👌🥰

الف هنا

المواضيع المتشابهه:

• #السجق البلدى
• الأكل البلدي والوجبات السريعه
• الأرنب الثلجي
• السمن البلدي
• هل يستطيع الرجل العيش بدون امراة و هل تستطيع المراة العيش بدون رجل

اميرة الحب ,انسان و ملاك معجبون بهذا