(( البعد عتمة )) \ الراقية * سبق نشره *

(( البعد عتمة ))

البعد عتمة .. و الملقى مصابيح
و الشوق يسقيه الوصل و التلاقي

جيتك ولا أحتاج موعد و تصريح
يا مبرد شعورك و انا بإحتراقي

الأمر واضح .. ما يبي أي توضيح
ما شفت مرسول الغلا و إشتياقي

لا تترك أيام المحبة مع الريح
ما عاد يبقالك من الحب باقي

ما كنت متوقعة من العين بتطيح
و أنا إعتبرتك للمعاليق ساقي

باب النوى مفتوح ماله مفاتيح
بهديك مفتاح الشقى و الفراقي

أدري بتندم يا حبيبي و بتصيح
و مثلي يصونك بالهوى ما تلاقي



الله على الأبداع
كلمات جميله من أولها لأخرها
كتبتي وأبدعتي أختي الراقيه
أبيات في قمة الروعه
أنتظر جديدك بكل شوق
تحياتي لك وتقبلي مروري

لجهودك وعطائك باقات من الشكر والتقدير
بانتظار جديدك
تحياتي والورد