| ~{فعاليات منتديات وهج الذكرى}~ | |
|
|
|
|
|
|||||||
 |
|
|
|
أدوات الموضوع | انواع عرض الموضوع |
|
#1
05-10-2018
|
||||||||||||
|
||||||||||||
|
( لعلكم تتقون ) دورة من دورات الاستعداد لرمضان
( لعلكم تتقون ) دورة من دورات الاستعداد لرمضان
[info]الدورة باللهجة العامية المصرية هكذا من المصدر[/info] ((بسم الله الرحمن الرحيم)) بسم الله والصلاة والسلام على رسول الله "اللهم صل على محمد وعل آل محمد كما صليت على ابراهيم وعلى آل إبراهيم انك حميد مجيد" "اللهم بارك على محمد وعلى آل محمد كما باركت على أبراهيم وعلى آل إبراهيم إنك حميد مجيد" اللهم لك الحمد أن أنعمت علينا بهذا الجمع اللهم اجعله جمعا مباركا مرحوما مغفورا له اللهم بارك لنا فى جمعنا هذا وبارك لنا فى عملنا هذا واجعله خالصا لوجهك الكريم اللهم لا حول ولا قوة إلا بك، اللهم لا علم لنا إلا ما علمتنا اللهم بارك لنا فيما علمتنا، اللهم علمنا ما ينفعنا وانفعنا بما علمتنا وزدنا علما اللهم اجعل اعمالنا كلها خالصة لوجهك الكريم ولا تجعل لأحد منها ولا فيها يارب العالمين إخواني الكرام أخواتي الفاضلات "السلام عليكم ورحمة الله وبركاته" طبتم إخوتي كل عام وأنتم إلى الله أقرب كل عام وأنتم بخير كل عام وأنتم طائعين، عابدين، ساجدين، قائمين ،حافظين كل عام وأنتم بخير ، اللهم بلغنا رمضان نحمد الله عز وجل أنه أتاح لنا الفرصة وأطال فى أعمارنا أن نلتقى مرة أخرى فى دورة من دورات الاستعداد لرمضان اللهم لك الحمد، اللهم لك الحمد، اللهم لك الحمد أول ما سنبدأ به كالمعتاد إخوتي "ان احنا نستشعر نعمة الله عزوجل علينا" يعنى الله وحده وحده لا شريك له، هو اللى من علينا بهذا الجمع هو اللى من علينا ان احنا نكون فى هذا المقام سبحان الله استشعروا معايا نعمة اللى ربنا اقامك فيه يعنى أنت الآن تستمع إلى محاضرة للإستعداد إلى رمضان وتشترك فى مجموعات خاصة بالاستعداد لرمضان وغيرك لاهى غافل وإن تذكر ان رمضان على الأبواب تذكر شقاء الصيام، طب وهرتب حالى ازاى، طب الولاد هيعملوا إيه ف رمضان، وأكل رمضان أخباره إيه،طب والمكسرات سعرها زاد يعنى احمد الله عز وجل انه فتح لك باب دوما نعلمه عن الله عزّ وجل انه من يفتح الله له باب خير من رحمة الله عزّ وجل ومن حب الله عزّ وجل لينا يعنى ف استشعر بحب الله عز وجل ليك وحب الله عز وجل يعنى قدر عالى جدا ف استشعر انه يريد بيك الخير ، ولو ما كانش يريد بيك الخير ما كانش أقامك دلوقتى تستمع لهذه المحاضرة تشترك فى هذا البرنامج الخاص بالاستعداد لرمضان فاستشعر واشكره، والله والله والله أبدا ما هى بشطارتك ولا بحرصك ولا باجتهادك ولا بمتابعتك لدورات رمضان كل سنة لا لا لا كان ممكن تكون بتتابع كل سنة دورات الاستعداد لرمضان والسنة دى تغفل عنهم، والسنة دى الناس تبدأ و انت مش معاهم و كان ممكن تكون حريص جدا ولو ربنا سبحانه وتعالى لم يرد بيك الخير كان شغلك بأى ابتلاء أو كان شغلك بأى حاجة تلهيك ولكن الله عز وجل كريم و يريد الخير بالمسلمين ويحب المسلمين ويحب عباده فهو أقامك فى مقام خير، ف استشعر ده واجعل الحمد على لسانك ليل نهار لما قدر ان انا بسمع المحاضرة دى؟ا؟؟؟ آه مش مقام للى بيلقي المحاضرة ، لا والله حاشا لله ولكن لاستشعارك لنعمة الله عز وجل أسمعك الخير ولم يسمعك الشر أقامك فى مقام الاستعداد لرمضان ولم يقيمك فى مقام من المقامات الغافلة فاستشعر نعمة الله عزّ وجل ليك واستشعر بحبه ليك لا بشطارتى ولا بشطارتك لا بحرصى ولا بحرصك "نعمة محضة منه عز وجل" فاللهم لك الحمد، اللهم لك الحمد، اللهم لك الحمد، احنا كل سنة لما بنتكلم عن رمضان بنتكلم ازاى نستعد لرمضان وان رمضان ده فرصة كبيرة أوي ، لازم نبذل قصارى جهدنا عشان نفوز أكبر فوز بيه ونطلع ف رمضان محققين يعنى بإذن الله تعالى أكبر درجة من درجات العبادة و الاجر وربنا سبحانه وتعالى يضاعف لنا من الحسنات فى رمضان إن شاء الله نحرص على ده هذا العام ، وأيضا ان الله عز وجل أمد ف الأعمار وشاء لنا ده ولكن السنة دى عايزين نحط هدف كمان عايزين السنة دى نستعد لرمضان غير استعدادنا ليه كل سنة عايزين يبقى عندنا اصراااار إن رمضان يبقى مستمر على طول إن رمضان يجيب الهدف اللى ربنا سبحانه وتعالى شرع الصيام ليه أصلا عايزين رمضان يجيب {لَعلَكُمْ تَتَّقُون} سنين كتير أوى عشناها حافظين ((كُتِبَ عَلَيْكُمُ الصِّيَامُ كَمَا كُتِبَ عَلَى الَّذِينَ مِن قَبْلِكُمْ لَعَلَّكُمْ تَتَّقُونَ)) سورة البقرة183 حافظينها حافظينها صم ندخل رمضان تزيد عباداتنا شوية ويمكن اللى منا ربنا سبحانه وتعالى يمن عليه ف عباداته تزيد جدااا وتكسر الدنيا عبادة ،لكن للأسف برضو ما بتجيش لعلكم تتقون ف السنة دى بأمر الله عايزين واحنا بنستعد لرمضان تبقى عنينا على "لعلكم تتقون" اه عنينا ع الأجر ف رمضان وعلى الثواب الكبير ف رمضان وعلى قيام رمضان ولكن الهدف الأول " لعلكم تتقون " وده الهدف اللى ربنا سبحانه وتعالى حطهولنا واااضح جدا قدام عنينا ووضعه بجانب الصيام عشان ننتبه يبقى استعدادنا لرمضان مش يبقى استعداد لرمضان لوحده يبقى استعداد لرمضان ومن بعده بأمر الله ان ربنا سبحانه وتعالى أطال ف اعمارنا استعداد لحياة جديدة ، ربنا سبحانه وتعالى يملأ قوامها بالتقوى ويبقى رمضان بالنسبة لنا بوابة المرور اللى هنعدى عليها ف نبقى " full تقوى" مليانين تقوى ، ونخرج من رمضان برصيد تقوى يكفينا بقية العمر رصيد تحيا بيه وكل ما الرصيد ده يقل شوية " لإن الإيمان بيزيد وينقص" تمر على مواسم الخير اللى مليانه طول السنه ف الرصيد ده إيه؟؟؟يرجع full تانى تجد موسم أسبوعى تلاقى كل أسبوع ربنا سبحانه وتعالى يجيبلك موسم تملى بيه البطارية بتاعتك ،بطارية التقوى ربنا يخليك "full تقوى " بعدين تيجى مواسم أكتر ، ييجى رمضان وييجى شوال والاشهر الحرم ، وذى الحجة ، بعدين تمر على شهر الله المحرم وبعدين رجب وشعبان مواااسم طاعة مستمرة أسبوعية وسنوية تمر عليك علشان تفضل محافظ على رصيد التقوى اللى طلعت بيه من رمضان ف تفضل مواسم الطاعات بالنسبة لك بوابات "مواسم شحن" بتعدى عليها تملى قلبك وتفضل عايش بالتقوى ف عايزين نتخلص السنه دى بأمر الله عن فكرة "اكسر الدنيا عبادة ف رمضان ، أخلاقي ومعاملاتى ملاك ماشاء الله ف رمضان" وبعد رمضان لا حول ولا قوة الا بالله يمكن مع غروب شمس آخر شمس ف رمضان يعنى نركب قطار الغفلة اللي ماشى بأقصى سرعة تانى فين ورد القرآن ؟ لا حول ولا قوة الا بالله أين الصيام؟ أين الصدقة ؟ والإطعام ؟ المساجد ترجع تخلو من الرجال من تانى وقيام الليل يرجع يشتكي تانى من النساء والرجال، المصاحف مهجورة والأخلاق ف أزمة ، ونسبة مشاهدة البرامج التافهة ف التليفزيون وغيره حدث ولا حرج ، وطلب العلم ده بقى موضة قديمة وبعدين على قدر ما تيسر لى يعنى ما أنا بفتح الواتساب وأقرا كلمتين حلوين أوى الناس كاتبينهم وبعدين البيت والعيال والمسئوليات يعنى أقطع نفسى يعنى ؟! يعنى طلب العلم ده على قدر ماتيسر؟ سبحان الله طيب على مستوى نفسيتك ؟ آه رمضان السكينة و الراحة والهدوء طب راحت فين بعد رمضان؟؟؟ راحت فين يمكن أول يوم ف شوال اللى هو المفروض يكون يوم الفرحة أصلا يوم العيد اللى الرسول يعنى طلب مننا ان احنا نكون مسرورين فيه ونسعد أهل بيتنا فيه خلاص رمضان خلص ، فتجد الأخت يعنى ف هياج مستمر مع نفسيتها وفى ضيق مستمر ونكد مستمر وبيتها على طول أصل تقوى رمضان ماكنتش بالرصيد الكافى ، أصل البوابة ما عدتش منها بسلام طب بسهولة كدة ضحيتى بعباداتك ،بسهولة كدة تضحى براحتك وسعادتك هدوءك طب ما هو رمضان بيخلص ، آه بس التقوى ما بتخلصش التقوى مستمرة بعد رمضان ، وإن استمرت التقوى بعد رمضان وبارك الله عز وجل فيها بورك فى نفسيتك ولو ربنا سبحانه وتعالى رزقك البركة تيسر لك كل أمر بقى يخلى العسير متيسر بين ايديك تجد الطريق مفتوح ، تنزل تروح مشوار تلاقى الدنيا سالكة سبحان الله يبقى عندك مشكلة تلاقيها اتحلت متعرفش ازاى طب ما اتحلتش طب انا متقبلاها عادى غير ما كنت بتقبلها قبل كده الدنيا ما اتهدتش الدنيا مش سودا إيه يعنى مشكلة وهتخلص ، كل ده أثر للبركة ف احنا عايزين تقوى ربنا سبحانه وتعالى يبارك لنا فيها آه نحسن أفضل احسان في بوابة رمضان اللي هنمر بيها ولكن يبقى فى عقولنا إن رمضان عشان تجيب "لعلكم تتقون" يبقى افتح كده كراستك الرمضانية معايا واكتب أول حاجة تفضل قدام عنيك طول العمر """"رمضان بوابتى للتقوى """" بس أحبابي التقوى دى عشان تتحقق احنا محتاجين اعادة ضبط محتاجين نفرمت كده حبة حاجات جوانا ف دورتنا بإذن الله هنتناول نوعين من العلاج احنا دلوقتى عندنا مشكلة ف بنعدى على بوابة رمضان مش بيديك التقوى ليه ؟؟؟عشان الأصل فيه مشكلة ف برنامجنا برنامج رمضان التقوى إن شاء الله هيعمل حاجتين الحاجة الأولانية انه هيديك شوية مضادات تخلصك من ميكروب عدم التقوى اللى جوانا بعد ماننتهى ان شاء الله ان احنا ندى مضادات للميكروب ده هنلحق على طول وندى فيتامينات ومقويات علشان إن شاء الله نصل رمضان وقلوبنا ف أحسن حال بإذن الله وعايز أقولك انك عافاك الله وحفظك الله لو انت مريض وروحت لطبيب وقالك انت حالتك خطر ويعنى يانلحقك يا منلحقكش ولازم تنقذ نفسك والحل الوحيد إنك تنقذ نفسك انك تمشى ع العلاج بالظبط اللى هكتبهولك حالك هيبقى ايه مع العلاج؟؟؟؟؟ أظن ان انت هتلتزم افضل التزام بس تعالى فكر كدة الصحة والعافيه ف الدنيا اللى انت بتبقى خايف عليها أوي ومرعوب ان والعياذ بالله تمرض وفى منا اللي عنده وساوس الامراض الخبيثة وساوس ان صحتى بتضيع منى يعنى سبحان الله دى آخرها قد إيه؟؟؟ 70 ،80 ،100 ،110 سنة؟؟؟ فى حد بيعيش اكتر من كده دلوقتى؟ لكن عافيتك ف الآخرة مالا نهاية عارفين يا جماعة يعنى إيه مالا نهاية؟؟؟! عارف يعنى إيه تفضل عايش فى مالانهاية والدرجة اللى هتدخلها يعنى سبحان الله ربنا يعتقنا من النيران يارب ، وارزقنا الدرجات العلى من الجنة يعنى نفضل قاعدين ف صحة إلي مالا نهاية ف عافيتك ف الآخرة تستحق إنك تلقى الله عز وجل و أنت فى أفضل حال القلب وفى أفضل استعداد للطاعة والتقوى مالي قلبك ، يعنى ده يستحق ان انت تاخد العلاج نكون فى أقصى درجات الاهتمام بالعلاج ف عشان كده ما تقصرش أبدا فى تناول العلاج مادام الله عز وجل أقامك فى هذا البرنامج ف اسمح لى كثيرا منا يشترك ف برامج ومجموعات لكن ديما بنقصر ف ان احنا نلتزم بتناول العلاجات اللى بيقدموها أو الواجبات اللى بيتقالك اعملها ف يعنى أنا بقولك كفانا بقى اهمال لانفسنا ، كفانا بخل على انفسنا بالخير تجد الواحد بيهمل ورده القرآنى عشان يقعد يصرخ عشان يقعد يتخانق ، عشان يعمل مشاكل كفاية بخل على نفسك حب نفسك شوية نفسك تستحق منك انك تهتم بيها وأعظم اهتمام هو انك تاخدها كدة وتروح بيها للجنة نفسك ف الآخرة هتشكرك كتير أوي أوي لكن لو لا قدر الله حصل غير كدة هتزعل أوى منك نفسك وتقولك انت اللى عملت فينا كده انت اللى جبتنا كدة ، ولا نفعك صريخ ولا نفعك خناق ولا نفعك غفلة ولا نفعك لهو ولا نفعك تضييع الأوقات و الساعات ف الحاجات التافهه ف خد نفسك كده لان نفسك جميلة ، نفسك الله عز وجل بيحبها وانت اكيد غالي على الله عز وجل بما انك هنا ف خدها للجنه اسمع الكلام وخد العلاجات وربنا عز وجل يمن علينا بالشفاء جميعاً المواضيع المتشابهه: 
|
|
05-17-2018
|
#7 | |
 
|
دائما تصيبى فى اختياراتك النافعه الغريبه
جزاك المولى الجنه وكتب الله لك اجر هذه الحروف كجبل احد حسنات وجعله المولى شاهداً لك لا عليك لاعدمنا روعتك الغريبه .gif "56") |
|
|
|
|
| كاتب الموضوع | الغريبة | مشاركات | 7 | المشاهدات | 1086 |
|  |
| انشر الموضوع |
(عرض التفاصيل)
عدد الأعضاء الذين شاهدوا الموضوع : 0
(إعادة تعين)
|
|
| لا توجد أسماء لعرضهـا. |
العرض العادي
|
|
الساعة الآن 05:06 PM بتوقيت الرياض
Designed and Developed by : Jinan al.klmah