| ~{فعاليات منتديات وهج الذكرى}~ | |
|
|
|
|
|
|||||||
| نفحــات ايمانيـة يختص بالمواضيع الاسلامية العامة على منهج أهل السنة والجماعة |
 |
|
|
|
أدوات الموضوع | انواع عرض الموضوع |
|
#1
04-28-2013
|
||||||||||||||
|
||||||||||||||
امر خطير
ربنا حبيب قلوبنا سبحانه وتعالي يعطي ويثني
وحق عطاءه وحق نعمته أن نشكره ولا نكفره إن احنا نبقي حاسين بنعمته علينا نبقي مستشعرين لإصطفاؤه لينا شعارنا الذي ينبغي ألا ينقطع " فَخُذْ مَا آتَيْتُكَ وَكُن مِّنَ الشَّاكِرِينَ " ( الأعراف:144 ) لما ربنا سبحانه وتعالي يمن علينا بأي نعمة من النعم بأي شئ إنت حسيت إنه من جميل إصطفاءات ربنا ليكلما بيمن عليك بنعمة مكنتش تتصور إنه يديهالك " فَخُذْ مَا آتَيْتُكَ " خذ اقبل هدية ربك "وَكُن مِّنَ الشَّاكِرِينَ " بس متنساهوش بس ما تنشغلش بالنعمة عن مُسديهام تروحش تتزوج وتبقي قاعد سنين طويلة ربنا سبحانه وتعالي يمن عليك بعد ما كنت ملهوف السنين دي كلها وقاعد تتمني وقاعد بتدبر الأمر كيف يكون وبعد ما يمن عليك ويصطفيك تنشغل بالزوجة وتنشغل بالبيت عن الذي أعطاك إياها ! " فَخُذْ مَا آتَيْتُكَ وَكُن مِّنَ الشَّاكِرِينَ "عايزين نعيش النهاردة معني من هذه المعاني احنا قلنا ربنا سبحانه وتعالي سمي نفسه الشكور وربنا سمي نفسه الشاكر وربنا سمي نفسه الحميد أي الذي لا يستحق الحمد سواه سبحانه تعالي فهو المحمود لذاته سبحانه وتعالي عشان كده احنا بنقرأها صباح مساء وبنقرأها في كل صلاة الحمد لله أي أن الله سبحانه وتعالي هو الذي يستحق وحده الحمد لا أحد سواه عايز نعيش بإحساس المحب الآية دي لما ربنا سبحانه وتعالي يقولك " أَنِ أَنِ اشْكُرْ لِي وَلِوَالِدَيْكَ إِلَيَّ الْمَصِيرُ "( لقمان:14 ) الآية بنسمعها لكن لو حسناها بقلب المحب نقراها بشكل تاني خالص لما تقرأ "أَنِ اشْكُرْ لِي "وأنت فاكر إن ربنا سبحانه وتعالي سمي نفسه الودود يعني بيتودد إلي عباده الصالحين حتي يطيعوه وإن ربنا سمي نفسه الشكور يعني بيشكر عباده لما يطيعوهبالله لو ربنا بيأمرك وبيقولك "أَنِ اشْكُرْ لِي " متنسانيش متبعدش عني ليه لا تقابل إحساني بالإحسان ؟ ليه مش فاكر أنا قد إيه إمتننت عليك وأنعمت عليك ؟! " أَنِ اشْكُرْ لِي " لا تكفر بنعمي عليك اشكرها ولا تكفرها القانون اللي عايزين النهارده نحطه في ضوء المعني العالي ده إن ربنا بيطلب منا بيأمرنا إن إحنا نشكره وأنا عايزه الإحساس ده يبقي جواك ربنا بيقولك "أَنِ اشْكُرْ لِي "وأنت حاسس بقلب المحب إن الرب الجليل ، ليه ليه يقول أن أشكر لي ده حق ده لابد فلما يطلبها منك متردش ايده التي يبسطها لك القاعدة اللي احنا عايزين في ضوء المعني ده نرسخها قاعدة لها شقين الشق الأولاني بيقول : " لَئِن شَكَرْتُمْ لَأَزِيدَنَّكُمْ " ( ابراهيم:7 ) بيقول الشكر أساس المزيد في كل شئ والشق التاني بيقول : " وَلَئِن كَفَرْتُمْ إِنَّ عَذَابِي لَشَدِيدٌ "( ابراهيم:7 ) قال بعض السلف : أي يعذبه بنفس النعمة شوف خطر إزاي ؟!إ إنه يُعذب بجنس النعمة يعني ربنا سبحانه وتعالي منّ عليك بوظيفة طيبة أو منّ عليك بزوجة صالحة أو رزقك الأولاد والبنين أو أعطاك ما لم يعطي غيرك من كذا وكذا من النعم طيب حقها إن أنت تشكر النعمة وتزيد لله في الطاعة ولا إن أنت للأسف الشديد تكفر بالنعمة وأنت مش داري وتستخدمها في غير ما يحب فيعذبك بيها !! أنا كنت بقول وكان ناس مش مصدقة كنت بقول للناس اللي يعني خدت الطريق شوية لربنا ويعني يصطلح عليهم بإن هم دول الملتزمين المتدينين كنت بقوله اسمع ربنا وهو بيقول "فَخُذْ مَا آتَيْتُكَ "امتتنت عليك بالالتزام فكن من الشاكرين حط في الاعتبار لو شكرت نعمة الالتزام بالاستقامة علي الالتزام هتزيد وتعلو وترتقي وهتبعد كل البعد عن المضلات والفتن اللي حواليك والمعني ده ربنا سبحانه وتعالي أشار إليه قال : "وَمَن يَنقَلِبْ عَلَىٰ عَقِبَيْهِ فَلَن يَضُرَّ اللَّـهَ شَيْئًا ۗ وَسَيَجْزِي اللَّـهُ الشَّاكِرِينَ "( آل عمران:144 ) الشاكر هو اللي مش هينقلب " وَمَن يَنقَلِبْ عَلَىٰ عَقِبَيْهِ فَلَن يَضُرَّ اللَّـهَ شَيْئًا ۗ"اللي عايز يسيب سكة ربنا ... اللي مش فارقة معاه سكة ربنا ربنا بيقول "فَلَن يَضُرَّ اللَّـهَ شَيْئًا "لكن اللي حاسس بنعمة الدين ده اللي عنده الدين ده عالي وغالي اللي الدين بالنسبة له دمه ولحمه ودمه دينك دينك لحمك دمك وإن حرقت أو قتلت اللي عنده المعني كده هو ده اللي ربنا قال فيه " وَسَيَجْزِي اللَّـهُ الشَّاكِرِينَ" " وَإِذْ تَأَذَّنَ رَبُّكُمْ لَئِن شَكَرْتُمْ لَأَزِيدَنَّكُمْ " هيزودك لكن لو التفت لو توليت لو انقلبت علي عقبيك لو محستش بالنعم دي لو دخل عليك موسم من مواسم الطاعة لو دخل عليك رمضان وعشت الأيام في رمضان وأنت مُستشعر رحمات ومغفرة وعتق وليلة قدر ومعاني عالية وبعد كده جيت ومستشعرتش النعمة ومستقمتش يبقي " إِنَّ عَذَابِي لَشَدِيدٌ "لكن لو حسيت وعاهدت ربنا سبحانه وتعالي وقلت له بس يارب يعني لا تزغ قلبي بعد إذ هديتني وهب لي من لدنك رحمة هيآخد بإيديك الشكر أساس المزيد والكفر بالنعمة أساس التعذيب بها عشان كده اللي ييجي يقول : أنا كنت بحب مراتي جداً والله أنت مش عارف ده كانت قصة حب وكانت وكانت وأول جوازنا كانت الناس بتحسدنا علي الهنا والسعادة اللي احنا كنا فيها مرت الأيام بدأت تحصل خصومات بدأ يحصل بيني وبينها اختلافات والله دلوقتي أنا ما طايقها ومش عارف هعمل ايه وهي تقول نفس الكلام أول حاجة فكر فيها لماذا لم تشكر هذه النعمة ؟؟ أنت استغليت النعمة غلط فبتتعذب بها ييجي يقولك ده أنا كنت عايش قبل كام سنة أحد المليرديرات الكبار كان بيقول أنا كان وصل رصيدي في وقت من عشرين سنة كان الجنيه دلوقتي يعمل قد إيه في الوقت ده بيقول أنا كان وصل رصيدي مليار و 300 مليون شوفوا بقي بيقول يعني بما يوازي في وقتنا ده مثلا اضرب في عشرة قول 100 مليار ثروة مكنش قبلها ولا بعدها وزادوا وكنت مش عارف أوقف أصلا الرزق اللي كنت شايف إنه ده سبب من أسباب اللي هتعليني مكنتش شايف ده علامة من علامة حب ربنا ليه ! لكن اكتشفت بعد كده إن المال ده كان عقرب زي ما العلماء قالوا عقرب لدغني وأنا مش حاسسكنت عايش بحلم إن أنا أبقي عبد الرحمن بن عوف أو أبقي عثمان بن عفان وعايش أدندن حوالين المعاني دي للأسف بالطبع مكنتش فاهم إن المال هيبقي فتنة ونقمة عليه كده ياما ناس فاهماها غلط فاهم إنه النعم دي لما ربنا سبحانه وتعالي يكفها عنه إنه بيحرمه وهو لا يدري أن منع الله عين العطاء عشان كده افهم واعرف يعني ايه "لَئِن شَكَرْتُمْ لَأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ " تعالوا شوفوا بقي هذا المشهد وقول لي لو أنت مكانه هتعمل ايه ؟! في الحلية مر وهب بن منبه على مُبتلي أعمي مجزوم مقعد عريان به وضح عنده أمراض جلدية عنده جذام والعياذ بالله أصيب بشلل معندوش حاجة يدوبك تستر عورته إلا القليل فوجدته يقول الحمد لله الحمد لله علي نعمته طاب يعني لما يقول يارب اكشف عني يارب هون علي تبقي مقبولة تبقي ماشية إنما يعني أنت بتقول كلام مش حاسس بيه !! فوهب راح له فقال رجل كان مع وهب أي شئ بقي عليك من النعمة تحمد الله عليها !! الراجل قاله واحد من اللي كانوا معاه مع وهب بن منبه راح رايح له أنا عايز أعرف أنت بتحمده علي ايه ؟! فقال المُبتلي : ارمي ببصرك إلي أهل المدينة فانظر إلي كثرة أهلها أو أحد منهم يحمد الله كما أحمده بيقول ده هو أصل أنا كنت فاهم إن قدر الله لا يأتي إلا بخير والابتلاء ده خلاني أُقبل عليه أكثر خلاني مركز خلاني مش غافل مدنيش نعم كفرت بها وانشغلت بها عن ربي سيدي ومولاي المُحسن الذي أعطاني مش كده لما ابتلاني حسيت إن أنا بقيت أكثر قرب منه فعشان كده بقيت حاسس بإن الابتلاء عين العطاء محدش مننا بيفهم المعاني دي إلا اللي بيدوقها بجد إلا اللي بيحسها بجد أحد الأطباء كان بيحكي بيقول ما مرت عليه قصة ولا شفت إنسان زي هذه المرأة الصابرة المحتسبة في لحظة في يوم كنت نبطشي بصيت لقيت الناس بتستدعيني يالا علي قسم الطوارئ عندنا حالة ولد بيناهز خلاص في سكرات الموت تعالي ألحق جريت علشان أشوف الولد لقيت فعلا الولد حالته الصحية متدنية جدا وبدأنا نعمله الإسعافات وبدأنا نآخد بكل الإجراءات علي أساس إن احنا نعمل اللي علينا وعملنا وبالفعل الولد اتحسنت حالته شيئا ما لكن كان الوضع كله بيقول إن هو للأسف الشديد في أواخر العمر وفي النهز الأخير كل حالته من ضربات القلب كذا وحرارته كذا وأموره بتقول إنه للأسف الشديد يعني قريب من الموت بيقول فخرجت فلازم أروح أقول لأهله الكلام ده ياجماعة مين هنا من أهله بصيت لقيت امرأة واضح عليها علامات الصلاح فقلت لها أنا للأسف إن أنا مضطر إن أنا أقولك ابنك حالته صعبة جدا جدا جدا وينتظر الموت في أي لحظة بيقول اتصوروا قالت ايه ؟! قالت متقولش كده ؟! بيقول أنا في العادة لما بعمل الكلام ده يا بتصوت يا بتبتدي تقعد تقول لي يا بتمسك فيه وتقعد تقول لي متقولش الكلام ده أنت أكيد غلط انتوا مش عارف ايه طب الكلام اللي بييجي في وقت الغضب وفي وقت مؤلم زي ده بيقول بصيت لقتها قالت الحمد لله يارب إن كان في بقاء ابني خير فأبقه لي وإن كان غير ذلك فأنت أرحم به مني بيقول اتعجبت أول واحدة تستقبل خبر زي ده بالشكل ده وسبحان الله مرت أيام والولد كان في حالته المتدنية دي لكن سبحان الله بالفعل أتحسن شيئا ما لكن كان وضعه لازم يحتاج إن هو يمكث في المستشفي لأن الوضع مكنش اتحسن قوي بالشكل المطلوب وعدت أيام ويحصل نفس الموقف بل يتكرر الموقف ده أربع خمس مرات الولد يبقي في النهز الأخير وخلاص يقول يئسنا منه ونستدعي كذا ونعمل كذا والناس كلها مستنية لحظة الوفاة والولد بأعجوبة يطلع منها وبعد ساعات نبص نلاقي الحمد لله أموره اتحسنت وأمه كل مرة أقول لها تقول الحمد لله اللهم إن كان في بقاء ابني خيرا فأبقه لي وإن لم يكن ذلك فأنت أرحم به مني تعدي الأمور وتعدي الأيام والولد تتحسن بالفعل صحته وأنا مشفتش باحتساب وصبر واحدة زي كده لغاية ما عدت حوالي سنة وخرج الابن من المستشفي يمشي علي قدميه بفضل الله تتصوروا إن القصة خلصت عند المعني ده ؟! لا مخلصتش ! بعديها بحوالي سنة أو أكثر اللي بيستدعيني بيقول فيه أسرة الممرض جاي دخل علي الطبيب وقاله فيه أسرة مستنياك بره أسرة راجل ومراته ومعاهم ولدين خرجت فلقيت الأب بيستقبلني وبيقولي أنت مش عارفنا اأنتمش عارف فلان أهو الولد اللي كان مريض المرض ده كله وبص لقي فيه طفل رضيع علي إيد أمه فقاله الولد بقي كذا وما شاء الله قاله أنا كان نفسي أقابلك بيقول رحت جذبه ومدخله أوضتي قلت له بالله عليك قول لي مراتك دي ايه ؟! ايه الصبر ده ايه الاحتساب ده !! قال له أنت تعرف أن الولد اللي أنت قعدت تعالج فيه ده جالنا بعد 17 سنة كنا بنتعالج من العقم جالنا بعد صبر السنين زي ما الناس بتقول تصوروا ولد يكون كده ويتعرض للأزمات دي سبحان الله جالنا بعد 17 سنة بيقول وأنا من ساعة ما اجوزتها ما تركت قيام الليل أبدا عمرها ما تركت قيام الليل وتُحسن معاملتي وتحسن معاشرتي ومعاشرة أهلي أنا مش عارف أوفيها شئ من جمايلها علي ومن خيرها عليا امرأة موصولة بالله فعشان كده نطق اللسان بحمد الله وعشان كده ربنا رضي القلب ورطب القلب فبقي قادر يقف ويثبت في مثل هذه المواقف عايزين نشكره وعايزين نتعلم ازاي نشكر ربنا سبحانه وتعالي وفي نقاط عملية علشان نطلع من الحلقة دي واحنا عايشين أن أشكر لي : أول حاجة: العلماء قالوا إن فيه 3 أركان للشكر من جواك تحس بالنعمة من جواك تبقي مستشعر يعني ايه نعمة عشان كده واجب عملي عليك ممكن لو سمحت وبالله عليكي تعملوا أجندة كده وتكتبوا عليها "لَئِن شَكَرْتُمْ لَأَزِيدَنَّكُمْ " أو تكتب عليها قيدوا النعم بالشكر زي ما كان سيدنا عمر بن عبد العزيز بيقولأو تكتب عنوان حلقتنا أن أشكر لي وعايزك تعدد النعم وقول لي أعظم نعمة ربنا أنعم عليها بيك أنعم بيها عليك هي ايه ؟! الاسلام لا لا لاء مش عايز الحفظ مش عايز الحفظ مش عايز الانشاء أنت حاسس ان أعظم نعمة الاسلام ؟!طاب قول لي ليه ؟؟ليه أعظم نعمة في حياتك الاسلام ؟! الاسلام عمل فيك ايه ؟؟ هذب أخلاقك خلاك انسان غير الانسان لما عرفت يعني إيه إسلام ؟!يعني إيه إسلام في حياتك ؟! مش عايزين نبقي روتينيين مش عايزين نبقي اسمنا في البطاقة مسلمين عايزين نحس يعني إيه إسلام في حياتك فعشان كده متكدبش ومتكدبيش أعظم نعمة ايه ؟! أعظم نعمة اللي انته وانته قاعد كده لو سرحت وقعدت تقول ياه ده ربنا كريم قوي أعظم نعمة كانت التوبة كانت الهداية ؟! طاب أنت حاسس بمرار البعد وحلاوة القرب ؟! ما أنت لو مش حاسسهم هتبقي مشكلة عشان كده النبي صلي الله عليه وسلم لما قال اللي هيذوق حلاوة الايمان " ثلاث من كن فيه وجد حلاوة الايمان " صححه الألبانيجعل منهم" أن يكره أن يعود في الكفر "تكره إن أنت ترجع تشتغل الشغلانه اللي أنت كنت مشتغلها قبل كده دي تكرهها ؟! تكره إن أنت ترجع تاني تبص علي .... ؟! أو تعمل ...؟! تكره ؟! " أن يكره أن يعود إلي الكفر كما يكره أحدكم أن يقذف في النار " صححه الألباني إنما اللي لسه قلبه متعلق ولسه قلبه فيه حب وإلف المعصية مش هيشكر عشان كده السؤال الأولاني اللي مهم قوي تجاوب عليه أعظم نعمة أنت حاسس بيها ايه ؟! خلونا نتكلم بجد يعني لو دلوقتي ربنا سبحانه وتعالي من عليك بمليون جنيه هتتزأطط مليون جنيه ياشيخنا مليون جنيه هنركب عربية وهنبني البيت وهنسوي وهنأب علي وش الدنيا هتبقي عاملها ازاي دي ؟! طيب لو ربنا وفقك لركعتين أو إن أنت تحفظ آيتين آيتين بس هل تستشعر إن أنت هتبقي بنفس الفرحة ؟! طاب ايه رأيك النبي صلي الله عليه وسلم بيقول " لأن يغدو أحدكم إلي المسجد فيتعلم آيتين خير له من ناقتين كوماوتين " صحيح يعني ايه يعني بتعبيرنا احنا ايه أحلي عربية تركب شيروكي تركب مرسيدسولا مش عارف هتركب ايه المهم عربية آخر موديل طراز السنة دي اللي تمنها ميحلمش فلان في مصر يركبها راكبنها في البلد اتنين ايه رأيك ؟! النبي صلى الله عليه وسلم بيقول لو حفظت آيتين ، آيتين أعظم عند ربنا من أن أنت يكون ليك العربيتين عربيتين من الطراز اللي مفيش قبله ولا بعده دهبالله في قلبك كده ؟؟لما النبي صلي الله عليه وسلم يقول " ركعتي الفجر " ركعتي الفجر اللي هم سنة الفجر اللي النبي كان بيصليهم صلي الله عليه وسلم بـ " قُلْ يَا أَيُّهَا الْكَافِرُونَ "وبـ " قُلْ هُوَ اللَّـهُ أَحَدٌ " وكانت السيدة عائشة بتقول لا أدري أقرأ الفاتحة من كتر سرعتهم كان بيقول صلى الله عليه وسلم " ركعتا الفجر خير من الدنيا وما فيها " صحيح مسلم هما في قلبك كده ؟! عايز تشكره حس بنعمته وأعظم النعم إن أنت تبقي بجد بتحبه وانه يغرس في قلبك الايمان بيه تاني حاجة : علي لسانك طول الوقت الحمد لله ، الحمد لله ، الحمد لله أحد أساتذتنا الكبار وأحد العلماء كان أحد الإخوة كان رافقه فكان بيحكيلي بيقولي تعرف الراجل ده قعد معايا أسبوع أنا لقيته مبيعملش غير كلمة واحدة كل ما أكلمه يقلي والشكر لله ويكلم الشكر لله كذا والحمد لله كذا بيقولي لغاية ما بقيت أنا أدمنتها من كثر ما هو ما بيقلش تقريبا سطر مبيقولش تقريبا عبارة إلا الحمد لله كذا الحمد لله كذا بل إن ربنا سبحانه وتعالي لما وصف سيدنا نوح " إِنَّهُ كَانَ عَبْدًا شَكُورًا "( الإسراء :3 ) العلماء قالوا إنه سيدنا نوح سُمي كذلك لأنه ما كان يرفع اللقمة إلا بالحمد وما كان يشرب إلا بالحمد وما كان يخرج إلا بالحمد كل ما تتحرك أحمدك بحبك وأشكرك ولا أكفرك علي لسانك الحمد لله ، الحمد لله ، الحمد للهاللهم لك الحمد كله زي ما علمتك الحلقة اللي فاتت اللهم لك الحمد كله وإليك يرجع الأمر كله قال النبي صلي الله عليه وسلم " التحدث بنعمة الله شكر "حسنه الألباني اوعي تخاف الحسد اوعي تخاف الحسد طالما أنت بتحمد ربنا سبحانه وتعالي وعايز الناس تحب ربنا لما تقولهم ربنا بينعم عليك ازاي هي دي أن أشكر لله احمده وأكثر الحمد عليه يزيدك ويزيدك ويزيدك آخر حاجة ... عايز تشكره صح ؟!لا تصرف نعمته إلا فيما يحب ياشباب إياكم تضيعوا شبابكم في المعاصي إياكم تضيعوا طاقة جسمكم في المعاصي اللي أنتوا عارفينهاياناس بالله لو ربنا أسدي إليكم شئ أول حاجة افتكروه هو قبل ما تفتكروا شئ آخر عايزين نحقق المعاني دي يبقي من جوانا شاكرين حاسين بنعمته علينا نشكر له علي لسانا طول الوقت الثناء والحمد عليه وفي جوارحنا وفي أحوالنا نصرف نعمته فيما يحب ويرضي متنساش بيقول لك "أَنِ اشْكُرْ لِي "قلبك هيرد عليها ازاي ؟! حالك النهارده هيبقي ازاي ؟! أورادك قرآن وصيام وقيام وشغل هيبقي عامل إزاي ؟!وأنت النهارده هتطيع طاعة شاكر لأنعمه قال " إِنَّ إِبْرَاهِيمَ كَانَ أُمَّةً "( النحل:120 )ليه كان أمة ؟! عشان كان شاكر لأنعم الله لو عايز تبقي كده لو عايز توصل للمرحلة دي والدرجة دي متنساش أن أشكر لله المواضيع المتشابهه: 
|
|
04-28-2013
|
#2 | |
 
|
قال تعالى : ((وَإِذْ تَأَذَّنَ رَبُّكُمْ لَئِنْ شَكَرْتُمْ لَأَزِيدَنَّكُمْ )) آيه عظيمه...تبين الكرم الآلهي العظيم اللا متناهي... انها نعمه عظيمه من الرحمن غفل الكثير عنها...فقال تعالى: (وَقَلِيلٌ مِنْ عِبَادِيَ الشَّكُورُ)[سـبأ: 13]. انها نعمة الشكر.... ونعمة الشكر ..هي الأعتراف بفضل الله عليك وإحسانه إليك.... انتبه ايها الغافل عنها انها لعباده عظيمه انعمها الله عليك... اخي المؤمن أنظر حولك لترى نعم الله التي لاتحصى...فكم منا يذكر المفقود ولايرى الموجود... اخي المؤمن....اجعل كل حواسك شاكره لله...وقت الضيق ووقت الفرج...وبكل مكان وبكل زمان... أجعل قلبك شاكرا...فإعمره بالايمان...والاخلاص والبعد عن الحقد والحسد أجعل لسانك شاكر...ابتعد عن الغيبه والنميمه والجور والكلام الفاحش وأبدله بالذكر وقراءة القرأن والكلمه الطيبه أجعل جوارحك شاكره...بالعمل الصالح والابتعاد عن المعاصي اشكر الله على نعمة الاسلام....لانك تحت كنف الرحمن اشكر الله على نعمة الامان....فتنام وانت مرتاح البال لاتخاف من طارق الليل اشكر الله على نعمة....الصحه والعافيه...فالصحه تاج على رؤوس الأصحاء لايراها الا المرضى اشكر الله على نعمة المحبه والألفه والاسره.... فالكثير ممن يفقد محبيه ممن اخذهم الموت عنه اوالغربه خارج اوطانهم هذه بعض من نعم الله علينا ....فهل منا من يشكر الله على هذه النعمه...؟؟؟؟ شكراً مي محمد على التنبيه لهذه العباده العظيمه ردي منقول بتصرف من كاتبه تدهى شمس تيم رأيت انه يختصر الكثر من مااود قوله هنا كرد للأخت مي على موضوعها اسأل الله ان ينفع بها .. بارك الله للجميع . |
|
|
|
|
06-17-2013
|
#5 | |||
بنت النيل
|
يارب يجعلنا من عباده الشاكرين الحامدين جزاك الله خيرا اخي |
|||
|
|
|
06-17-2013
|
#7 | |||
|
بنت النيل
|
جزاكي الله خيرا |
|||
|
|
|
| كاتب الموضوع | مي محمد | مشاركات | 6 | المشاهدات | 2489 |
|  |
| انشر الموضوع |
(عرض التفاصيل)
الأعضاء الذين شاهدوا هذا الموضوع منذ بعد 04-04-2024, 08:35 PM
(إعادة تعين) (حذف)
|
|
| لا توجد أسماء لعرضهـا. |
العرض العادي
|
|
الساعة الآن 06:02 PM بتوقيت الرياض
Designed and Developed by : Jinan al.klmah