ملامح عراقيه - - مايروقني ويروقكم من ابيات شعر عراقيه

وهَسة گلي
شنهو عذرك.؟
اني منطيك العيون
وانتَ كضيت العمر
منطيني ظهرك
انتَ بايعني ببلاش
واني خايف لا اخسرك
انتَ كاسر كلشي بية
واني خايف لا اكسرك
ومن بعد كل هذا اريدن
سَبب واحد
حتى اعذرك
شنهو عذرك.؟

انسان و ملاك معجب بهذا

شطبتوني بتوالي الليل
لمّن غابت الگمرة.
جا وينه الوعد والطيف
واسمي الجان عالشجرة
أودي لبابكم چم أوف
وانده خنگة الغرگان
واشتل بالهوة الحسرة
ولو مامش عتب ينگال
غلطة ويمكم تأذيت
اعمى وداس عالجمرة
صوچي وما عرفت اختار
عشت كل العمر عطشان
عيني اتشوفكم گطرة

حيل بينه
احنه ضيعنه العمر مابين ادينه
احنه تانينه القطار ومامشينه
وانتظرنه وانتظرنه
بلكي شي منكم يجينه
وتدري صعبه الانتظار
وروحي كل لحظة قرار
لكن هوايه حنينه
القلق والخوف ضل واضح علينه
ردنه ننسى ومانسينه
ردنه نبجي ومابجينه
نعتب ونحجي عليمن
وياهو يسمع لو حجينه
اجت ناس ومشت ناس
وبالمحطه احنه بقينه
تاكل الحسرات بينه ومابجينه
والتهينا والتهينا
والتهينا بناس مابيهم محنه
ديرة مو ديرة اهلنه
وكل بشر ملتهي بدينه
والوكت مو انه صار
وبالعشك بلوه ابتلينه
الما وفه روحي كلي
هم تظن يوفي ويجينه
الصوج بينه
كل من كلوبنه العمت علينه
حيل بينه
احنه تانينه القطار ومامشينه...

حرت شكتب بخط الكلب شملي اوعسى لأ يفترك وياك شملي يهل رايح لبيت الولف شم لي خده و. من تعود انفخ عليه

طفله واجاهه الذيب والشط وراهه
اترجت البلام ما عبراهه....
فقالت::::
يا عمي يالبلام يالغيره مابيك
عبرني عن الذيب والله اليجازيك...
فقال البلام::::
صوتج يعمي بعيد وصياحج ونين
لو بيهه نص دينار جان اسمعت زين....
فقال الذيب:::::
خليني اظل جوعان يهل البصيره
ولا مثل هالبلام الما عنده غيره ...

الله على الكلام الزين
أختي وارفة البيان
كلام جميل باللهجه العراقيه
جميله هالكلام العراقيه
بنتظار المزيد من جديدك
تقبلي مروري

وارفة البيان معجب بهذا

من قلبي أشكرك على كلمات وحروف تصدر منها عطور الإبداع اللامتناهي.

وارفة البيان معجب بهذا

حمام احمل لهم وياك مرسال
والدمع بفراقهم مر سال
مر اسال متى يعودون مر سال
شيصبر قلوبنا في ابعاد الاحباب

بالله ياطير الحمام اللي تسافر ودي لاحبابي السلام
واحمل بجنحك رسايل من تهاجر للي حرموني المنام
بالله ياطير الحمام
,,,,,,,,,,,,,,
بالله ياطير البراري اللي تغني فرح الدنيا بغناك
واخذ وياك للحبيب اجمل كلام وقله مامره نساك
زايد بقلبه الهيام بالله ياطير الحمام
,,,,,,,,,,,,,,,
مر ياطاير وبسماهم ديره ديره وخلي يشوفونك حبيب
وقولهم المحبوب ماناسي الليالي وبعد فرقاهم غريب
وراح من عينه المنام بالله ياطير الحمام
,,,,,,,,,,,,,,
وقولهم ورود الحدائق تنتظرهم وتنتظر عشرة زمان
والليالي جنة صارت وبأسمهم فاضت الدنيا حنان
وراح من عينه المنام بالله ياطير الحمام
,,,,,,,,,

ووووووووووووواو موضوع رائع متابعك

بعيـد انته وطـويل الليــل شيجـيبك
العـوض بـ الله ومكاتيبك