دعـوة عشاء مع ( شموخ الكلمــة )

ضيفة كرسي الأعتراف مطلوبة هنا


غ يم


اين انتِ ؟

بما ان غيـــم متواجدهـ بكرسي الاعتــراف
راح نعفيها لوقت ثاني

نختار
الاخت انثى متمردهـ

اعتذر عن التأخير شموخ الكلمة




في انتظار النجمة تمرد

عااادي اخي شمس الله يحفظك

ياا صبااح العزومات
اولا ميرسى شموخ للعزومه
ويارب اوفق فالاجابه على اسئلتك
هجاوب حالا انتظرونى :sm

وهذاالمطعم الي وقع عليه الأختيار

من قبلي ... للضيوفنا المحترمين


مشاء الله شكله حلو اوى ومريح للعين
بكده ضمنا نفسنا تتفتح ع الاكل :sm2
جـــــاء دور الأسئله؟
وانا جاهزة للاجابه :las1:
1_هل تحب تشرب شئ قبل طلب الطعاااام ؟؟

لا مش بحب اشرب قبله
بس انا مدمنه شرب مايه فوسط الاكل
عاده بتمنى ابطلها
ــــــــــــ
2- عبر لنا عن شعورك عندما تلقيت الدعوة ؟؟

طبعا كنت مبسوطه انك افتكرتينى
وبعتيلى الدعوه
ــــــــــــ

3_ عبر لي في 3 كلمات من تكون أنت ؟؟

انسانه بسيطه اوقات شريره
:las1:
ــــــــــــ

4_ هل أنت من الأشخاص الذين
يفضلون كثرة العزائم بالمطاعمـ ؟؟

انا لو عليا عاوزه كل يوم اكل بره
اهو اترحم من المطبخ يا بنتى
بس تقولى لمين :sm190:
ربنا موجود
ــــــــــــ

5-ماذا تحب عادةً أن تتطلب
عندما يُترك لك الأختيار في طلب العشاء؟؟

مش شرط حاجه معينه
اناطبيعى بعشق الاسماك بانواعها
بطرق طبخها المختلفه

ـــــــــــ

6_ هل لك قوانين وأنت على سفرة الطعام
كائن تبدأ بشيء معين وتنتهي
بشيْ معين آخر؟؟

لا بصى مش عندى حاجه معينه فالاكل
الاهم بس الاول الشوربه وبعد كده باكل
اللى ع نفسى

وصل العشاء حياكم










ده ايه كل الاكل ده ليا لوحدى هههههههههه
انا بقول نعزم المنتدى كله معانا احسن

هل هناك طبق اساسي لأبد
ان يوجد في وجبة طعامك ؟؟

الارز مش بستغنى عنه للاسف
والسلطات كمان

***

8-هل قمت/ي من قبل بإعداد طبق
بنفسك وماهو ؟؟
يلهوى ع السوال
قولى ايه اللى معملتهوش
الحقيقه قمت بكل الاصناف حلو وحادق
بيتزات ورق عنب بشاميل
الحمدلله بعرف اطبخ كويس وده بسبب
مرض مامتى فكان لازم اكون موجوده بدالها
وبقت تدبيسه مش عارفه اخرج منها

***
9-هل أأنت/ي من الناس التي لأ بد
ان تتحدث على الطعام ؟؟

ههههههههههه
ايوون بموت فالرغى:sm
بس لما بكون مبسوطه والناس اللى بتغدى معاهم
بحب قعدتهم لكن لو باد مود بقى او ناس مش بحبهم
مش بنطق بكلمه واحده

****

10- تهتم/ي بِ أمر التَجمع على مائدة الطعام ؟؟

بصى فالاول ايام ماما وبابا الله يرحمهم
كان فيه ميعاد للاكل وكلنا نتلم على السفرة
لكن للاسف بعد موتهم كل واحد مننا انا و اخواتى
تقريبا كل واحد بياكل لوحده غير ايام العيد والاجازات
وده برضه بيحصل نادر جدا

***

11-هل تهتم/ي بِ امرالتحلية
بعد الطعام ؟

لا مش شرط اهم حاجه عندى بعد الاكل
كوبايه الشاى بالنعناع
لو مش شربتها بحس انى ناقصنى حاجه
وماهي افضل انواع الحلويات لديك؟؟

البقلاوة وتورته الملفيه ايوه اسمها كده والله
من عند العبد بتكون مستطيله كده وعليها فروتس
بصى بتجنن لان الملفيه اغلب الناس عارفاه
انه بيكون على شكل قطع مستطيل وعلى وشه سكر
بودر او مربى او شوكولا زى الجاتوه كده
لكن العبد عملها تورته ابن الايه
ومن ساعه ما دوقتها وهتجنن عليهاا
من طعامتها

***

12-هل صادفت/ي مرة أكلتي
طعام ولم يعجبك ولكن أكلته
فقط مجاملة لصاحبته ؟؟

اهاا كنا مره معزومين عند اهل خطيبى
وكانت عامله ارانب وتحلف مليون يمين
وانا مش بحبها بحس انى باكل قطط هههههه
وعلشان اخلص من زنها خدت قطعه صغيرة
لما قمت بعدها دخلت التواليت
وبلاش احكيلكم ع الباقى

***
13- ما يشد دائما انتباهك جودة الطعام
المقٌدم أم شكل المكان المدعو إلـيه ؟؟

لا طبعا الاهم جوده الطعام
مهو ممكن المكان يكون واوو ويجنن
والاكل اللى بيقدموه مش حلو خالص
وممكن مكان صغيور وتلاقى فيه اكل يجنن
فالعبرة فالجوده وطعم الاكل

***

14-من تتمنى معك/ي على هالطاوله
اليوم للعشاء ؟؟

كراميل نور

***

15- ممكن تعرض موقف طريف
حدث لك وانت على وجبة العشا؟؟

مره تبلنا لحمه وفراخ
للعشا وقولنا هنشوى بقى ونسهر
وحمرت بطاطس وجهزت السلطات
وجينا ناكل ندوق البطاطس والسلطه نلاقيهم عسسسل
اتارينى حطيت سكر بدل الملح :sm وطبعا اترمه
و الحمدلله مجتش فاللحمه كانوا شوانى انا وكلونى



***

16-هل اساسي ان تهتم بمظهرك
بدعوتك للعشاء وماذا يروق لك ارتداءه؟؟

اها طبعاا وبيختلف المظهر من مكان للتانى
لو دعوة رسميه مع ناس مش مقربين
بيكون لابسك مناسب للمكان اللى هتروحيه
لكن لو صحابك وكده بالجينز وممكن اوى نقعد
ناكل ع الرصيف:sm2

***

17- ماهو رايك ورايك بالمطبخ بشكل عــام؟؟
ههههههههههههههههه
هو المطبخ ده بحسه ظلى
او حظى النحس اللى مش بيسيبنى
نفسى اتعتق منه وربنا

***

18-لمن تريد أن ترسل له دعوة عشاء
من الاعضاء؟؟
للخيال طعم اخر
بما انه صامت عن المواضيع اللى زى دى
تدبيسه يا معلم اعذرنى 2
ــــــــــــ

19- كلمه اخيــره تختم بها السهره ؟؟
بشكرك جد ابقالى فترة مش خرجت اتغديت بره
وكنت مبسوطه اوى بوجودى معاكى بجد
aa:aa:


ــــــــــــــــــــ

انثى متمرده.
الله يرحم الماما والبابا..
بالهناء والشفاء عليك العشا.
اجاباتك خفيفه وجميله.
تحياتي لك

اقتباس:
المشاركة الأصلية كتبت بواسطة نجـــ سهيل ـــم
انثى متمرده.
الله يرحم الماما والبابا..
بالهناء والشفاء عليك العشا.
اجاباتك خفيفه وجميله.
تحياتي لك

اللهم اميين نجم
الله يهنيك يارب
الاجمل وجودك اخى
نورتنى وشرفنى وجودك

انثى متمردهـ
بالعافيه عليك العشاء لبى قلبك
اجوبــة حلووة كحلاوة روحك
واضح انك فنانــة با الطبخ والتنوعات مثل اختك شموخ هههههه :sm5:
سعيدة بتلبية الدعوة والف الف شكر

ننتظر الاخ للخيال طعــم
واحلى تدبيســه منكِ

ميمو شنو هالزين والاجابات التوحفه
الله يرحم والديك ويجمعك فيهم في جنات النعيم
تدبيسه حلوة للخيال