ودي ... ولكن كيف تحقيق ودي

ودي ولكن كيف تحقيق ودي?!!!
عيا زماني لايجي لي على الكيف

لقيت من وقتي عناد وتحدي
يمرني عمري مثل عابر الطيف

ياما تمنيت الدقايق تهدي
وياما تمنيت الشتاء ينقلب صيف

ظلم الليالي مع نصيب متردي
تجمعوا واصبحت انا عندهم ضيف

فصلت من خام الشقا ثوب قدي
كسيت نفسي بالعنا والتحاسيف

وغديت تايه دمعتي فوق خدي
دمعة يتيم لوعته الصواديف

قلبي ومحبوبي مع الوقت ضدي
كل شي يهون الا صدود المواليف

مادام من حبيت عني يصدي
والسالفه طالت وراحت سواليف

يانفس لايام الجفاف استعدي
موتي قهر والا على ضربة السيف


للشاعر / ناصرالقزلان !

المواضيع المتشابهه:

• تحقيق معنى (النص)
• كيف تعمل الإرادة في تحقيق أهدافك
• دور الإرادة في تحقيق النجاح
• تحقيق الإنسجام مع الذت
• الصورة محتاجة تدقيق بالنظر