سجل حضورك ببيت من الشعر

صابر على مر الليالي والاقدار
ما في يدي حيله ولا لي وسيله
.
عليك ياللي عالمٍ كل ماصار
يالله عوضني حياةٍ جميله .

‏لي صاحبن غالي ماحد يساويه
وسط المحاني مركزه ما تزحزح
...ذائقة

الزعل قاسي وأنا أدري مايفيد
والقهر كلن على الثاني يكابر
دامك بترضى : أنا برضى أكيد
كيف اصدك وأنت لعيوني محاجر

مايشح الكريم ولايجود البخيل
كل نفسٍ طبيعتها على قدها …

نصادم الايام و نطيح و نقوم
و نواجه الدنيا بـ صبر وجلادة

سود الليال تزيدنا طيب وعزوم
اليا تـردى الوقت .. طبنا زيادة

التواريخ تحفظ والمواقف شهود
وكل واحد معانا له مقام ومسار

فيه عوداً نحطه في عيون الحسود
وفيه عوداً نبخربه طوال العمار .

ياقلبي ارحمني ولا تعشق الياس
ذبحتني واللي ذبحني عنادي
إنسان انا مثلي مثل باقي الناس
ياخي أبي ارتاح حزة رقادي
أتعبتني ولكل الأشياء مقياس
وانا انسحب مادام فيها تمادي

تختبر الأيام صبري " و أتقاوى "
لو رضيت الدمع ما أرضى بالهزيمه .

جعل القلوب اللي لها القلب يشتاق
تصبح وتمسي .. بالهناء والسعاده

وجعل النفوس اللي تحلّت بالأخلاق
تصبح وتمسي ماتشوف النكاده .

نصبر على ميل الزمن ،، و انعواجه
ونسعى لكسب الطيب في كل منهاج

" مرات نقضي للمطاليق حاجه "
" ومرات حنا للمطاليق نحتاج .. "