| ~{فعاليات منتديات وهج الذكرى}~ | |
|
|
|
|
|
|||||||
| ❦ وهـج القصص والخيال ❦ ❧ لكل ما يروق لنا من قصص او خاطرة |
 |
|
|
|
أدوات الموضوع | انواع عرض الموضوع |
|
#1
08-23-2010
|
||||||||||
|
||||||||||
بنت دقت على رقم مميز .......قصه نالت على جائزه نوبل
   هـــــاذي قصه مع من دقت عليه بالصدفه بصدفه دق عنده الجوال الا رقم غريب عنه مايعرفه ورد على الجوال الا بصوت يهمس همس احلى من نسمة الليل واحلى من نغمة طرب كله حنان وشوق وغرام صوت بمعنى اصح جذاب يجذب زغاليل العصفور من اعشاشه. كلمها وهو مو مصدق انها يكلمها كانت تبي التعرف عليه وهو مستغرب منها ومن طلبها قال لها : تعرفيني يابنت الناس . قالت: لاوالله مااعرفك وأول مره أسمع فيها صوتك . سألتها من وين جبتي رقم جوالي . قالت : انا أحب أتصل على الأرقام المميزه وأتعرف عليهم وأقابلهم بعد أذا أعجبني أسلوبه . قال لها : طيب أنتي على كذا أكيد بتعرفين شباب واجد مدامك تدقين على الارقام المميزه . قالت : طبعا أكييييييد في كل مدينه أعرف أثنين أو ثلاثه بالكثير . قالها طيب أكيد أنك قابلتيهم كلهم . قالت:لامو كلهم البعض منهم . سألها قال لها وين أبوك وين أمك وين أخوانك . قالت :أبوي وأمي ميتين من زمان وانا صغيره وماعندي غير أخو واحد وعايش بفرنسا وزيارتة لي قليله وأنا عايشه مع خالتي في نفس البيت . قال لها طيب معقوله وكل هالصوت الحلووووو أكيد انك بتكوني حلووووووووه وماأعتقد بعد أني سمعت صوتك اللي كلة همس ورقة وحنان أنك مو حلووووووه . قالت له : أنا الله عطاني من الجمال ماله حـــد . قال طيب ليه للحين ماأنخطبتي : قالت له: أنا تزوجيت مرتين وتطلقت الاول تزوجته وعشت معاه في الأمارات لأنه شغال هناك وأنجبت منه ولـــــد وبعد أربع سنوات تطلقت . سألتها عن السبب . قالت له: بسبب الشك الزايد اللي ذبحني فيه كان يقفل علي البيت ويمنع عني جميع وسائل الاتصال حتى في جاراتي وصديقاتي يشك فيهن خلاني اعيش حياة ميؤوس منها معاه حاولت كذا مره أتفاهم معاه بس خلالالاص تعبت وأقتنعت تماما أنه حياتي معاه لازم تنتهي . وفعلا يوم رجعت للسعوديه وبالتحديد......... تطلقت منه قال لها طيب والثاني: قالت الثاني: كنت مجبورة على الزواج منه وكانت حياتي معاه مثل العذاب ماحسيت في يوم أني مرتاحه معاه وكان هو بدون أهتمام أو يهتم بي كنت مجرد دمية في حياة ولا يسأل عني ولا يفكر فيني وبعد أربع سنوان ثانيه أنجبت منه ولد وطلقني . قال لها وبعدين وش صار . قالت: بعدها حياتي صارت كلها فراغ في فراغ كنت أنام وأصحى مدري وين أروح مدري وش أسوي قمت أتعرف على الشباب من كل مدينه كنت أروح مع هذا وأسافر لهم حتى كانوا يحجزون لي التذاكر وتجي بأسمي وأروح لي أي مكان أبغاه وماكان فيه أحد يسألني أنتي من وين جايه أو وين كنتي غايبه . قالها لها طيب وعيالك. قالت عيالي عندهم شغاله هي اللي قايمه بتربيتهم ورعايتهم . وقتها هي قالت خلاص الحين بقفل معاك بس بكره بتصل عليك في نفس الوقت قال لها خلاص وتأكدي أني بكون مستني أتصالك هذا على أحر من الجمر قالت أن شاء الله . جلس يفكر فيها وعن حياتها وياترى هي حقيقه أو بس وحده من البنات اللي يعرفهن تبي تختبره وجايبه صديقتها تكلمه بس كان فيه احساس أو شعور غريب يقوله هذي البنت أكيد أنها صادقه ولاكان ماجاني هالشعور وأحساس عمره ماخيبني في شي . جاء موعد أتصالها في التالي وكان طبعا منتظر أتصالها وشوي ألا جواله يدق عليه الا وهي من فرحته مادرى وش يقول لها كان متلخبط في كلامه قالت وش فيك منت على بعضك قال مدري بس يمكن من فرحتي فيييك ماقدرت أخفي مشاعري وقامت تفضحني ضحكت ضحكه حلووووه وخفيفه أبتسم معاها وطلب اأنه يشوفها وافقت واعدها بعد ساعه وراح لها في نفس الموعد وهو جالس في السيارة عند السوق الفلاني ينتظرها وكل ماشاف وحده كان يقول هاذي لامو هاذي وكانت يخمن بين هاذي وهاذيك وبعد ربع ساعه من وقفتها الا وهاذيك البنت اللي جايه ولابسه عبايه على الكتف وحاطه اللثمه وكلها حلاوة وهيبه وتلفت كل من كان في السوق أو مار من الشارع من حلاوت مشيتها ولبسها جات عند السيارة قالت فلان قال أيه فلان أركبي يافلانه قبل لاتشوفنا الهيئه ركبت معاه وهي تضحك وتقول ياخواااااااف . أخذها معاه وعزمها على العشاء وجلس معاها قال لها أبغى منك تفتحين لي قلبك وتقولين لي عن كل شي في حياتك اعتبريني ورق وأنتي الحبر أكتبي في هالورق كل اللي في خاطرك وبعدين شقي هالورق علشان يرتاح بالك 0 بدت بالكلام قالت يافلان انا أعاني من قوت الفراغ اللي ذبحني وذبح حياتي معاي مدري وش أسوي كان هو من شدة جمالها وحلاوة أسلوبها يستحي يطالع فيها أو عينه تجي بعينها . عرف أنه هالبنت ماضيعها الا الشباب اللي أستغلوا وقتها وخاصةانها مطلقه وحلوووووه وتقدر تروح وتجي وتغيب بدون ماأحد يسال عنها . طلب منها طلب واحد انها تسمع منه كل كلمه راح يقول لها وتسلم نفسها . قالت :أوكي انا معاك وسامعه لك وصدقني من اول ماكلمتك عجبني صوتك كان فيه شي من البحه يعني مبحوح وانا تعجبني هالاصوات من الشباب وبعدين بعد ماكلمتك أرتحت لك . الولد ماهو بشين بالعكس وسييييييييم بس ياريت كل الشباب مثله في اخلاقه . عالعموم هو قاله لها أسمعي يابنت الناس :ترى كل الشباب اللي تعرفتي عليهم يضحكون عليكي وكلهم نصابين عارفه ليه لانهم يمشون ورى رغباتهم وشهواتهم وأهم شي أنهم ينبسطون مع بنت وماهمهم هالبنت هاذي مين تكون صدقيني يافلانه أنا لو أبغى اسوي مثلهم والله أقدر واللحين وأقدر أضحك عليكي وأقول أنا عندي وما عندي وأغريكي فيني بس بتكلم معاكي بصراحه أنتي ترى اللحين في عز شبابك والفرصه قدامك أن تلحقين نفسك اللي ضاعت بسبب أشخاص أغروكي باشياء ومثلوا عليك باسم الحب الكذاب عمر أحد فيهم قال لكي يافلانه ترى الطريق هذا اللي أنتي ماشيته غلط وترى نهايته بكره كله ندم في ندم على كل لحظه راحت من عمرك صدقيني انا أتكلم لأني حاسس فيكي أتي طفشتي من الدنيا لأنك مانجحتي في حياتك الزوجيه وكنتي تبغي البديل حتى تطلعي من اللي كنتي فيه بس للأسف كان البديل هو ضياع أحلى شي فيكي وهو أنك فقدتي احترامك لنفسك وللأولادك ولأهلك وذاتك وكنتي تمشي مع ناس كلهم يسعون ألى تدميرك لأنه مافيه أحد من هاذول اللي ذكرتيهم قال في يوم أبغى أساعد فلانه لازم أقف معاه وأطلعها من الحياة هاذي اللي هي طفشانه منه. قال لها صدقيني وأقسم بالله لكي يافلانه أنه ماأقول هالكلام علشان تكوني لي أنا وحدي لاوالله ولاكن والله كل هالجمال هذا يروح كذا مع ناس ماتستاهله . أنا راح أوريكي الحياة الحقيقيه صدقيني يافلانه ترى الحياة حلوة بس للي يعرف يعيشها ويحافظ على كل شي أمرنا فيه ديننا الحنيف . وقتها البنت قامت تبكي هو لاحظ دموعها عرف أنها دموع الندم دموع كل لحظه عاشتها غلط . بعدها فكر في حياتها هذا وشلون يغيرها . قرر أنه يجيب لها كمبيوتر ويسجلها في دوره حاسب آلي ويأمن لها وظيفه تكسب من وراها لقمة عيشها . وبالفعل جاب لها الكمبيوتر ودخلها دورة حاسب آلي وجاب لها سايق متفق معاه بالشهر يوديها ويجيبها لمقر الدورة الحاسب الآلي . وعلمها على النت وعرفها على كل من معاه في المسانجر وطلب منهم انهم يعلمونها كيف تستخدم النت صح وسجلها معاهم عضوه في المنتدى . وبعد كذا سألها قال وش أخبار الفراغ قالت يوووووووه يافلان ماعاد له طاري . قال لها خلاص أبشرك يافلانه أنا لي صديق في مستشفى الفلاني وكلمته عنك قال هات لي بس الشهاده الدراسيه وشهاده الكمبيوتر وخبرتها اللي انتي تدرسين دبلوم حاسب آلي وهو ضمن لكي الوظيفة من يوم تتخرجين . فرحت وقامت تبكي وحست أنها الحياة فعلا حلووووة . وطلب منها أنها تغير أرقام تلفونات البيت ورقم جوالها وبالفعل غريتهم وبعد ماتخرجت تعينت في المستشفى الفلاني وبراتب معقوووول وزين . بعدها قال بسألك يافلانه وشلون حياتك أول وحياتك اللحين. قالت وعيونها كلها دموع والله العظيم يافلان لو كان كل الشباب مثلك كان كل بناتنا بخير وماينخاف عليهم فعلا الحياة حلووووة بس للي عرف يعيشها خاصه أنه في بنات يمشون في هالطريق ماهو رضى منهم لاكن الظروف هي اللي حدتهم على كذا وأستغلال الشباب لهم ولاكن من في زمانا هذا يقول أو يسوي اللي أنت سويته روح ياشيخ الله يسعدك ويوفقك وين ماتروح. عاهدها وعاهدته أنهم ماينقطعون عن بعض ويكون اللي بينهم صداقه حميمه نادرة في زمانا هذا اللي هو صداقة بين بــنــت ولــــــــد . ياريت الكل يقرأ ويفهم معنى هالقصة اللي أنا أعتبرها رسالة ألى كل ولــــد وبـنـت   المواضيع المتشابهه: 
|
|
08-23-2010
|
#2 | |
 
|
يعني صدقني..... والله أنا أشوف إن هذا الشخص جاه تبلد من ناحيه البنات..... ممكن تأثر بس أحس القصه من النوادر....حاله من 1000000 لكن جزاه الله خير و تاب الله عليها وغفر للست هانم و رحم حال أبنائها و هدى أخوها..... ولا أنساكي من الشكر على هذه القصه المشوقه.... |
|
|
|
|
09-10-2010
|
#6 | |
 
|
سبحان الله قسم انها نفس قصتي الحالية
بس الفرق ان البنت ماخلفت ولا عندها اطفال وما اتصلت على رقم مميز كان تعارف عبر النت وسبحان الله ماسوالي شي رجل الهيئة ولا ضربني ولا شالني لمن شافتني الهيئة اخدني على جمب وسالني واستحلفني بلله ان البنت وش علاقتها بيا فأخت رجل الهيئة وفهمتو على كل شي ونصحني بالتوبة وان الطريق الي سويتو غلط اني اركبها السيارة معاي وقلي جزاك الله خير بانك حاولت تهدي البت للصلاح والحمد لله البنت اتوظفت في بنك ومبسوطه |
|
|
|
|
09-27-2010
|
#8 | |||
|
ما شاء الله....يعني إنتا اللي وظفت البنت؟! إيه....خير إن شاء الله * بعض الناس من تصرفاته و حبه للتعلق بأي بنت...يحاول بشتى الأساليب والطرق إنه يلفت إنتبهها ومع ذلك تلقى البنت معطيته أشكل وخامس أليم.... فمحاولات الشخص هذا بجذب الفتاه والتقرب إليها عن طريق الجوال أو الماسنجر.....والبنت ما تعطيه وجه يدل على خلل في عقليه هذا الشخص أو نستطيع تشخيصه بالمرض أو الخلل أو عدم الإستقرار العاطفي... أتمنى منك أستاذ نواف إنك تكون فاهمني.... هذا الشخص لو علم إن أهل الفتاه وبالأخص الأخوان عرفوا عن الموضوع....بيحط نفسه في موقف لا يحمد عقباه خاصه لما يكون الحق مع أهل الفتاه بغض النظر عن نظره كبار السن وأن هذا الشخص في مرحله مراهقه وبالتالي ممكن يؤدي هذا الشي الذي لا تحمد عقباه إلى تأديب و ردع هذا الشخص و العوده به إلى الطريق السوي السليم و جلعه يسلك المسلك الحسن و الرجوع إلى الفطره السليمه وبالتالي يحصل العدل والمساوه بين جميع الأطراف.... قصه في غايه الجمال لا يسعني إلا أن أشكر كاتبها.....وأتمنى أن نأخذ منها العبر. |
|||
|
|
|
09-27-2010
|
#9 | |
 
|
الله يهدي شبابنا وبناتنا الى مافيه صلاح الاسلام والمسلمين تذكر اخي الحبيب ان لك اخت وكما تدين تدان .... شكرا احساس انثى على نقلك لهذا القصة للعضه والعبره وكم اتمنى ان نتذكر رب العالمين عندما مختلى بانفسنا ونتذكر ان الخيانه عاقبتها وخيمه وان الله يغفر لمن تاب ... شمس الاصيل |
|
|
|
|
| كاتب الموضوع | احساس انثى | مشاركات | 11 | المشاهدات | 4325 |
|  |
| انشر الموضوع |
(عرض التفاصيل)
الأعضاء الذين شاهدوا هذا الموضوع منذ بعد 04-24-2024, 06:33 AM
(إعادة تعين) (حذف)
|
|
| لا توجد أسماء لعرضهـا. |
العرض العادي
|
|
الساعة الآن 11:53 AM بتوقيت الرياض
Designed and Developed by : Jinan al.klmah