أسماء البنات عل الفيس بوك

أبو جبار سئل أم جبار گلها:
شنهي رايچ بالأسماء الحلوة الي تتسمى بيها البنات على الفيس بوك گلتله شتقصد بالأسماء الحلوة
گلها مثلاً( امرأة أبكاها القدر)
گلتله:
هاي المرة رجلها أجه من الشغل ولگاها ما طابخه غده لزم الجدر وطگها على راسها وظلت اسبوع كامل تبچي من طگة الجدر بس هيه ما تسميه جدر تسميه قِدر
گلها زين و هاي الي اسمها
(لم أرى النور)
گلتله:
هاي المرة رجلها گلها جيبيلي گلاص ماي جابتله الماي بالقوري لأن چانت تحچي ويه صديقتها ع الماسنجر رجلها طگها على عينها بالريموت مال التلفزيون وظلت 3 ايام ما تشوف الضوه..

گلها زين وهاي(الحنين إلى الماضي)
گلتله هاي المرة چانت بیت أهلها عدها سبع أخوان متعبينها من الأوامر والطلبات وچانت تدعي ربها كون تتزوج وترتاح واجت قسمتها وتزوجت واحد يخلص الوكت كله أطبخي اغسلي اكوي نظفي امسحي خلاها تحن للماضي

گلها زين و ( أوراق الفراق)
گلتله هاي المره طلگها رجلها لأن چانت تصرف راتب رجلها بأول إسبوع من طلگها لليوم لازمه بيدها اوراق الطلاق وتفتر بالمحكمة تدور على محامي يرجعها لرجلها..

گلها زين و
( حجابي سر جمالي)
گلتله هاي البت شعرها بيه 🕷🕷🕷واستخدمت كل الأدوية والشامبوات وماكو أي نتيجة آخر شي زينوها گرعة ولبسوها حجاب..

گلها زين و ( دموع الألم)
گلتله هاي المرة متزوجة رجال كل همه بطنه الليل والنهار بس ياكل وچان يحب الطماطة والبصل گلي بالدهن وهاي المسكينة ليل ونهار بس تثرم طماطة وبصل وعيونها تدمع

گلها زين و هاي الأسمها
( سنوات الضياع)
گلتله هاي المرة كلش ثوله كل سنة ياخذها رجلها سفره وكل سنة تضيع منه

گلها زین إذا هيچ السالفه ليش ايكتبن هاي الأسماء
گلتله یبو جبار هذا ايسمونه(الهروب من الواقع )
گلها عود شنهي (الهروب من الواقع)
گلتله یبعد روحي هاي أسم صفحتي ع الفيس بوك.

واقعها مر هالانسانه ههههههههه عرفت تفصل الاسماء بواقعيه مؤلمه

تدوم ضحكاتك وارفة.

عاد ما تفسير عليها
ضحكتيني غاليتي
ربي يديم عليك ضحكاتك
يعطيك العافيه

هههههه
لا تفسير ليهم فعلا
ضحكتيني ربي يسعدك

يعطِـــيكْ العَآفيَـــةْ..عَلَـــىْ الطرح الرائع
بإآنْتظَـــآرْ الَمزيِــدْ منْ إبدَآعِكْ ..
لــكْ ودّيْ وَأكآليلَ ورْديْ
كنت هنا اميرة الحب

ضحكاتكم ياقليبي دوم

هههههههه
يسلموووو ع الفرفشه

يسلم قلبك ريماس

( سنوات الضياع)
گلتله هاي المرة كلش ثوله كل سنة ياخذها رجلها سفره وكل سنة تضيع منه

گلها زغŒن إذا هيچ السالفه ليش ايكتبن هاي الأسماء
گلتله غŒبو جبار هذا ايسمونه(الهروب من الواقع )
گلها عود شنهي (الهروب من الواقع)
گلتله غŒبعد روحي هاي أسم صفحتي ع الفيس بوك.




ههههههههه حلوين كلهم

يسلمووو

يامراحب

واقع مؤسف
كلها ضغوطات نفسيه الله يعينهم
طرح ممتع
يسلموووووو