| ~{فعاليات منتديات وهج الذكرى}~ | |
|
|
|
|
|
|||||||
| وهج الطرائف والإشاعات والمقالب كل ماضاق صدرك ادخل هنا |
 |
|
|
|
أدوات الموضوع | انواع عرض الموضوع |
|
#1
07-07-2014
|
||||||||||||
|
||||||||||||
|
أغرب منتدى مر علي ؟؟😡
قبل لا اسرد القصه احب اقول والله لا اقصد بها شي ربي يشهد لكن شي واقع حصل معي وفيه شويه طرافه مو كثير لان القصه متعبه جداً حتى اتعبتني نفسيا يشهد الله اخواني وأخواتي هذا الكلام حصل معي تقريبا من ثلاث سنوات كان عندي زميل بالعمل وبنفس الوقت صديق لي وكنا نجتمع اثناء الدوام وخارجه المهم هذا الشخص كان يشاورني بكل مشاكله وياخذ رأيي وأعطيه الشور واوجه ولقاني مع الأيام انا مخلص ووفي له ولكل الأصدقاء المهم كنت اتمشى انا وياه وقالي خالد يااخي عندي لك اقتراح يعجبك صدقني قلت وشو قال ابغاك تسجل معانا في منتدى لانك انت شخص تكتب كلام جميل وعندك قصص المهم ضحك علي وخلاني اصدق نفسي قلت ابومحمد انا مااعرف أسجل وعمري مابلشت بمنتديات وكلام مثل كذا ولا اعرف حتى الطريقه قال سهله اسمع عندك بريد الكتروني قلت عندي قال طيب رح وادخل واختر اسم مستعار يكون كويس واتبع طريقة التسجيل قلت خلاص اوكي بس مو الليله لان عندي ظيوف خليها بكره اتفقنا كذا ثاني يوم اتصل علي قال يالله ابيك تدخل عشان اسوي لك ترحيب قلت اوكي المهم لقيت خانه مكتوب فيها بريدك وخانه مكتوب فيها رقم جوالك واسمك الحقيقي يااخوان يمكن تفكرون اني أبالغ بالقصه لكن وربي هذا ماحصل رفعت التليفون وكلمت صاحبي قلت ابومحمد يااخي فيه خانه حط جوالك واسمعك قال ايه عادي قلت لاوالله تكفى فكني قال لاوالله انا قايل لهم فيه مفاجاه وتكفي لاتحرجني قلت يالله امري لله فعلا كملت الخطوات ودخلت وكان معي على الجوال يعلمني وقال رح الترحيب وقدم نفسك بطريقتك وعلمني كيف اعتمد الموضوع انا وقتها مااعرف المنتديات كويس لكن لاحظت الي موجودين كلهم الأحمر وعددهم حوالي 9 العاشره كانت بنت وكان اسمها تقريبا سجينة القفص او عصفوره حاجه كذا كان المفروض اني من خلال الأسماء الي موجوده ادرك ان الامور مش طبيعيه على فكره كلهم مشرفين بما فيهم صاحبي بس انا عضوء لكن الأسماء كانت غريبه مثل المعذب المظلوم المحروم قلت بنفسي وشفيهم هذولاء ياحرام تقل عايشين بعذاب لفت انتباهي واحد اسمه بالانقليزي والاسم معناه بالعربي الثرثار او الكثير الكلام زي كذا المهم اتصل علي صاحبي وقال شفت الترحيب قلت ايه قلت تعال قلي وشو هذا الي اسمه كذا قال ايه هذا راعي المنتدى قلت وليش مايتحرك ضحك قال ياحبيبي هذا منتدى مو مباراة كرة قدم أخذت الامر طبيعي وطلب مني اكتب موضوع يعني ارتجالي وواقعي واخترت وقتها موضوع عشان انفرد فيه موضوع عن تجاذب الارواح ودعمت الموضوع باحاديث وحاجه من هالقبيل اتصلت عليه وقلت ابو محمد يااخي احس بضيقه ماارتحت المهم كيف اطلع ؟ قال شف كلمة خروج واطلع وبعدين ارجع وترا بكره يحطك مشرف ؟؟ وربي ماادري وش يعني مشرف بداية المشكله ......... انا نايم بنفس الليله وإلا رقم غريب يتصل علي الساعه 2 تقريبا المهم رديت وإلا صوت غريب وصوت رجل كأنه مسن قالي كذا انت جاي تخرب المنتدى علينا !! اي منتدى اي اخرب قلت من انت قال انا راح اخفي اول حرف من اسمه عشان تضبط القصه قال انا آمبل قلت اي آمبل والله يااخوان خرعني صحيح احاسب فيه وقتها شي لان بالي مشغول قال انا صاحب المنتدى الي انت مسجل فيه عاد هنا فقع قلبي طيب وإذا داق علي نص الليل قلت له ببرود خير ان شاءالله قال اي خير من دخلت علينا مادخل الخير ههههه استغفرالله والله بغى يجلطني قلت وش سويت انا قال شو أرواح وماارواح تتنافر موضوع ماله معنى قلت طيب انا ماكفرت أنت وش تبي مني الحين قال تفتح المنتدى وتروح تحذف نص الكلام قلت الحين !!!!! قال ايه ولا روح عدله قلت والله انا تعبان أوكيه ابشر المهم قلت انا غبي رحت وطعت صديقي وش لي بوجع الرأس وكملت نومتي رجع واتصل استفزني وقلت وش تبي قال شوف انتي مسمي حالك المشتاق بدياك تغيره ؟ قفلت الجوال مره وحده ولقيت صديقي قلت تعال تراك ورطتني وشو هذا يااخي والله مانمت باسبابه البارح قال لا طيب وحليل قلت شكلك متآمر معه صح وليش اسماء المشرفين كلهم عذاب وانت ليش اسمك أسير الصمت يااخي شكلكم تتعدبون بالمنتدى كانه بغى يبكي يوم قلت كذا طلع فعلا معذبهم عذاب ويسومهم سوء العذاب هههههه الحين فهمت ليش حاط خانة رقم الجوال قلت اسمع اتصل عليه وقله خالد فصل من المنتدى قال ماهو فصل قل انسحب قلت الي هو ومشيت .gif "زعلان") بعد ساعه صاحبي يتصل بي قال وينك ادخل شف المفاجاه هههههه قلت يالله اشوف دخلت الا لوني مثلهم احمر ومغير اسمي من المشتاق للملتاع نفس الشي يعني بها عذاب هههههقلت ليش كذا قال مبروك مشرف من ثاني دخله على المنتدى العدد الان 10 رجال وبنت وحده وكلنا بالأحمر ههههههههه والله سجن حطني مشرف الترحيب والبنت ممسكها مطبخ المنتدى عصفورة القفص انا وقتها خلاص مليت وقلت اطلع محد جابرني على فكره كان حاط دردشه بالمنتدى يعني الي يدخل لازم يسلم المهم عذاااب ولازم تكتب اسمه ثلاث مرات هذا شغل شعوذه طلعت انا وقلت فكني والله ماارجع والله انت مجنون وش هذا وبصراحه زعلت ثاني يوم قال آمبل يبي يشوفك يقول لازم تجيبه لي للبيت قلت هو وين ساكن قال بديرتنا عاد حنا شبه قريه يعني قلت معقوله قال تعال والله العظيم يااخوان هذا الي حصل دخلنا عنده بالبيت واتفاجا بشايب عمره فوق الستين لحيته بيضاء طلع هو هذا قلت انت فلان معقوله ماشاءالله عليك ومن هالمجاملات قال آه فيه وحده مرسله لك رساله خاصه ياملعون قلت لي ومن وين عاد انا كانت لي انسانه رحلت بعيد بعيد راح تفكيري عندها والله قلت وينها قال هون عندنا بالمنتدى ههههههه لا ويفتش الرسائل بعد قلت اكيد البنت عصفوره قال لا غيرها قلت وين غيرها مافيه بنت غيرها قال منت شايفها قلت ليش هي جنيه المهم وش تبي وشفيها الرساله قال تبارك لك انك مشرف ههههههههه آه قلت الله لايبارك فيك هههه لا ويقول لي ياملعون بعد عشان بس قالت مبروك اجل كيف لوقالت احبك وربي يمكن يذبحني انا وياها ومختفيه بعد هذا سجن ليش معذبهم كذا قال عشان ينتجون اكثر المهم طلع لقيت اغلبه المنتدى كان اناث وكان طالب منهم تغيير مسميات قال عشان ماتصير فتنه مجرم وربي المهم طلعت منهم وحلف يمين بالله ماادخل منتديات وجيت ودخلت ودفعت كفارة ايمان ولاكسبت من هذاك المنتدى غير الحزن أتذكر بليله متاخرة جتني رساله حزن تقطع القلب وتبكي من شخص موجود بالمنتدى ابكاني يشهد الله وكان بنفس المنطقه وكان يعاني حتى من الأمراض طلعت وانا ادعوا لها من كل قلبي نهاية القصه انني ابتعدت عن المنتدى وانا أعاني من أمور كثيره الى ان كان يتردد علي صاحب المنتدى الى بيتي وكان الرجل يحبني لله وهذي قصتي مع اغرب منتدى حبيت اسردها لكم لعلها تنال رضائكم وتكون سلتكم شوي وأكون بعد هالغيبه جبت لكم ماجابه هدد سليمان وشتان مابيني وبين هدد سليمان عليه السلام في الختام تقبلوا حبي وأصدق التحايا المواضيع المتشابهه:
آخر تعديل غريب الأطوار يوم
07-07-2014 في 08:24 AM.
|
|
07-07-2014
|
#2 | |
 
|
القصه تجيب المرض يمين تعبت نفسيتي وأنا أقرأ وش ذي الكآبه منتدى كئيب أشوى خرجت منه ما تنلام يوم سميت نفسك غريب الأطوار بعد شايب ويراقب الرسائل ومتصل آخر الليل وعدل وأحذف ويا ملعون أنا لو مكانك أهكر منتداه وأنا أضحك مو كل المنتديات مثل بعض غريب الأطوار في منتديات أذا دخلتها ترتاح فيها تحس الأعضاء أخوه لك وفي منتديات سبحان الله ما تحس براحه فيها على طول أطلع منها بصراحه تعلمت الكثير من قصتك غريب الأطوار شكرا لك |
|
|
|
|
07-07-2014
|
#3 | |
|
شموخ فى زمن الانكسار
|
الحمد لله على السلامه غريب
وانت بغيابك لم تاتى فقط بقصه تسلينا لاغرب منتدى مر بحياتك ولا اعتقد سيمر بحياتك منتدى بغرابته (انت جبت العيد ) :sm2  اخشى ان يكون وراء اسم معرفك هذا المنتدى الغريب الاطوار ايضاً! بحق بقدر غرابه قصتك مع هذا المنتدى الغريب القابع بالعالم الرقمى بقدر ماضحكت من قلبى على تفاصيل ومواقف القصه ! سجن ابو غريب هذا وليس بمنتدى.!!! كل الاحاداث ولقائك بصاحب المنتدى الذى اجزم انه شيخ عشيره يطبق قوانيين قبيلته على الانترنت :) وخانه ادخال رقم الهاتف كوم آخر !!! اهم شئ بعد كل معانتك مع صاحب المنتدى طلع يحبك لله ....لا ادرى لو كان يبغضك ما كان سيعمل بك :confused: لو ان قوانيين المنتدى تسمح لقلت لك اخبرنا باسم المنتدى لدى فضول ان اعرفه :sm1 شمس الاصيل ما سرده الاخ غريب اصابنى بالفضول والاستغراب .الظاهر صاحب المنتدى فاهم معنى المنتدى غلط . الله المستعان ! وجدت هنا تطبيق واقعى لتجسيد شخصيه هولاكو العالم الرقمى بشكل طريف لموضوع الاخت ريماس (تخيل مافى انترنت ؟). . |
|
|
|
|
07-07-2014
|
#4 | |
|
هههههههههههههههههه حاس انكم تحضروا اراواح :confused:
وش هالعذاب هذا وكله لباس احمر ليكون محكوم عليكم بالاعدام ياحزين وانتم ما تعرفون :sm  مشرفين ولا حكم اعدام غريب الاطوار ههههههههههه ياخوفي اخذت منهم خصله خصوصا باسم غريب الاطوار :sm وهالشايب المخرفن لا تقوم وتدعيه علينا هون ارجوك هههههههههههههههه بدي اعمل تشيك على كل عضو جديد بالمنتدى ويمنع لباس الثوب الاحمر :las1: اطلب من الاخ شمس الاصيل تشديد الحراسه على حدود المنتدى بلاش يصير تسريب من اعضاء هذا المنتدى الغريب يبحثون عن الاخ غريب الاطوار :sm2  :sm2  اقوم بتعين ناصر الجزائري حارس ع الحدود وخفايا الشوق مراقبة كاميرات وصن لايت تدقيق معلومات :sm وانا راح اعمل جولة تفتيش بين الحين والاخر :las1: امزح طبعا معك اخوي غريب الاطوار والحمد الله على سلامتك بالخروج من معتقل غوانتاناموا لانهم بلباس احمر ههههههههههههههه قصتك تكتم ع الانفاس اتصور حالي بالمنتدى وانا محكومة اعدام وهم يعملوا علي حلقة تعارف اتوقع يناسبهم اسم دموع هههههههههههه انا بغير اسمي الى حجه نوسه :sm2 شكرا الك على سرد قصتك عشان الواحد ما يغامر بأي منتدا :sm  |
|
|
|
|
07-07-2014
|
#6 | |
|
غريب .. أنا عصفوره ..  أحداث القصه ذكرتني بمنتدى آلمني كثيراً واستغربت تصرفات صاحبها معي .. والتي كانت سياسته أيضاً مريبه لو اطلعكم على بعض ما يقوم به ستجدونها أغرب من احداث هذه القصه المهم الحمدلله لخروجك بالسلامة بالنسبة للمنتدى أرسل لـ sun رابطه ولا تنسى لي نسخة منه |
|
|
|
|
| كاتب الموضوع | غريب الأطوار | مشاركات | 8 | المشاهدات | 2278 |
|  |
| انشر الموضوع |
(عرض التفاصيل)
عدد الأعضاء الذين شاهدوا الموضوع : 0
(إعادة تعين)
|
|
| لا توجد أسماء لعرضهـا. |
العرض العادي
|
|
الساعة الآن 10:12 PM بتوقيت الرياض
Designed and Developed by : Jinan al.klmah