رد: زمان يافن
 

مشاركه جيده ومفيده

وتفاعل طيب وتواجد جميل

بارك الله فيك

رد: زمان يافن
 

https://l.top4top.io/p_2515nwzwo0.jpg
مفيش حد فينا اتفرج علي الفيلم ده وهو صغير الا لما أترعب منه ...تفتكرو إيه اللي ممكن يخلي فيلم من إنتاج سنة 1945 معمول بامكانيات ضعيفه و خدع واضحة جدآ و مكياج مش أحسن حاجة في الدنيا يسبب لنا كل هذا الهـ ـلع لما نتفرج عليه ؟؟؟ الأجابة بمنتهي البساطة : يوسف بك وهبي

أول مرة شوفت الشيـ ـطان في حياتي كان يوسف وهبي، وفضلت سنين متخيله الشيـ ـطان يشبهه له... تدرج وتلون تون صوته حسب الحوار والموقف... الحركات والمكياج والعنين الجاحظة... ويمكن كلنا كنا كده... يوسف وهبي في فيلم سفير جهـ ـنم كان طالع بتصورنا كلنا عن الشيـ ـطان بكل شيء وفضل متعلق في ذهننا صور الشيـ ـطان بالقبـ ـح ده بسبب اجتهاد وهبي الكبير في الدور ده.. اللي كان أول دور في السينما المصرية بيتكلم عن ظهور الشيـ ـطان لأسرة فقيرة وبيبدأ يغويهم ويعرض لهم ملذات الحياة كلها وبيقبلوا لحد ما بيرجعوا لصوابهم في الأخر وبيكتشفوا إن ده كابوس.

كل اللي فات ده جميل جداً بس الأجمل منه بقا أنه التوليفة دي كلها واللي رعبتنا كلنا في طفولتنا كانت كلها من إبداع شخص واحد بس وهوا العبقري يوسف وهبي لأنه اخد رواية ألمانية اسمها فاوست وقام بتعريبها وحولها لسيناريو فيلم عربي مليان جمل حوارية عبارة عن تحفة فنية كلها سجع بالجمال ده وكمان قام ببطولته وإخراجه

--------------------------------
فيلم سفير جهـ ـنم 1945
سيناريو وحوار وبطولة وإخراج يوسف وهبي

رد: زمان يافن
 

https://arabfrst.com/xn/attachments/...960-png.50123/

- كام زوجة علي زمتكم يا مولاي
* اربعة وما ملكت ايمانه
- كام تملك ايمانه بالضبط
* الموجودين هنا عشرة
- ولكننا نعلم ان عظمة السلطان يملك فوق ال 300
= دول بقه ما ملكت ايماني وايمان ابويا وايمان امي وايمان اللي خلفوني كلهم 🤣
\
وحش الشاشه فريد شوقى
صاحب الجلالة 1964​

رد: زمان يافن
 

بعد طـ ـلاق بليغ حمدي ووردة أحد الصحفيين سأل وردة :

إيه اللي حصل بينك وبين بليغ ؟
ردت وردة : مين بليغ ؟!

سمع بليغ رد وردة اللي نزل عليه زي الصاعقة وراح ماسِك ورقة وقلم والعود بتاعه وكتب أغنية «كان ياما كان ».. ولحنها وإداها لميادة الحناوي عشان تغنيها .. الأغنية فيها كوبليه من أقوى ما قيل في العِتاب :

حبيبي يا أنا يا أغلى مِن عينيا نسيت مين أنا ؟!
أنا الحب اللي كان اللي نسيتُه أوام ، مِن قبل الأوان
نسيت إسمي كمان ؟! نسيت يا سلام ! على غدر الإنسان !

رد: زمان يافن
 

هههه ماهو الوحش من حقو يقول الي عايزو 94:
نورت خيو

رد: زمان يافن
 

https://c.top4top.io/p_28234x4o40.jpg
جمهور شادية رهيب، وكنت الليلة دي هركب معاها عربيتها علشان نروح بمجرد خروجنا ودخلنا العربية الجمهور شال العربية بينا، ودا كان جمهور شادية عمل كده من شدة حبه لها.

رد: زمان يافن
 

https://h.top4top.io/p_2890g7vm50.jpg

‏" حب ايه اللي انت جاي تقول عليه "
دي جملة قالتها سامية جمال لـ بليغ حمدي لما راح يعترف لها بحبه
بليغ انزعج اوي وراح يفضفض مع الشاعر عبدالوهاب محمد وحكاله اللي حصل وقاله دي بتقولي حب ايه اللي انت جاي تقول عليه
و زي طبيعة أي شاعر بيركز في الجُمل والكلمات عبدالوهاب محمد الجملة عجبته ‏ولقى انها تنفع مطلع أغنية راح قال ل بليغ "يلا معلش"و بدأ يكتب أغنية (حب إيه)وبعدها يعرض الأغنية على الست الأغنية عجبت الست و كلمت محمد فوزي يلحنها وبالفعل محمد فوزي بدأ في تلحينها وفي يوم من الايام بليغ يكون عند محمد فوزي في بيته وفوزي يسيب بليغ قاعد في الصالون ويدخل يعمل تليفون ‏بليغ لقى ورقة ع الترابيزة مكتوب فيها أغنية " حب ايه"
القدر هنا بيلعب لعبته فالكلمات عجبت بليغ ومسك العود بتاعه و بدأ يلحن مع نفسه فيدخل عليه فوزي يقوله ايه ده انت لحنتها أحسن مني
فوزي في وقتها أخد بليغ للست و قالها ده ملحن جديد بس عبقري ولحن الأغنية أحسن مني ‏وبكل سماحه يتنازل فوزي عن حلمه ( التلحين للست ) بكل بساطة و دي تكون بداية معرفة الست ببليغ
و يلحن بليغ الاغنية اللي كان سبب فيها و الأغنية تكسر الدنيا و تبدأ رحلة طويلة من النجاحات مع الست ♥

رد: زمان يافن
 

الله الله ..ايه المشاركات الجامدة دى يا اوروفتى
من اول سفير جهنم لحد حب ايه اللى انت جاى تقول عليه ..

شوية معلومات عالطاير روووعة جميلة اول مرة اعرفها

زمان ونجوم زمان الراقيين المثقفيين اللى ما فى اى كلمة بذيئة فى فيلم
اه صحيح كان فيهم عرى ووو بس دول لان كان اغلبهم نجوم يهوديين وروس اما عندهم فن وثقافة عالية اما العرب ومن ضمنهم يوسف وهبي عملاق الشاشة فى الفيلم ده كان بيخوف اوى فعلا ههه بس دور رهيب ولازم كل فيلم ابيض واسود بيسيب اثر فينا وتعليقات جميلة ومواقف حوارية اييييييييه الناس دول ومدى حبهم للفن والقراءة وتقديم اجمل الاعمال اللى فعلا تبقي تاريخ..وفعلا زى ما قولتى رغم الامكانيات ضعيفة ولا كان فى فوتوشوب ولا ذكاء اصطناعى زى دلوقتى والالوان ووو لكن اعمال لها تاريخ ومن جيل لجيل بنفتكرها..
واما عن كوبلية (حبيبي يا أنا يا أغلى مِن عينيا نسيت مين أنا ؟!
أنا الحب اللي كان اللي نسيتُه أوام ، مِن قبل الأوان
نسيت إسمي كمان ؟! نسيت يا سلام ! على غدر الإنسان !) فعلا احلى كوبلية وجااامد اوى فى الاغنية ومؤثر والحقيقة اختيار ميادة له كان موفق صوت واحساس رووعة

جميل يا واروفتى كل اختياراتك رائعة
ومشاركات سلسة واسلوبها شيق تجذب القارىء
ودااايم يارب

رد: زمان يافن
 

نسمع أحمد رامي يناجي أم كلثوم بأكثر من 136 أغنية، أما بليغ حمدي فيستعين بنجمات الغناء كمراسلات للغرام إلى محبوبته وردة، وحسين السيد اختار أن تكون «ست الحبايب» هدية لوالدته في «يوم الأم»، وكامل الشناوي جسّد هو الآخر معاناة الألم والخيانة التي شعر بها تجاه نجاة في أغنية «لا تكذبي». كثير من قصص الحب التي لم تكتمل، وجاءت الكلمة المغناة تحمل معانيها الخالدة عبر الزمن.

عجبتنى فنقلتها لانها بالفعل صح اتحكيت سطورها على اشخاصها بالفعل

رد: زمان يافن
 

من قلبي أشكرك على كلمات وحروف تصدر منها عطور الإبداع اللامتناهي.

رد: زمان يافن
 

https://k.top4top.io/p_2904dwvz90.jpg
عجبني أوي نموذج الست هدي سلطان عمرها ما قارنت نفسها بفاتن حمامه ولا شادية ولا قالت إنها أهم من سعاد حسني أو هند رستم وحتي لما غنت مقلتش أن صوتها أجمل من ليلي مراد أو نجاة الصغيرة بل العكس كانت ست شاطرة و ذكية جداً
بدأت بطلة في أفلام مهمة و قصاد نجوم و مخرجين كبار
وأول لما حست بتقدم العمر بها بدأت تقدم أدوار مهمة برضو بس مش بطولة لحد ما وصلت لأدوار الأم و قدمته بمنتهي البراعة كما لو كانت فردوس محمد أو أمينة رزق مش هدي سلطان إللي شوفناها في أفلام الأسطي حسن و جعلوني مجرماً و رصيف نمره خمسه و تاكسي الغرام و حميدو و الإختيار و عودة الإبن الضال
وفجاءة بقت نفيسة هانم الأم الأرستقراطية في ليالي الحليمية
و أم حسن في أرابيسك الأم الجدعه بس الحقانية القوية الحنينه
وفاطمة تعلبه في الوتد المسلسل إللي أصبح أحد أهم الأعمال الدرامية علي الإطلاق وقدمت أهم نموذج للأم إللي بتمثل كيان
هدي سلطان قدرت تعمل لنفسها تاريخين منفصلين عن بعض
تاريخ وهي شابة صغيرة و تاريخ تاني و هيا ست كبيرة
حتي لما إرتدت الحجاب معملتش زيطة ولا زفه لبست الحجاب النهاردة و نزلت تصور بكرة و كأن محصلش حاجه
معلملتش مثلاً زي فاتن حمامه تشتغل كل خمس ست سنوات
ولا زي شادية تتحجب و تعتزل ولا هند رستم تعتزل وبس
نموذج نادر جدا في الفن محدش بيتكلم عليه كتير
ألف رحمه و نور تنزل عليها
المؤرخ الفني محمد شوقي

رد: زمان يافن
 

https://b.top4top.io/p_2904tba2r0.jpg
تقابلت الفنانه خفيفة الظل زينات صدقي مع عميد الأدب العربي الدكتور طه حسين في حفلة مع زوجته الفرنسية فسلمت عليه وبمجرد ما قالت له يا دكتور رد ( أنا عارف هذا الصوت ) فقالت مش هتعبك في التفكير أنا زينات صدقي وماخدتش شهادات غير الإبتدائية وبحاول أطور نفسي وعندي مدرسة فرنسية بتعلمني وأنا في قمة السعادة إني قابلتك فقال لها [ بأسلوبك في الكلام أمنحك درجة الدكتوراه في الأدب والأخلاق والإلقاء ولي الشرف إني قابلتك ]... وظلت تفتخر بهذا الموقف طوال حياتها.

رد: زمان يافن
 

رد: زمان يافن
 

https://f.top4top.io/p_2911cxzlk0.jpg

- تقدري تقوليلي ايه المشاكل اللي عانيتي منها في حياتك؟!

إنتي عايشه بطولك في شقه فخمه ع الكورنيش .. عندك عربيه واطيان وحساب في البنك .. مشاكلك كلها مشاكل وحده وملل وفراغ .. وطبعا بتلاقي اللي يسليكي...
ولو مالقتيش بتيجي المدرسة عشان تتسلي بمشاكل المدرسات وتعيشي دور المُصلحة الاجتماعية...
عشان تملي فراغك وبس ، وفي الاخر جايه حضرتك عشان تديني محاضره في الأخلاق والحب ؟! ...
محصلش مرة انك بتقعي في اللي بنقع فيه كل يوم .. ملكيش زوج سابك بعد عِشرة ٢٥ سنة جواز ، وراح اتجوز عيّلة قد ولاده وسابك غرقانة في مشاكل بيت وأولاد .. منهم ولد بيتحرك على كرسي متحرك من سن ١٥ سنة...
ايوه انا مبحبش حد حتى نفسي بكرهها .. وبكرهك انتي كمان ياحكمت ياهاشم !! .. عارفه ليه؟! .. لانك مستريحة ، سعيدة بنفسك .. بتنجحي ، بيصقفولك...
بيدوكي زيادة وانتي مش محتاجة وده مش عدل...
ده ظلم ، واللي يرضى بيه يستحقه.

مسلسل |ضمير أبلة حكمت | 1991

رد: زمان يافن
 

رد: زمان يافن
 

رد: زمان يافن
 

ساميه متزوجه شخص امريكي على ماظن بعد وفاة زوجها رشدي اباظه

تجي نروح حفلة الانسه
هنا بعدها ماصارت ست
الاسعار يابلاش
عازمتك ههه
تسلم ايدك همس نورتي قلبي

رد: زمان يافن
 

8 معلومات عن "خلي بالك من زوزو" سعاد حسني ليست المرشحة الأولى ..

1- لم تكن السندريلا سعاد حسني هي المرشحة الأولى لبطولة الفيلم، بل سبق ترشيح الفنانة لبنى عبد العزيز، لكنها اعتذرت عنه بسبب سفرها إلى أمريكا برفقة زوجها
2- في البداية كان اسم الفيلم "بنت العالمة" وهو الاسم الذي وضعه المخرج حسن الإمام، إلا أن الشاعر صلاح جاهين رفضه واقترح "خلي بالك من زوزو" نسبة إلى الأغنية التي تقدمها السندريلا خلال الأحداث.
3- حقق الفيلم رقمًا قياسيًا في مدة عرضه داخل دور السينما، حيث استمر لمدة عام كامل محققًا أعلى الإيرادات وقتها
4- حصل "خلي بالك من زوزو" على. " جائزة الرئيس جمال عبد الناصر التذكارية" من الرئيس انور السادات عام 1974
5- احتل الفيلم المرتبة الـ79 ضمن قائمة أهم 100 فيلم مصري التي أجراها عدد من النقاد السينمائيين عام 1996
6- بلغت ميزانية الفيلم حوالي 15 ألف جنيه وقتها، كما أن الفنان حسين فهمي حصل على أجر بلغ 1000 جنيه
7- صور المخرج سمير سيف حوالي 3 أيام من "خلي بالك من زوزو" في أثناء سفر المخرج الراحل حسن الإمام لتكريمه في روسيا، وكانت المشاهد التي تم تصويرها هي المشاهد الاخيرة في الفيلم.
8- تعرض الشاعر الراحل صلاح جاهين للهجوم الحاد بعد عرض الفيلم بسبب أغنية "يا واد يا تقيل" التي غنتها السندريلا خلال الأحداث، حيث رفض البعض تقديمه لهذه النوعية من الاغنيات بعد تقديمه للأغنيات الوطنية، وهو ما جعله يتأثر نفسيًا للهجوم عليه.
يذكر أن فيلم خلي بالك من زوزو من تأليف الراحل صلاح جاهين وإخراج حسن الإمام وبطولة الفنانة الراحلة سعاد حسني والفنان حسين فهمي والفنانة تحية كاريوكا وسمير غانم ومحيي إسماعيل، وتم عرضه عام 1972

رد: زمان يافن
 

https://mrkzgulfup.com/do.php?img=69899

حصل شكري سرحان على جائزة أفضل ممثل ثماني مرات على الأقل عن أفلامه الشهيرة: رد قلبي، شباب امرأة، اللص والكلاب، الزوجة الثانية، النداهة، وليلة القبض على فاطمة وغيرها، وأفضل ممثل من المهرجان الآسيوي الأفريقي عن دوره في فيلم «قيس وليلى» 1960 لكن التكريم الأهم والذي رد له الاعتبار بعد خمس سنوات من اعتزاله التمثيل وابتعاده شبه التام عن الأضواء منذ العام 1991 وحتى رحيله عام 1997 كان تكريم مهرجان القاهرة السينمائي الدولي له عن مجمل مشواره في سياق مئوية السينما المصرية واختيار النقاد له كأفضل ممثل، حيث اختير كأفضل ممثل في القرن العشرين باعتباره صاحب أعلى رصيد من قائمة أفضل مئة فيلم في تاريخ السينما المصرية بعدد 15 فيلما بين بطولة مطلقة وجماعية، مع الفنانة فاتن حمامة كأفضل ممثلة للقرن العشرين للسبب نفسه وذلك من النقاد في مهرجان مئوية السينما المصرية.

رد: زمان يافن
 

https://j.top4top.io/p_2944vbykc0.jpg

نزوجيني لأعلمكِ كيف تعيشين و تعلميني كيف أموت

صورة التقطت ل"شارلي شابلن" و "أونا أونيل" عام 1943م

قيل ان شارلي شابلن و هو فى ال 53 قابل حب حياته ..اونا أونيل ..و التى كانت فى 17 من عمرها.

رفض والدها هذه الزيجة إلا عندما تكمل ال 18 من عمرها و بالفعل يوم عيد ميلادها التالي كان قد تزوجها و عاشا معا حوالي 34 عاما منذ عام 1943م حتى وفاته سنة 1977 م

حين قرر شارلي شابلن الزواج من "أونا" التي تصغره ب 30 سنة قال لها "تزوجيني لأعلمكِ كيف تعيشين و تعلميني كيف أموت. "
قالت له "لا يا شارلي سأتزوجك لتعلمني كيف النضوج و أعلمك كيف تبقى شاب حتى النهاية".

قالوا كان زواجا رائعا و أنجبا 8 أطفال و عاشا معا حتى وفاة شارلي" عن عمر 88 سنة.
.عن اختيار الشريك .

رد: زمان يافن
 

https://c.top4top.io/p_2964ht8tm0.jpg

في عام 1962 إنتهى الرسام عزالدين حموده الاستاذ بكلية الفنون الجميلة بالقاهرة من رسم هذه اللوحه للفنانه فاتن حمامه فسألته عن ثمنها فأجاب 500 جنيه
فارسلت فاتن رساله الى زوجها عمر الشريف تقول له...
يبدو أن الرسام عزالدين لا يعيش في هذه الدنيا
من هذا المجنون الذي سيدفع 500 جنيه ثمناً لصورتي
فأرسل لها عمر رسالة من لندن يقول فيها..

أنا المجنون...... ساشتري اللوحه

رد: زمان يافن
 

https://g.top4top.io/p_2976uxysp0.jpg


"...لقد بدأت علاقتي برشدي منذ كنا أطفالاً لم يكن في حينها عمري يتجاوز السنوات العشر ، فكان يجاورنا في السكن أمام الأوبرا القديمة بجوار كازينو بديعة وكان صديقا لاشقائي الذين جمعت بينهم الصداقة والحب...
عندما وجد رشدي أنني ابادله المشاعر نفسها تقدم ليطلب يدي من الأسرة الذين كانوا يعرفونه جيدا ، و وجدوا أن معرفتهم الجيدة له داعية لرفض طلبه، قائلين له:رشدي أنت صديقنا الحميم وإنسان رائع ، ولكن لك حياتك الخاصة التي يعلمها الجميع ، ولن تستطيع أختنا أن تعيش وتجاري هذه الحياة ، ولن نقبلها نحن لها لأنك لن تتغير ف ماجدة ليس لها تجارب سابقة و ستعاني معك "، و حزن رشدي من هذا الرفض الذي لم يكن في حسبانه ، وحزنت أنا أيضا وكنت أبكي نتيجة رفض الأسرة ، و كانوا يحاولون إقناعي بأن حياتي مستحيلة مع حياته الخاصة....."
✍️
مذكرات_ماجدة_الصباحي

رد: زمان يافن
 

الله على دا حب
ده مش زمان يا فن ..ده زمان يا حب 770070
ويُقال على لسان طارق عن ابيه عمر الشريف من فاتن لما جالو زهايمر فى اواخر ايامه
كان بينسي كل شىء ومكنش بيفتكر اى حد الا واحدة بس وهى فاتن حمامه حبه الاول والاخير رغم انفصلهم عن بعض وزواجهم من اخرين غير بعض..
عجبتنى مشاركتك جدااا واروفتى ..والحقيقة كل ما قدمتيه هنا من حكى لفنانيين رائعيين هو روعة وجمال بالاختيار والذوق
مشكورة يا عسل انتى
تحياتى القلبية

رد: زمان يافن
 

293:293:293: 1-371-371-3732:32: وانا الحقيقة بكيت يا واروفتى لما عرفت منك دلوقتى الخبر ده
الله يرحمهم ..اظن رشدى ما يفرق كتير عن ايهاب نافع
واللى الله يرحمه هو كمان ..بالاخر حب فـ زواج فـ خيانة فـ انفصال وياقلبي ما تحزن هههه
وسط عجيب بعيدا عن الاضواء
ولكن عالساحة الجميع ابدعو ولو انى ما بحب تمثيل ماجدة الصباحى ولا ايهاب نافع ولا تمثيل ابنتهم لما كانت بتمثل
انما طبعا كنت احب رشدى اباظة دنجوان عصره ومازال له معجبيه واللى انا منهم ...
مشكورة واروفتى مشاركة جميلة مثلك اختى
موفقة وننتظر كل جديد
تحياتى والود والورد على عيونك قمرى wahjj.19

رد: زمان يافن
 

شكرا لتميزك احب كل ماتبوح به هنا

رد: زمان يافن
 

حكايات بليغية,,,,, بليغ حمدى وفات الميعاد

صاغ بليغ حمدى أحدى أجمل الاغنيات التى غنتها له المطربة ام كلثوم حسب رأى اهل الموسيقى وحسب رأى عبد الحليم حافظ نفسه
لقد كان بليغ فى منتهى الذكاء .

مستخدما نفس اسلحة عبد الوهاب ..فقد لاحظ بليغ ان عبد الوهاب يهتم بالمقدمة الموسيقية ..ولذلك ركز بليغ ولاول مرة فى المقدمة الموسيقة واستطاع ان يفاجئ الجمهور بمقدمة موسيقية مليئة بالتركيبات الفنية الجديدة وخاصة اله السكسفون فى تداخل لحنى يعطى جملا موسيقية من نوع جديد على اذن المستمع
ماذا حدث يوم الخميس الاول من شهر فبراير 1967
فى يوم الخميس الكبير خميس الاعصاب المتوترة عند بليغ واجمل خميس عند الناس
التقى بليغ مع ام كلثوم فى الساعة الحادية عشر صباحا فى استوديو مصرفون وبدأت البروفة الاخيرة واستمرت حتى الثانية عشر وانصرفت الست بعدها وظل بليغ مع الموسيقين حتى الرابعة عصرا

وفى المساء وقبل الحفلة بنصف ساعة صعد بليغ على المسرح وأطمأن على الفرقة ثم ذهب بسيارته (الاوستن الحمراء) الى منزل احد اصدقائه فى الزمالك قبل بداية الحفل بعشر دقائق لكى يستمع الى اللحن من هناك
ويترك بليغ صديقه بعد سماع اكثر من نصف الاغنية وظل مستيقظا حتى الصباح وهو يلف بسيارته فى الشوارع
وفى الصباح عندما عاد الى منزله علم ان الست اتصلت به فنام قليلا وعندما استيقظ اتصل ويقول لها ..مبروك ياست كنت عظيمة ورائعة وترد عليه الست وتقول مبرك ليك انت الناس قابلوا اللحن كويس وانشاء الله عقبال الاغنية الجديدة
ويرد بليغ ده شرف كبير لى ياست

وللمناسبة سئل الموسيقار عبد الوهاب عن رأيه فى اغنية فات الميعاد بعد اذاعتها بيومين فقال
.أنامتأسف لانى لم اسمعها فقد كنت اشاهد على التليفزيون مسرحية حواء الساعة 12
التى اذيعت فى نفس الليلة لفؤاد المهندس وشويكار

الموضوع منقول من مجله الشبكه صفحات من حياه بلبغ حمدي 1984