رد: زمان يافن
 

https://a.top4top.io/p_2083f47030.jpg

- ارجوك تمشى يا سمير، انا هدعيلك من قلبي
تلاقي الحب الحقيقى، مش الصدف اللى زى قلتها ..

= يعنى هتفضلي فاكراني ؟

- ايوا .. قصدي مش على طول، اوعدك بين وقت والتاني هفتكرك وانا بسأل نفسى .. يا ترى لسه بيدور ؟! يا ترى لقى بنت الحلال ؟ .. يا ترى حلوة ؟

= ابقى قولي لنفسك .. انه لقى بنت الحلال ..
ومش بس حلوة، دي احلى انسانة في دنيته ..
اشوف وشك بخير يا نوال

- الوداع يا سمير

= الوداع كلمة ما أحبهاش .. حتى لو كنا
مش هنتقابل تانى .. اشوف وشك بخير )

— موعد غرام

رد: زمان يافن
 

https://l.top4top.io/p_2083gglqr0.jpg
إيه يا سي "عبده"، مش ناوي تصارحني وتقولي مين دلك عليا لما جيت تتجوزني ؟
🗣️ ما إنتي عارفة أن أعدائي كثير يا وليه 😂

رد: زمان يافن
 

https://j.top4top.io/p_2087diprb0.jpg
كتب المخرج مجدي الهوارى :

الصوره الجميله دي فيها تفاصيل عايز اكلمكم عنها
الفنانه ليلى مراد
الفستان من أرقى بيوت الازياء العالميه ظ*ظ*ظ* كوكو شانيل الفرنسيه واتفصل مخصوص لليلى مراد عشان الاغنيه دي
واتكلف ظ¤ظ*ظ* جنيه مصري

الفرقه اللي وراها اسمها فرقه البلشوي الروسية جات خصيصا من أجل الاستعراض

فني الاضاءه كان إيطالي ظ*ظ*ظ* وفني الصوت يوناني

السينما كانت تاني مصدر للدخل القومي بعد القطن
اللهجه المصريه هي اللهجه الوحيده المفهومه في كل الدول العربيه ظ*ظ* بالفيلم المصري ظ*ظ* والاغاني المصريهظ*ظ*والفنون التشكيلية والروايات ظ*ظ*ظ* وطه حسين والعقاد ظ*ظ*ظ*ظ*ظ*ظ*الخ
بجد يا جماعه الصوره دي مريحه جدا للعين فيهاا بساطه ورقي لا يوصف ظ*ظ*ظ* ليلى مراد عامله زي ماسة بيور

رد: زمان يافن
 

https://e.top4top.io/p_2088d4eyg0.jpg

كانت الفنانة فاتن حمامة تعاني من اللدغة في حرف الراء من ايام ما كانت طفلة صغيرة و بسبب اللدغة دي اتعرضت لموقف محرج في بداية حياتها و ده اللي هي حكيته في مذكراتها في مجلة الكواكب في فترة الستينات
و قالت انها لما التحقت بمعهد التمثيل وفي اول يوم دراسة ليها ... كان ساعتها الفنان الكبير زكي طليمات استاذ المعهد فا دخل المحاضرة و بدأ يتكلم مع الطلبة و بعدين لمح فاتن حمامة فنادا عليها و قالها تعالي هنا يا عروسة فا فاتن زعلت اوي و قالت انا مش عروسة انا فاتن فأبتسم و قالها طيب تعالي هنا يا فاتن و سألها علي اسم المسرحية اللي هي امتحنت فيها و لما جوبته و قعدت تحكي لاحظ عليها اللدغة و انها بتنطق حرف الراء غين بدل راء
فا راح كاتب لها علي السبورة جملة طويلة جدا مليانة بحرف الراء و قالها اقري الجملة دي بصوت عالي و بمجرد ما بدأت تقرا قعد يسد ودانه عشان ميسمعش اللدغة بتاعتها و بعدين راح قالها طلعي لسانك يا فاتن فضحكت و قالته اطلع لساني ليه ؟ قالها عشان اشوف الحتة اللي ناقصة منه ... فطبعا فاتن ضحكت و كل الموجودين ضحكوا
فاتن حمامة بتقول انها من ساعة اليوم دا نشأت صداقة مميزة بينها و بين استاذها زكي طليمات و كان دايما بيشكر في موهبتها و مفيش سنة مرت علي دراستها بالمعهد الا و كانت فاتن حمامة تخلصت من اللدغة تماما و بقت بتنطق حرف الراء بمنتهي الوضوح

رد: زمان يافن
 

https://h.top4top.io/p_20881pton0.jpg
= اول م شفتك بالبدلة معرفتكش .. إفتكرتك واحد تاني !!
- الهدوم مبتغيرش صاحبها .
= واشمعني غيرتك انت ؟!
- انتي اصلك مبتبصيش غير للمظاهر
= مكنتش اعرف انك كمان فيلسوف
- انتى ماتعرفيش حاجه ابدًا .
= ايه قلة الادب دى ، انتَ ازاى تكلمني بالطريقة دي ؟!
.. انت نسيت انا مين ؟!
- هتكونى مين يعنى .. انتي واحدة من بره متزوقه ومن جوه فاضيه .

⁦🎬 حتي لا يطير الدخان | 1984

رد: زمان يافن
 

https://k.top4top.io/p_2088n9b2e0.jpg
شكرا لك الأنك كنت سبب الإبتسامة في طفولتنا 💔😔🙏

رد: زمان يافن
 

https://j.top4top.io/p_20884gr350.jpg
في حوار مع سهير البابلي الصحفي بيسألها مين كانت بطلة مسرحية ( ريا وسكينة ) هي و لا شادية .. كان ردها :
" انت بتهزر ! دي شادية ! يعني تاريخ طويل .. و أنا ممثلة صغيرة ما كنتش أحلم إنها بس تسلم عليا مش أشاركها بطولة مسرحيةوتيجي انت تقوللي مين البطل فينا ؟!
ريا و سكينة كانت هتنجح و تكسر الدنيا بوجودي أو من عدمه طالما شادية موجودة "

رد: زمان يافن
 

https://c.top4top.io/p_20898kxgb0.jpg

_ إنت مدتش نفسك فرصة تحبني، كان ممكن تحبني بس أنت محاولتش، كنت بتكرّه نفسك فيّا، ميزاتي كنت بتقلبها عيوب.
الطيبة كنت بتشوفها خيبة، حبي ليك بتشوفه ضعف مع إن محدش حبك قدى يا محسن.

=متصغرنيش أكتر من كده يا شكران

_ محدش كبرك قدى أنت اللي صغرتني .. أنا عمرى ما كنت ست قليلة، بس كنت بسيطة معاك ياريتك كنت قدّرت ده.

-هوانم جاردن سيتى

رد: زمان يافن
 

https://c.top4top.io/p_2089hie0e0.jpg
المسقعة المصري و لا الايطالي ؟!

بتحكي صوفيا لورين في مذكراتها عن موقف لطيف حصل مع عمر الشريف .. بتقول صوفيا انهم و هما بيصوروا فيلم ( more than a miracle ) سنة 1967
بعد التصوير راحوا يتغدوا سوا ، فعمر ما عجبوش الاكل فقالها أنا نفسي اوي في طبق ( بتنجان ) من ايد أمي ، صوفيا قالتله امي بتعمل البتنجان بطريقة أحلى ، قالها لا يمكن دي المسقعة بتاعة أوي مالهاش مثيل .. الموضوع قلب بتحدي ما بينهم و اتفقوا ان عمر يجيب أمه و صوفيا تجيب امها و كل أم تطبخ المسقعة بطريقتها .. و بالفعل كل حد منهم كلم أمه و جات الأمهات ، و بدأ التحدي و كل ام طبخت المسقعة بطريقتها .. و كان فيه لجنة تحكيم زي أي مسابقة
طبعاً مش محتاجين نقولكم ان المسقعة المصري كسبت و ده كان بشهادة صوفيا لورين نفسها ، اللي قالت ان الطعم كان متقارب لكن مسقعة ام عمر كانت أجمل

رد: زمان يافن
 

المشاركة الأصلية كتبت بواسطة وارفة البيان https://wahjj.com/vb/jananwhj6/buttons/viewpost.gif
https://l.top4top.io/p_2083gglqr0.jpg
إيه يا سي "عبده"، مش ناوي تصارحني وتقولي مين دلك عليا لما جيت تتجوزني ؟
🗣ï¸ڈ ما إنتي عارفة أن أعدائي كثير يا وليه 😂


ههههههههههههههه تحفففه الله يرحمه
روووعه يا اورووووفه يسلم جلبك