ضميتك بروحي
 

يارفة جفن ياوردة
احلامي
لو گتلك احبك ردلي
هم اهواك
واعطر لك رسايل غزل
باقلامي
شاتلك ورد ياجوري
بالدلال
وحملك
سلام الروح بانسام
وبعد فراقك العين
متنام
وبكد المطر
حبك يدك الروح
وكل كلمة اعوفك
وياهن اطرحهن
وبكد الورق والشجر
والماي
كل كلمة احبك بيهن
اسمك بالكلب
بدمع خطيتة....!!
//
نوران العماري
//
نبض الياسمين

رد: ضميتك بروحي
 

ماكض الشفايف لا تكللي شبيك
خايف من حلاتك يصعد السكر

إذا كل شبر منك ثورة ع الحلوين
إذا كل الحسن يم طولك اتعثر

إذا تمر يمنة نصير كلنا عيون
لك جام الخجل بس يمك اتكسر

زاعلنة الكمر من ساعة الشفناك
نورك كض مكانة وعالشمس كسر

واغتاض الورد من خجلن الوجنات
لبس دشداشة سودة وشكلك الأحمر !

رد: ضميتك بروحي
 

الفاتنة نوران العماري

الشعبي العراقي نغم ساحر

يستفز اي قريحة لتكتب وتشجي

هذا حالكِ ايتها ال نوران الجميلة

تكتبين نوتات عازفة

لتوقعيها نغما يشجي ويُطرِب

تلفها رايات الإمتنان

لكِ من أساور التحية أزكى سلام

سوسنتي الحلوة مع تقييمي

احمد الحلو

رد: ضميتك بروحي
 

انا احجي جذب لو كتلك اهواك
ترا بالروح حبك مثل العيون
وترا كل الحجي الي بكلبي ماجاك
انا عايش هواك جنون بجنون
واذا ماصدقت امداك وامداك
يجي يوم وتصدك من يذكرون
حبيب الذبله صدك وجفواك
مات بحسرته وعنه الي يغنون

وليدة التو

اويلي خليتوني اقول شعر عامي

مثل ماقال احمد المفرده العراقيه تدك بالروح
ولذلك كلها تسمع الغناء والشعر العراقي
جميلة جداً تسلم ايدك نوران حبيبتي

رد: ضميتك بروحي
 

نشر وختم مع الهدية لغاليتنا الجميلة

رد: ضميتك بروحي
 

عزيزتي ...أنتِ رائعة بكل ما تعنيه الكلمة من معنى...هنا حروف من نور وكلمات من بتلات مورقه..

عراقية اصيلة تخاطبنا بلغة جميلة وعذبة..بيوت من ذهب...

واصلي بوحكِ وفجّري ينابيع الحب الساكنة داخلك وانثري رذاذ ثغرك على الصفحات لترتوي قلوبناااا العطشى من البوح الصادق الصافي...

كنت هنا زائراً فرافقت حرفك فسرحت مع جبروت حرفك ومازلت اقرأ وأعيد من جديد
احترامي لنهر الحب الذي لا ينضب من بين ثناياكِ..

رد: ضميتك بروحي
 

رد: ضميتك بروحي
 

كلمات رائعة وجميلة غاليتي
سلمتِ ودام قلمك بهذا الجمال
لروحك سعادة لا تنتهي