منتديات وهج الذكرى

منتديات وهج الذكرى (https://www.wahjj.com/vb/index.php)

- وهج الأبيات و الشعر (https://www.wahjj.com/vb/forumdisplay.php?f=68)

- - انسان عادي (https://www.wahjj.com/vb/showthread.php?t=11064)

مي محمد

08-29-2013 01:14 PM

انسان عادي

بحلم جوايا وعلى فكره انا حلمى بسيط

والناس فاكرانى طالع فيها مغرور وحويط

مع انى انا طيب وفى حالى وماشى جنب الحيط

انا عمرى ما فكرت فى مره انى اجرح حد

وان حصلت مره والله كان من غير قصد

جوايا انا كم من الاسئله وعايز لها رد

ان ليه لما اعمل خير مع حد يقابله بشر

واما افرح مره اشوف بعديها سنين من المر

واما اضحك ليه انا دايما بضحك مضطر

انا انسان عادى ليا مزايا وفيا عيوب

انا مهما غلطت كتير بردو برجع وبتوب

وسامحنى يارب انا راضى بقدرى وبالمكتوب

احلامى بسيطه علشان برسمها تكون على قدى

واللى انا بفتكره معايا وجنبى بيطلع ضدى

ومن طيبتى بسامح وانسى كتير وبعدى

ما بحبش نفسى ومن طبعى ما بكونش انانى

كان نفسى فى حد انا لما اتعب يزعل علشانى

والظاهر زى ما عشت لواحدى هموت وحدانى

رغيف	09-02-2013 12:43 AM

المتعة تكون أكثر في هذا النوع من الأبيات .. عندما تلقى سماعياً

شكراً ياذوق

مي محمد

09-05-2013 08:28 PM

على ايه شكرا
ربنا يكرمك اخي

الساعة الآن 01:31 AM بتوقيت الرياض