الشيطان يعظ
 

[tabletext="width:90%;background-image:url('http://alfaris.net/up/89/alfaris_net_1390502312.jpg');background-color:black;border:5px double limegreen;"][cell="filter:;"][align=center][align=center][tabletext="width:70%;background-color:black;border:1px solid limegreen;"][cell="filter:;"][align=center]


تعالوا نتخــــــيل :




نـــــجــــــم الفـــــيلم Movie Star

مشاهدينا الأعزاء , تلتقون الليلة والفيلم العربى " الشيطان يعظ "

نجم هذا الفيلم بطل متميز جدا فى مجاله ( معلم كبير )

تخصصه هو تحويل حال كل الناس إلى حاله ويصير الجميع ( فى الهوا سوا ) ولم ولن يستطيع

بطل فلمنا هو " إبليس " الشهير بـ " شوشو "

وسوف نشاهده الليلة فى عرض من أقوى عروضه على الإطلاق

عرض لن يخطر على بالك أبدا

بعد أن قضى هذا الغاوى المطرود حياته كلها وسخرها فى إغواء البشرية

سيقدم لهم موعظة بليغة ( كفاية أوى لغاية كده ومش هاحرق التفاصيل )

لقد أفنى عمره واستخدم كل أسلحته ووسائله وتسلل إلى قلوب الشباب الغلابة ( وحكم الراية نايم على ودانه )


ألقى عليهم وابلا من الخطرات : فيجعل المرء منهم يهيم فى خياله ( ده أنا هاعمل وهاسوى واكسر الدنيا وأقابل البنت بتاعتى وأقولها وتقولى ....... ) فترى فى خيالك مالا صبر له عليه ولا وصول منه إليه على أرض الواقع .
ثم النظرة : نظرة تخترق سهامها فتمزق القلوب الضعيفة , تنظر إلى ما حرم الله وقد زينه لك فتراه على أحسن ما يكون

وتنظر إلى ما فى يد غيرك

فيجعل " شوشو " من هذه النظرات سلاحا نفاذا إلى قلبك وربما كانت النظرة سببا فى هلاكك



ثم اللفظة : ورب كلمة هوت بصاحبها فى النار سبعين خريفا

كلمة واحدة تقولها فى مجلس أنس لا تلقى لها بلا ( ولا فى دماغك أصلا )



ثم الخطوات : يجرك فى خطواته خطوة خطوة ولا تزال تترقى وتصعد فى السيئات حتى تنكب ساقطا على وجهك

يمضى معك خطوة خطوة لا يتعجل وإنما هو صبور حتى يصل بك إلى حيث يريد



همته عالية وأسلحته نفاذة وكم استطاع هو ومعاونوه من النفس السقيمة والهوى المضل والدنيا دار الغرور ولن يرضى منك بأقل من الكفر بالله تعالى ( هو يروح النار فى حاجة فاضية ) , يبذل فى سبيل ذلك حتى يصل

فإن لم يستطع أوقعك فى البدعة فتعبد الله تعالى على هواك غير متبع لسنة النبى صلى الله عليه وسلم

فإن لم يستطع أوقعك فى كبائر الذنوب

فأن لم يستطع ففى صغائرها

فإن لم يستطع أغرقك فى المباحات التى أحلها الله لك كالطعام والشرب والنوم حتى يلهيك عن الطاعات , بل ويضيع عليك أجور المباحات التى لو نويت بها طاعة الله تعالى أخذت عليها أجرا

فإن لم يستطع أوقعك فى تقديم المفضول عن الفاضل ( تقديم الأقل أجرا على الأكثر أجرا , أو تقديم المهم على الأهم )



سيبك بأه من الكلام التقيل اللى فوق وخلينا نتكلم كلمتين بالبلدى :
هو ربنا جل جلاله سابك كده أمام هذا البطل والوحش الكاسر ده

ده لو هو فعلا بالمواصفات والهمة العالية دى وبالتسليح ده

وعمال يلقى عليك الشبهات والشهوات ليل ونهار

يبقى أنت زى ما بيقولوا : " قضى عليك "

بس ربنا ما سابكش أنت اللى بعت

أنت دلوقت جاى تشتكى وتقول الشيطان مستقوى عليا وأنا ضعيف وهاعمل ايه يعنى

عايز ابقى كويس بس مش قادر

الشيطان بيهزمنى

عارف ليه ؟

أنت اللى بعت من البداية فربنا سلمك لأعدائك

قال الله تعالى :" إِِنَّ عِبَادِي لَيْسَ لَكَ عَلَيْهِمْ سُلْطَانٌ إِلاَّ مَنِ اتَّبَعَكَ مِنَ الْغَاوِينَ "

وشوشو نفسه معترف بكده : قَالَ رَبِّ بِمَا أَغْوَيْتَنِي لأُزَيِّنَنَّ لَهُمْ فِي الأَرْضِ وَلأُغْوِيَنَّهُمْ أَجْمَعِينَ * إِلاَّ عِبَادَكَ مِنْهُمُ الْمُخْلَصِينَ "

يبقى أنت لو عبد لربنا صح الشيطان مش هيعرف يوصلك من أساسه

يبقى لازم تقفل على نفسك الأبواب المفتحة

بنا أعطاك حل لكل سلاح من أسلحته

الخطرات : تدفعها بالإستعاذة بالله من الشيطان الرجيم

وبعدين قولى :

هو القلب اللى بيحب ربنا

القلب اللى حب ربنا تربع عليه

معقول يفكر فى حاجة تغضبه ؟ !!

أى عقل وأى منطق يقول كده ؟ !!

يبقى لازم تحفظ فكرك وعقلك وتحط الآية دى نبراس فى حياتك

قال تعالى : " وَاعْلَمُواْ أَنَّ اللّهَ يَعْلَمُ مَا فِي أَنفُسِكُمْ فَاحْذَرُوهُ "

وأما النظرات : فلو كانت فاكر إن اطلاق النظر فى الحرام هيريحك تبقى غلطان

لو فاكر أنك لما هتبص للرايحة واللى جاية هترتاح ونارك هتبرد

بالعكس أنت كده تبقى بتفتح على نفسك أبواب النار مش نار ربنا وإن كنت بتفتحها فعلا بتماديك فى معصيته وإنما نار شهوتك

إنت بتشوف حاجة إنت فى أمس الحاجة إليها

فى أمس الحاجة إنك تعف نفسك ... بس مفيش

وقلنا نصبر نفسينا ومنفعش

وطبعا عمرك ما هتقدر توصلها

يبقى أنت كده ارتحت ولا ........

شوف بأه النبى صلى الله عليه وسلم وإن كان الحديث فيه ضعف لما بيقول : " النظرة سهم مسموم من سهام إبليس من تركه لله أبدله الله به لذة يجد جلاوتها فى قلبه "


وأما اللفظات : فاحذر من اطلاق العنان للسانك

ولازم تستبدل الكلام اللى لا بيودى ولا بيجيب بذكر الله سبحانه وتعالى

ذكره تعالى جنة الدنيا

تبقى فى قمة السعادة وأنت حاسس بمعية الله سبحانه وتعالى ومستأنس بقربه ومستشعر لحلاوة ذكره سبحانه وتعالى

واعلم أن النبى صلى الله عليه وسلم قال : " لا يستقيم إيمان عبد حتى يستقيم قلبه ولا يستقيم قلبه حتى يستقيم لسانه "
وأما الخطوات : فإياك أنك تمشى معاه فى سكته

إياك أن تمسك طرف الخيط

لازم تكسر التيار

وساعتها تكون أنت البطل الحقيقى

ارجع لمصدر قوتك وعزتك

ارجع لربك

واستعن به على هذا الشيطان اللعين

وكما قالوا : استعن برب الكلب يكفيك كلابه

يعنى لو أنت ماشى فى طريق وكلب سده عليك

متقاومش

قول لصاحب الكلب وهو يفتح لك الطريق

بس لازم يكون لك علاقة كويسة بيه علشان يقدرك ويفتح لك الطريق علطول

لو فهمت المثال ده هتفهم أنا عايز أقول ايه

أنت ماشى فى طريقك للجنة ( اللهم اجعلنا من أهلها )

والشيطان باع كل عمره علشان متوصلش

يبقى تشتكى لمين

قول يارب

ارفع ايدك وتضرع واعلم أنه سبحانه لا يرد أحدا فهو الكريم

يااااااااااااااااااااااااااه

لو تأملت فى كلمة " الكريـم " دى

اعلم أنه سبحانه يستحى إذا رفع العبد يديه أن يردهما صفرا خائبتين

مش يرجع ايديك فاضية

بس أنت ترفعها

وترجع له

,

,

,

همسة ..,

كن أنت البطل الحقيقى

[/align][/cell][/tabletext][/align][/align][/cell][/tabletext]

[tabletext="width:90%;background-image:url('http://alfaris.net/up/89/alfaris_net_1390502312.jpg');background-color:black;border:5px double limegreen;"][cell="filter:;"][align=center][align=center][tabletext="width:70%;background-color:black;border:1px solid limegreen;"][cell="filter:;"][align=center]


تحدثنا فى برنامج نجم الفيلم عن شخصية الشيطان " شوشو "

وقلنا أنه أكبر وأخطر عدو لك فى حياتك على الإطلاق

اتكلمنا عن أسلحته وإزاى نواجه كل واحد منها

لكن يا ترى ايه الموعظة اللى هيقدمها هذا الخبيث

إنها خطبة الشيطان فى جهنم أعاذنا الله وإياكم منها

والتى سيخطبها إبليس اللعين بعد دخول أهل الجنة الجنةَ ودخول أهل النار النار َ

ينصب له المنبر فى جهنم ثم يخطب فى البشرية التى أضلها

تلك الخطبة التى قصها الله تعالى علينا فى آية من سورة إبراهيم

قال تعالى :

{وَقَالَ الشَّيْطَانُ لَمَّا قُضِيَ الأَمْرُ إِنَّ اللّهَ وَعَدَكُمْ وَعْدَ الْحَقِّ وَوَعَدتُّكُمْ فَأَخْلَفْتُكُمْ وَمَا كَانَ لِيَ عَلَيْكُم مِّن سُلْطَانٍ إِلاَّ أَن دَعَوْتُكُمْ فَاسْتَجَبْتُمْ لِي فَلاَ تَلُومُونِي وَلُومُواْ أَنفُسَكُم مَّا أَنَاْ بِمُصْرِخِكُمْ وَمَا أَنتُمْ بِمُصْرِخِيَّ إِنِّي كَفَرْتُ بِمَا أَشْرَكْتُمُونِ مِن قَبْلُ إِنَّ الظَّالِمِينَ لَهُمْ عَذَابٌ أَلِيمٌ }إبراهيم22

ذكر الحسن كما في تفسير القرطبي: أن إبليس يقف يوم القيامة خطيباً في جهنم على منبر من نار يسمعه الخلائق جميعاً. وقيل أنه يخطب خطبته هذه بعدما يسمع أهل النار يلومونه ويقرعونه على أن أغواهم حتى دخلوا النار.

فيقول لهم: إن الله وعدكم وعد الحق أي وعدكم وعداً حقاً بأن يثيب المطيع ويعاقب العاصي فوفى لكم وعده، ووعدتكم فأخلفتكم أي وعدتكم ألا بعث ولا ثواب ولا عقاب فكذبتكم وأخلفتكم الوعد، وما كان لي عليكم من سلطان أي لم يكن لي قدرة وتسلط عليكم إلا أن دعوتكم فاستجبتم لي أي بالوسوسة والتزيين فاستجبتم لي باختياركم، فلا تلوموني ولوموا أنفسكم أي لا ترجعوا باللوم علي اليوم ولكن لوموا أنفسكم فالذنب ذنبكم، ما أنا بمصرخكم وما أنتم بمصرخي أي ما أنا بمغيثكم ولا أنتم بمغيثي من عذاب الله، إني كفرت بما أشركتمون من قبل أي كفرت بإشراككم لي مع الله في الطاعة، إن الظالمين لهم عذاب أليم أي أن المشركين لهم عذاب مؤلم. هكذا يكشف إبليس عن عداوته لابن آدم ويعترف بخذلانه له ليزيده حسرة وندماً.
فاصل قصير مع موجز لأهم وآخر الأنباء

سيداتى وسادتى أهلا ومرحبا بكم مع موجز لأهم الأنباء

وصلتنا أنباء عن وصول الرئيس الأمريكى إلى مطار بغداد ظهر اليوم بناءا على طلب جبهة التحرير العراقية لإتمام صفقة التعاون المشترك بينهم

وفى الوقت نفسه أفصح مسؤول إسرائيلى رفيع المستوى عن إستعداد بلاده لإمداد الشعب الفلسطينى الشقيق بكل ما يحتاجه لحياة سعيدة وآمنة

وعلى الساحة المحلية ظهر اليوم ولأول مرة على شاشة التليفزيون المصرى إعلان مشترك لشركتى إتصالات وموبينيل فى إطار الإتفاقية المنعقدة مؤخرا بين الشركتين وربنا يديم الخير على الشعب المصرى


إلى هنا انتهى موجز الأنباء
دمتم بصحة وعافية وإلى اللقاء فى تقرير إخبارى جديد

نرجع بأه لأحداث الفيلم

كان يستحسن إنى اسميه " ضحكت عليكم "

هو أنت فاكر أن عدوك ممكن ينفعك

تبقى غلطان لو كنت صدقت اللى اتقال فى موجز الأنباء ممكن يحصل فى يوم من الأيام

الخطبة دى شماتة في أهل النار وفى خيبتهم التقيلة

ورسالة لينا علشان ناخد بالنا من دلوقت

وعدين .....,

ربنا وعدنا بمغفرة منه وفضل بس شوية مجهود وتضحية

وخد بالك أنت مش هتضحى بشئ غالى

أنت هتضحى بأحقر وأذل شئ " الدنيا " من أجل أعظم شئ " الآخرة "

يعنى عرض مستحيل حد يرفضه

واللى وعدك " ملك الملوك " سبحانه وتعالى

الذى بيده كل شئ

يعنى وعد مش من فراغ

الوعد التانى :

وعدالشيطان الخدعة الكبيرة

وعدك بالسعادة

وشغلته فى الدنيا يزين لك الدنيا ويحليها فى عينيك

بمزيد من الحرية يعنى من غير تضحية أصلا

بالعكس ده فتح لك الباب على البحرى

تعمل اللى نفسك فيه

والمقابل شئ هو أصلا لا يملكه

وفى نفس الوقت هيخليك تخسر أعز ما عندك

هتخسر نفسك

وهتفقد العلاقة ما بينك وما بين ربك

يعنى صفقة خاسرة بكل المقاييس

امال ايه اللى خلانا نشترى منه

احنا نظرنا للصفقتين صفقة الملك الرحيم وصفقة الشيطان الرجيم من ناحية الثمن بس

لكن عمرنا ما نظرنا للسلعة اللى هنشتريها


عمرنا ما فكرنا إننا بمشينا فى طريق ربنا بالرغم من التضحية والتنازل عن بعض الشهوات والرغبات إلا إن النهاية

جنة عرضها السماوات والأرض

ونوال رضاه سبحانه ونتمتع بالنظر إلى وجهه الكريم ونكون عنده من المقربين

وعمرنا ما فكرنا إن نهاية طريق الشيطان شماتة وغل

تأمل معى فى الآية :

" وَمَا كَانَ لِيَ عَلَيْكُم مِّن سُلْطَانٍ إِلاَّ أَن دَعَوْتُكُمْ فَاسْتَجَبْتُمْ لِي "

ما ضربتش حد فيكم على ايده

اللهم نجنا من النار ومن عذاب النار

" فَلاَ تَلُومُونِي وَلُومُواْ أَنفُسَكُم "


محدش يلومنى

ما أنتم كنتم عارفين

اللى هيحصل والطريق كان مرسوم قدامكم

"مَّا أَنَاْ بِمُصْرِخِكُمْ وَمَا أَنتُمْ بِمُصْرِخِيَّ "

لا أنا هانفعكم ولا أنتم هتنفعونى

قضى الأمر خلاص


شخصية غريبة جدا سبحان الله العظيم

عارف أنه غلط ومصمم ومتكبر ومتجرأ على ربه سبحانه وتعالى

ومش مقصر خالص فى الوصول إلى هدفه وإغواء البشرية جميعا

بس الأغرب

لو إحنا مشينا فى سكته وعارفين إننا ماشيين فى طريق مسدود

وكملنا ؟

أى عقل يقول كده ؟!!

أى عقل اللى يرفض طريق الإلتزام

طريق النور

وهو عارف أنه مالوش نجاة إلا فى السكة دى؟

دعوة يا جماعة

علشان نفوق كلنا

دعوة ليا أنا قبل ما تكون ليك

كلنا فى مركب واحدة ومحدش أحسن من حد

جعلنا الله وإياكم من الذين يستمعون القول فيتبعون أحسنه



همسة .....,
إنى أرى لك عقلا لا يُسْلِمْكَ إلا إلى خير










[/align][/cell][/tabletext][/align][/align][/cell][/tabletext]

تسلمين ريماس كنت لم اكمل الموضوع بعد

چزآگ آلله آلف خير على هذآ آلطرح آلقيم
وچعله آلله فى ميزآن آعملگ
دمت پحفظ آلرحمن
إحترامي

[/align]

[/cell][/tabletext][/align][/align]

و اياك اخي اسير الشوق