منتديات وهج الذكرى - قصيدة الوداع 💔

منتديات وهج الذكرى (https://www.wahjj.com/vb/index.php)

- وهج الأبيات و الشعر (https://www.wahjj.com/vb/forumdisplay.php?f=68)

- - قصيدة الوداع 💔 (https://www.wahjj.com/vb/showthread.php?t=12985)

غريب الأطوار

08-01-2014 01:06 AM

قصيدة الوداع 💔

عذلت نفسي مير ما طاوعتني
عن حبها والنفس تتبع هواها

لي من نهيت النفس عنها عصتني
تقول لي مابي حبيب سواها

هي غايتي هي منوتي مالكتني
هي لي هوى نفسي وغاية مناها

احبها لو انها لوعتني
واغلي اهلها كلهم من غلاها

ما انسى ولا انسى يومها وادعتني
واغضت بعين دمعها قد غشاها

تقول كله منك ما جاملتني
تذكر خطاي ولا تقر بخطاها

دايم تمنيني ولا قد عطتني
ولا جت تبي تعطي منعها حياها

وان جيت ابطلب سلهمت وسفهتني
وبان الخجل فيها وزود حلاها

ماهيب تبعدني ولا قربتني
ووعودها واجد قليل وفاها

ما ودي ازعلها وهي ظالمتني
وراحت حياتي كلها في رجاها

ودي بها لكن عنها حدتني
ناس عجزت اليوم لأدرك رضاها

ريماس

08-04-2014 06:10 AM

ما شاء الله تبارك
قصيدة رائعه
صح السان قايلها وسلم ناقلها
غريب الاطوار
الله يعطيك العافيه

مي محمد

08-04-2014 09:09 AM

رغم الم الوداع الا انها رائعة

شمس الاصيل

08-05-2014 01:48 AM

من اجمل قصائد الوداع

بالرغم من كرهي لهذه الكلمه الا ان الظروف احيانا تكون اقوى من كل شيء

رافقتك السلامه في كل خطاويك اخوي غريب الاطوار

الساعة الآن 05:03 PM بتوقيت الرياض