 |
منتديات وهج الذكرى
(https://www.wahjj.com/vb/index.php)
- وهج للاخبار
(https://www.wahjj.com/vb/forumdisplay.php?f=105)
- - مقتل أربع سيدات وإصابة ست أخريات في انقلاب «لاندكروزر» تقوده إحداهن بالثمامة
(https://www.wahjj.com/vb/showthread.php?t=2250)
مقتل أربع سيدات وإصابة ست أخريات في انقلاب «لاندكروزر» تقوده إحداهن بالثمامة
مقتل أربع سيدات وإصابة ست أخريات في انقلاب «لاندكروزر» تقوده إحداهن بالثمامة
الرياض – مناحي الشيباني لقيت أربع سيدات حتفهن وأصيبت "6" أخريات في حادث انفلاب سيارة "لاندكروزر" كانت تقوده احداهن في منطقة الثمامه شمال الرياض. مساعد الناطق الإعلامي بشرطة منطقة الرياض الرائد فواز الميمان أكد الحادث وما نتج عنه من وفاة النساء الاربع وإصابة الست الأخريات. وقال في بيان لشرطة الرياض: إن الحادثة جاءت نتيجة لارتطام سيارتهن بعقم ترابي في منتزه خاص في منطقة الثمامة شمال شرق مدينة الرياض، وقد باشرت الحادث فرق من إدارة مرور منطقة الرياض، وبين نائب المتحدث الرسمي باسم شرطة الرياض أن الجهات الأمنية اتخذت إجراءاتها اللازمة حيال هذه الحادثة. |
لاحول ولاقوة الا بالله
الله يرحم من توفى ويشفى المرضى شكرا شمس على الخبر |
مصادر مؤكدة وشهود عيان يقولون :: 1:: الفتاة التي كانت تقود السيارة كان عمرها 19 عاماً 2:: المخيم مخيم خاص 3:: اكثر الفتيات المتوفيات حافظات للقرآن الكريم وكن يرتدن مدرسة تحفيظ سوياً 4:: مانشر غير صحيح بأن عدد المتوفيات اربع بل المتوفيات هن خمس فتيات 5:: الحادث وقع قبل المغرب الا ان الدوريات الامنية لم تباشر الحادث الا فجراً 6:: الاهم بعد هذا الحادث هل مازالت الفكره عالقة لدى فتياتنا بضرورة القيادة ؟ |
شوف شمس الاصيل بالنسبه للفكره مازالت هههه
تعرف ليه لانه مكتوب لهؤلاء الموت في هذه اللحظه سوى بالسياره او غيرها الموت واحد ولو تعددت الطرق يعني كان ماتت مع اخوها ابوها السواق ياخي خلونا نسوق السيارات بدل مانقولكم ودونا وانتم تقولوا تعبانين مالنا خلق هههههههههه وبدل السواقين الي جننونا والله مابقي الايتامروا فينا الهنود |
طيب كم سؤال على السريع لو سمحوا ::: انتِ راح تسوقي بأمانه ابي الجواب ؟؟ زوجك راح يسمح لك تطلعين بلحالك ؟؟ وش راح تسوين لو صار لك بنشــر او تعطلت السيارة بشارع مهجور ؟؟ جاوبي على الاسئلة وبصدق وامانه |
انتِ راح تسوقي بأمانه ابي الجواب ؟؟
ايوة وبامانه زوجك راح يسمح لك تطلعين بلحالك ؟؟ ليش مايسمح ماني اروح مع السواق ولحالي والاغلبيه كذا بعدين هو في البدايه بيقول لا بس مع الوقت بيصير شي عادي طبعا اكيد في الليل ماراح يسمح يعني بيكون لي وقت محدد بالكثير 8 بالليل بعده صعب عليه وهو ماراح يرضى وش راح تسوين لو صار لك بنشــر او تعطلت السيارة بشارع مهجور ؟؟ ماراح ادخل الشارع المهجور لان مشاويري بتكون محدده ومعروفه الاماكن الصعبه او المهجوره باحاول اتحاشاها |
هذه الايام لا نسمع سوى عن حوادث الطرق .. رحم الله من توفي منهم .. شاكره لك مشرفنا شمس الاصيل لايراد هذه الحادثه المؤسفه .. وهذه المناقشه التي تصب عن قيادة الفتاة للسياره بحاجه لموضوع منفصل عنـه .. |
صح وهج بس تعرفي هم حطوا السبب في قيادة المراه
وهذا الله كاتب على هؤلاء النساء بالموت بهذه الطريقه انا هذا الي ابغى يفهموه |
اقتباس:
امووله ولكل البنات وربي الستر مافي ازين منه والخروج من الرجل احسن بكثير من لحالكم وهذول من الواضح انهم كانوا في تمشيه وغلطه ابوهم اعطاهم السياره من غير مايكون معهم وصار الإصار عليهم فلا تخلونا ننحرم منكم وفكروا فيه صح امي وام امي مافكرت إلا في بيتها واعيالها ايش لكم في الشارع وهم الشوارع |
نواف بعض كلامك صحيح
بس والله ياخوي ان اغلب النساء متمرمطات مع السواقين لاتقولي عشره عمر وخرابيط باقولك شي بعض صديقاتي معاهم سواق تصدق بالله ان السواق ماخذ مكان الرجال بكل شي الا عاد دخول البيت يعني الخلوة فينا فينا اما مع السواق او من غيره الرجال الان مو زي الرجال زمان اصبح اتكالي شوف انا اركب مع سواق وليموزينات خاصة برجعتي من الدوام وتعال شوف الاستغلال غير كذا نفسه بخشمه كأنه هو الي بيعطيني فلوس يعني لو عندي سيارة مو احسن من المرمطه بما ان الرجال الزمن هذا معاد له دور الا مارحم الله اما بالنسبه للطلعه في الليل طبعا هو يوديني وش وراه ههههه بعد يحمد ربه باعطيه سيارتي ههههههه والله يااخواني انا مو مع السواقه بس الظروف الي اشوفها من صديقاتي اقول هذا الكلام والقهر من الازواج بعض الاحيان لما يقولوا مافيه طلعه طيب باقولكم شي الان زوجي بالعمل وانا بالبيت يعني لو اني اسوق السياره ماكان طلعت تمشيت في هذا الجو الحلو او رحت السوق اقضي اغراضي احسن من الطقه على النت هههههههههههههه اخيرا الله يخلينا لكم ويخليكم لنا هذا المهم صح احنا مثل الملكات تنفذوا اوامرنا وتجيبوا اغراضنا الله لايحرمنا منكم |
| الساعة الآن 03:26 PM بتوقيت الرياض |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By
Almuhajir
new notificatio by 9adq_ala7sas
دعم فني استضافه مواقع سيرفرات استضافة تعاون