منتديات وهج الذكرى - ضيقت خلقي وضاقت فيني اثيابـي !!

منتديات وهج الذكرى (https://www.wahjj.com/vb/index.php)

- وهج الأبيات و الشعر (https://www.wahjj.com/vb/forumdisplay.php?f=68)

- - ضيقت خلقي وضاقت فيني اثيابـي !! (https://www.wahjj.com/vb/showthread.php?t=43295)

ملكة الحنان

08-17-2022 08:53 AM

ضيقت خلقي وضاقت فيني اثيابـي !!

ضيقت خلقي وضاقت فيني اثيابـي !!

في داخلـي جمرلكـن مـا يدفينـي
من يشعل النار في صدري ويدفابي !!

من يجمع الغيـم بيدينـه ويسقينـي
واصب عيني لعينه واحطـب اهدابـي

من ياخذ النوم من جفني ويسرينـي
ويعلق الصبح قبل اصحى على بابي!!

تعبت اوطّن بقلبي شخـص ينفينـي
تعبت اهجّر حمامِ حـب محرابـي !!

تعبت اقطّف حروفي مـن بساتينـي
والناس تعجب وانا مانلت اعجابي !!

يا اول الحـب وينـك او انـا وينـي
تغيب عني كأنـك تعلـن اغيابـي !!

من غبت عني وانا والله مـا ابينـي
ضيقت خلقي وضاقت فيني اثيابـي !!

اعد عمري الحقيقي واحسب سنينـي
لقيت عمري معك ما جاوز اتعابي !!

طلبت قلبي وقلت ابشر ومن عينـي
واعطيتك اللي تبيه وقلت بسبابـي :

يبذربي الحب من صغـره ويجنينـي
الين شفتك زرعت الموت بترابـي !!

حريتي معك ! لكن عطنـي ايدينـي
اخفي بها حزن متسلطن بهدابـي !!

محتاج انـام ودخيلـك لا تصحينـي
الا على انفاسك اللي تشبـه اطيابـي

للشاعر محمد الوبير

اميرة الحب

08-17-2022 03:10 PM