نصائح مفيدة لست الكل
 

❣️تعرفى ان السكر لو فركتيه فى ايدك بعد ماتأكلى سمك او تقشري توم بيضع الريحة من ايدك تماما
معلقة صغيرة سكرة عليها نقطتين سائل مواعين وافركى ايدك واغسليها وشمي👃🏻 وادعيلى 🙏🏻
❣️فى فنجان صغير حطى معلقة كربوناتو وعليها عصير ليمون هيفور خدى الرغوة على فرشة الاسنان وادعكى اسنانك بيها ودى وقت اللزوم مش دايما علشان غلط وشوفى فرق البياض سنانك هتنور
وعن تجربة من اول مرة ☺️
❣️لتنظيف المراوح او المرايات او الشفاط
فى بخاخة اخلطى كربوناتو وخلو ورشية وامسي بفوطة واتفرجى على اللمعان
لو دهون الشفاط رشي كربوناتو الاول وسبيه خمسة وبعدين رشى الخلطة بتاعتك وسيبيه خمسة واغسليه بالليفة وشوفى النضافة ✨
❣️تعرفي ايه سر ان اكل امهاتنا وجداتنا كان طعمه مميز وجميل
السر في النار الهادية
لما بتسوى الاكل على نار عالية بيفقد كتير من قيمته الغذائية ده اولا ثانيا بقي لما بيستوى بسرعة بيفقد العصارة اللى فيه وبالتالى بيفقد كنير من طعمه
سوى الاكل على نار هادية هيبقي اطعم واحلى 😋 والذ الذ الذ
❣️لما تفرمى التوم علشان تخزنيه ماتحطيهوش فى علبة حطيه فى كيس من اكياس الثلاجة وافرديه كويس واطبقي الكيس وبضهر السكينة قسميه مربعات على اد الاستخدام وجمديه
لما تيجى تستخدميه مش هتحتاجى تفكيه كل اللى عليكى تقطعى المربع بس
وممكن تعملى كدة مع الملوخية كمان هتبقي اسهل كتيييير😉
🌼لو عندك قميص بتاع جوزك مغلبك فى المكواة
بخيه ووطبقيه مبروم وحطيه فى الفريز نص ساعة وطلعيه اكوية ولا اسهل😉
🌼 استخدمى الشرابات النايلون القديمة فى تلميع الزجاج والمرايات هتشوفى احلى نضافة 👌🏻
🌼لو عايزة تتخلصي من ريحة الاحذية 🤢
حطى فى الحذاء بودرة تلك او كربوناتو او بيكنج بودر بيمتص الروايح 👌🏻
🌸 لما تيجي تعملى اى معجنات حطى السوايل كلها الاول وبعد كدة ضيفى الدقيق شوية شوية
لغاية ماتظبطى العجينة
لان الدقيق ساعات بيختلف من نوع لنوع نوع بيشرب المية كتير ونوع لا
لو فى الوصفة خميرة وملح ماتحطيهومش مع بعض حطى الخميرة مع السكر فى الاول وبعدين لما تضيفى الدقيق ضيفى الملح علشان مايأثرش على نشاط الخميرة

رد: نصائح مفيدة لست الكل
 

أختي
وارفة البيان
يعطيك العافيه على هذا الطرح الجميل
موضوع في قمة الروعه لطالما كانت مواضيعك متميزة
دمتي بود
وفي صحه وسلامه

رد: نصائح مفيدة لست الكل
 

وارفة


سلمت أناملك على جميل طرحك والإفادة
ويعطيك العافية لطيب الجهد وتميز العطاء
ما ننحرم من فيض عطائك وإبداعك
مع ارق تحية
لقبك الفرح
كنت هنا اميرة الحب

http://www10.0zz0.com/2022/08/01/17/405988173.gif

رد: نصائح مفيدة لست الكل
 

سلمت أناملك على الطرح المميز
ويعطيك العافية على المجهود المبذول
ما ننحرم من فيض عطائك وإبداعك

رد: نصائح مفيدة لست الكل
 

منورين حبايب
اشكركم 57:

رد: نصائح مفيدة لست الكل
 

تسلم الايادي على الطرح الرائع والمميز والجميل والمفيد والقيم

يعطيك الف عافيه حبيبتي وارفتي اللذيذة والرائعة الطيبة

رد: نصائح مفيدة لست الكل
 

شكراً جزيلا ع المجهود الرائع
بإنتظار القادم بشوق
تحياتي والورد

رد: نصائح مفيدة لست الكل
 

بارك الله فيك على الموضوع القيم والمميز، وفي انتظار جديدك الأروع والمميز.. لك مني أجمل التحيات، وكل التوفيق لك يا رب.

رد: نصائح مفيدة لست الكل
 

كل شكري وتقديري واحترامي ومحبتي لك اختي الكريمه والغالية وارفة البيان على هذه النصائح القيمه والمفيدة