القلوب البيضاء تبقي كما هي
 

القلوب البيضاء تبقي كما هي

يوم هبّ الوقت وأعماني عجاجه
الفرج عيّا .. وأنا بالصبر راهي

ويوم مال وطال ميله وأعوجاجه

رحت أدوّر شي ٍ يشد إنتباهي

وشفت زولك مقبل ٍ مثل إنفراجه

كنّه اللي جايبٍ عزّي و جاهي

ياه ياضيقات صدري وإبتهاجه

تذكر آخر مرة ٍ شفتك ..متى هي !!

صاحبك من يومها زاد إحتياجه

وأمتطى ظهر المصايب والدواهي

سولف الليله على قلبي و ناجه

من بقى لي غيرك أفخر به وأباهي

يابعد من كدّر غيابي مزاجه

ويابعد من مرّت حروفه شفاهي

رغم حيرة قلبك ورغم إنزعاجه

الزمن .. ماغيّر احساسه تجاهي

ورغم وحشة بعدك وقسوة سياجه

كل حاجه فيك ظلّت مثل ماهي

الخجل في وجهك أول مـ نتواجه

والبراءه في عيونك وأنت ساهي

وبسمتك لامن بغيت تقول حاجه

وغيرتك لاشفت كنّي عنك لاهي

قبل أشوفك .. والزمن عاقد حجاجه

أسأله : وش فيك ؟ وألقى العذر واهي

ويوم شفتك قلت للوقت وعجاجه :

هيه ياللي في طعونك كنت راهي

أنت لو غيّرت فينا ألف حاجه

القلوب البيض تبقى مثل ماهي

رد: القلوب البيضاء تبقي كما هي
 

BosiCat
كلمات في غاية الروعة
صح لسان شاعرها وتسلم يد ناقلها
سلمت أناملك على جميل طرحك
ويعطيك العافية لطيب الجهد وتميز العطاء
ما ننحرم من فيض عطائك وإبداعك
مع ارق تحية
لقبك الفرح
كنت هنا اميرة الحب

http://www8.0zz0.com/2022/12/05/09/858631816.gif

رد: القلوب البيضاء تبقي كما هي
 

الأبيات جداً جميلة
وإنتقائك رائع جداً
لروحك سعادة لا تنتهي

رد: القلوب البيضاء تبقي كما هي
 

قصيدة جميلة جداً
صح لسان شاعرها، وسلمت يد ناقلها

كل التحية

رد: القلوب البيضاء تبقي كما هي
 

كل الشكر لك ولجهودك
أرق التحايا مع الورد