( اشوفك ) حادرن بايع .. خيام(ن تجمع المقسوم
ياكم ضيف(ن يمر يلقى .. ( غيابك ) كافي الدلّه
عقب ( قرعت ) فناجيلك.. هجيرك كوم وبيعك كوم
وأنا مبغى أبد غيره .. ( سؤالي ) هاذا و اتحلّه
انا ودّي ولا.. ودّي..!! ( سؤالي ) حاير(ن يالقوم
أشوف الغمّ يطوي بك .. ( حجاجك ) فتره مافلّه
ترد النفس ضيق الناس.. لاصار من السؤال ( علوم )
إذا تقبل سؤالي ( انت ) !! .. ترى غيرك حشى ملّه
ماودّه فالسؤال فصال .. ( يهابه ) والجواب لزوم
( أخاشر ) في تفاصيله .. تطيح ( اوراقها ) العلّه
عسى المانع يدسّم لك .. ( شوارب ) للفحال قروم
لاتشكي من غمامت ( ضيم ) .. بتمطر لك من الغلّه
ارد يمّك وانا ( شايل ) .. ثقيل(ن من عطيا ( سلوم )
( ماداني ) تلمحه عيني .. ( طريح ) الباس ماشلّه
أنا ادري مآيخفى (شي ).. كتابك وضّح ( المهدوم )
ابي ( تبني ) ولاتشنى ... ( يمينك ) تكره الذلّه
ترى غيرك تصلفق من .. ( قرابا ) النفس به مصدوم
لايرجى من ( عذوله ) لو .. بلال الريق ( مابلّه )
رمى ( همّه ) ولاهمّه .. ركام(ن من بطا ملموم
تزاحم مع شقى جوفه .. على ( المنكوس ) بس تلّه
إذا ( وجعك ) غدا بطنك .. ياوين من الدوا ( مقسوم )
ياكيف اتصير ( متعافي ) !!.. ذارف العين بس هلّه
اذا طبع القسا ( عانق ) .. فضا كونك ابد بس نوم
( عوينك ) ربنا خالق ... فضا كونك ملك ( كلّه )
وإذا عض الوفا ( صاحب ) .. مايمرح فالحياه لو يوم
عجاج الريح ماتدرق ... حشى ( مايهَجِدّه ) لله
معد باقي ياحيي ( شي ) .. نحاسب بعضنا ( ونلوم )
حساب الرب ( اعسَرّ ) من .. حساب الخلق عالملّه
لاتجعل من مضاقك خي !! .. ( نديمن ) بالمسا لك توم
توّكل و( ارمي ) بحملك .. مثيلك يغفر ( الزلّه )
..
.