منتديات وهج الذكرى - عرض مشاركة واحدة

02-13-2013

ابتهال ديني ((ياألهي)

طـول ليـل البارحـة وآنـا اتفكّـر بالخلايـق

وآتأمـل عجبـة الكـون وجمالـه واتسـاعـه

وآتساءل كيف هـذا الكـون متناسـق ورايـق

وآتعاظـم قـدرة الخـلاق واخشـع لابتـداعـه

وتتجلـى حكمتـك يـارب وتـبـان الحقـايـق

وكل م(ابحر) في عظمٌتك زدت خوف وزدت طاعه

ياألهي....والجـوارح خاشعة..والدمـع سايـق

والفرايص ترتعد ..والخوف.. يلوينـي ذراعـه

ياألهـي مالقيـت لفرجـة الكـربـة طـرايـق

إلا وآنا بين اديك ورافـع (ن) كـف الضراعـه

عبدك اغوته الحياة ..وجا..يجـر الذنـب تايـق

تايـق لعفـوك يربـي وتايـق تثّبـت طباعـه

عبدك اللي ماترك فرض(ن) وسنّه.......ولاتوايق

في عيوب الناس...ويناجيك..ويصلـي جماعـه

ياألهي كـل مااحـس بٌطريـق العيـش ضايـق

التجي لك مالتجـي لغيرك..وانـا كلـي قناعـه

وتنفرج لي وتصبح الدنيـا مثـل ورد الحدايـق

لكن النفـس تأمـر بالسـوء واحيانـاً مطاعـه

ربي لاتجعل مَابيٌنـي وبيـن مغفرتـك عوايـق

وانثر بقلبي ضيـاء الديـن وبروحـي شعاعـه

طالبـك لاجـا نذيـر الموت..تمهلنـي دقـايـق

للشهادة..وهـوّن السكرة..وألهمنـي الشجاعـه

ربي بجاه الحبيـب المصطفى...سيـد الخلايـق

تغفر ذنوبي..وتجعل لي علـى ايديـه الشفاعـه