الصبْح ...والجرْح ... و أنا ... و انتظارك
على كُفوف الغيم .. ننتظْرِك ... هْنآك

يمرّ فينا ... \ فوقِ ... شبّآك دآرك
ياليت تفتح .... لهفة الغيم ... شبّآك

هذااك .. داخل درفتينه ... \ نهآرك
وبرا ظلاام .. وخوف.. واحزان ... و اربآك

على الأقل .. ألقى بقآيا .. \ غبآرك
ارحم من اني اجلس سنين .. مَ القاك

داخل ..\ صوَرْك اللي حضنها ..جدآرك
لوحاتك .. عْطورك ... دفاتِرْك .. فوضآك


يااخي كفااايه بُعد .... \ ارحم صغآرك
عصفورتينك .. ( طفلتك ) .... باقي اشياك

كل شيّ .. في [حفل انتظآرك ] يشارك
وكل شيّ .. يحمل شيّ منّك .. لِذكراك

طريقك..و أزهآر بيتك .. و جآرك
جامعْتَك .. اهلَك ... ذكرياتك .. و مقهاك

الكل مُحبط ... \ من قساوة قرآرك
والكل فاقد ... كلّ حااااجه ... \ بليّآك

سافرت .. والحزْن ارتمى في مطآرك
شفَه ....\ ايلين اليوم .. يلثم بقايآك

وشفني أمرجح غصْن .. تبْعد ثمآرك
قلّي :: متى ..\ بآمرجح الغصن والقاك ..؟

الصبح طآح.. وإمتلى صبح ... دآرك
وناديت : يا شبّآك ...\ ما رد شبّآك !

تدري وش اصعب من : [ أنا بانتظآرك] ..!
ان انتظآرك نفسه : يْموووت يبغاااك!

المواضيع المتشابهه:

• طائر الشبح
• الصبح
• الصبي والمسامير
• المشاعر والجرح