06-25-2013
|
|
|
جعلتني ابكي
الهـيبة ضاعت مع الرجـولة 000 وأتـقـل مقدارى
أرضى وعايش فى وطنى 000 والدار مش دارى
داسها الأنجاس حفدة الخنزير 00 أولاد الحوارى
من بعـد عـز ومجـد أجـدادك 000 سـرنا جـوارى
أرخى خمارك فوق جبينك 000 ياصبية وأتدارى
القـيادة والـريادة كانت لنا 000 من هـنا نابعـين
كان عندنا عمر المختار وعمرو , وصلاح الدين
جميلة بنت بوحـريد 00 وكتير أحـرار وفـدائيين
العروبة والقومية واراها التراب من زمن وسنين
أرخى خمارك فوق جبينك 000 ياصبية وأتدارى
كنا الأسياد وملوك العالم وعزوة 000 بدون فخر
ما جار علينا فى يوم ظالم معتدى 00 مدى الدهـر
الا وذاق العـذاب مع المرار ألـوان 000 علقم ومـر
لما كنا يـد واحدة , وحـدة واحـدة 000 وعـزم حـر
قال صهـيون فـرقـهـم تـسـودهـم 000 وكان الأمــر
أرخى خـمارك فـوق جبينك 000 ياصبـية وأتدارى
أبويا نايم فى العـسل عمال يقول000ياعم أنا مالى
مادام الضـرب بعـيـد عن أرضـى 000 أنا وعـيالى
الواد يقوله يا با ألحق أخوك وولاد00 عمى وخالى
بكرة يخلصوا عليهم وييجى علينا 00 الدور طوالى
وأب ينكر ويستنكر ويدين ولا يخشى 00 ولا يبالى
أرخى خـمارك فـوق جبينك 000 ياصبـية وأتدارى
عملونا كلنا نعاج وخـراف 000 وللعـيد أضحـية
يسكتونا بحزمتين برسيم وحبة فول فوقهم هدية
لأجـل ما الكل يكش ويخـاف 000 ويبيع القضية
قالوا أضرب المربوط تسوق 000 باقى الرعية
وفى صباح عيدنا الكبير ضحوا 00 بأسد البرية
أرخى خمارك فـوق جبينك 00 ياصبية وأتدارى
جايز يكون الأسد مش أسد 000 ولا حتى قطة
عملوه أسد وعاش الدور بحبتين بكش وأونطة
لو كان بأيدك أنت يا أبن عمى 000 دى اللقطة
وذاع خبر موته على الشاشات 00 بكل محطة
كان أشـرف لك ولأهـلك بدل 000 زلـنا العـارى
أرخى خمارك فـوق جبينك 00 ياصبية وأتدارى
بس الأسد كان أسد درغام 000 وعنده كرامة
مهما قالوا عليه من كلام 000 صاحب شهامة
كان طبعه من شـيم الـكرام 000 اللهم لا ملامة
ساوموه ع الذل يايشيل العار 000 ولاد اللئيمة
سجل يا تاريخ العرب للعالم 00 أغتيال الزعامة
أرخى خمارك فـوق جبينك 00 ياصبية وأتدارى
رفـض الذل والعـار بأفتخـار 00 وأصرار وعزيمة
قال بكل أقتدار حياة بدون كرامة 00 مالهاش قيمة
عاش أسـد ومات أسـد بـكت عليه 000 كل اليتامى
وقعد على الوتاود شر البقـر 000العبيد والجـوارى
أرخى خـمارك فـوق جـبـيـنك 00 ياصـبية وأتدارى
المواضيع المتشابهه:
|