منتديات وهج الذكرى - عرض مشاركة واحدة

10-29-2013

نادر:- مش هتصدقوا شوفت ايه النهاردة
سامى:- ايه ؟
نادر:- شوفت شلة لبنى كلهم ومعاهم بنت جديدة
تامر:- وايه يعنى
نادر:- شاهيناز لابسة خمار دى شفتها من زمان وليليى يا سامى لابسة طرحة طويلة ولبس واسع وبنات الشلة كلهم لابسين لبس محترم ومعاهم بت جديدة معرفهاش منقبة لاء وايه كمان شوفتهم فين شوفتهم وهما داخليين المصلية فى الظهر وشوفتهم وهما خارجيين بعد الصلاة
سامى:- ليلى؟! هى خرجت من المستشفى وبقيت كويسة وبتروح الكلية
نادر:- اه شكلها كويسة ومش تعبانة ولا حاجة
سامى:- ليلى لابسة طرحة طويلة ؟! معقول وكمان بتصلى الظهر وفى مصلية الكلية ؟! معقول؟
نادر:- اه والله
براء:- يا اخى ان الله يهدى من يشاء لا تستغرب ان يتوب احد او يهديه الله
سامى:- طيب يلا يا براء علشان معاد حصة القران
براء:- ماشى يلا يا رجالة ها حفظتوا ولا اجيب الفلكة
نادر:- انا حفت يا شيخ
تامر:-وانا حفظت يا شيخ
عامر:-وانا كمان حفظت
سامى:- حفظت يا شيخ براء يلا سمع علينا واقرا لنا الجديد
براء:- تحبوا نقعد فى مسجد النادى ولا خلينا مكانا هنا
نادر:- تعالوا فى المسجد

تانى يوم
سامى:- تعالوا نطب على الواد نادر فى الكلية بما انه مش هيجى النادى النهاردة
براء:- يلا يا رجالة وبالمرة نحط كام كتاب فى المصلية بتاعتهم وناخد شوية ورق نوزعهم
سامى:- هنوزع منشورات يا معلم
تامر:- لو كان زمان كان زمانا اتقفشنا وروحنا فى داهية
عامر:- ورق عن ايه هنوزعة
براء:- عن الصلاة

فى الكلية
سامى:- نتصل بيه ونعرف هو فين؟
براء:- لا خليها فجأءة كدا يلاقينا فى وشة يتخض
عامر:- تعالوا نروح المصلية

وهما داخليين المصلية شافوا شلة ليلى ونظر اليها سامى(خطيبها السابق ) وقد راته هى

نادر:- ايه دا انتوا ايه اللى جابكوا هنا
براء:- هى دى مقابلة تقابلنا بيها
نادر:-نورتوا بس مستغرب جايين ليه
سامى:- جايين نطب عليك ونقفشك
براء:- خد الكتب دى حطها فى المصلية وخد الورق دا وزعة
نادر:- هوزع منشورات عشت وشوفت اليوم اللى اوزع فية ورق دينى يا ولاد
براء:- خد ياض يلا سلام احنا بقى
سامى:- سلام يا نادر وزع حبيبى وزع

يا ترى سامى بعد ما شاف ليلى وهى متغيرة وهى شافتة وهو متغير يا ترى ممكن يحصل ايه

ليلى فى البيت بالليل اتصلت بشلبية
شلبية:- سلام عليكم يا ليلى
ليلى:- وعليكم السلام ... شوفتى سامى النهاردة
شلبية:- ايوة شوفته لما كان مع اصحابة وهما داخليين المصلية اكيد كانوا جايين لنادر
ليلى:- شوفتى شكلة اتغير وباين عليه التزم زى نادر
شلبية:- احتمال وخصوصا ان معاهم واحد كدا شكلة ملتزم جدا واول مرة اشوفة فى الشلة
ليلى:- تفتكرى ممكن يرجع لى تانى؟
شلبية:- بصى يا حبيبة قلبى الارزاق بيد الله لو هو نصيبك ورزقك مش هياخد حد غيرك ولو انتى نصيبة محدش هياخدك غيرة متشغليش بالك سيبى التدبير من عند الله
ليلى:- ادعى بايه؟
شلبية:- ادعى قولى اللهم قدر لى الخير حيث كان وارضنى به ادعى اللهم ارزقنى الزوج الصالح الى ترضاه لى وتختارة لى ادعى اللهم اختر لى فانى لا احسن الاختيار
ليلى:- يارب
شلبية:- حبيبتى ثقى بالله فى اختيارة وقضاءة فهو رحيم فى قضاءة كريم فى عطائة
ليلى:- ادعيلى ماشى
شلبية:- حاضر
ليلى:- يلا سلام عليكم ورحمه الله
فى الكلية تانى يوم كان عندهم امتحان
وداخل اللجنة بسمة رأت احد ابناء الدكاترة الكبار يغش فى الامتحان من ورق كاتبة
بسمة نادت على المراقب وقالت له ان فهمى يغش من ورق فامسكة المراقب وعلم على ورقتة ودبس الورقة اللى بيغش منها فى ورقة الامتحان
وتم تحويلة للتحقيق
وبعد انتهاء الامتحان نادى هذا الشاب على بسمة وهى خارجة من الامتحان
فهمى:- يا بسمة على فكرة انسى انك تنجحى السنة دى نهائى ابويا هيسقطك ولو فاكرة انك هتفلتى بعملتك السودا دى تبقى غلطانة انا هادفعك تمن اللى عملتية دا غالى قوى خليكى قاعدة فى الكلية دى بتاع خمس سنين قدام ابقى قابلينى لو نجحتى
(بسمة نظرت له باستحقار واستهانة وسابتة ومشيت وهى تقول)
بسمة:- مبقابلش اولاد
وبعد كدا قعدت هى واصحابها فى الجنينة تحت
ليلى:- يادى النيلة يا بسمة كان لازم تقولى للمراقب
شلبية:- دا ابوة هيستعندك ويسقطك
حسنات:- وهيسلط الدكاترة يسقطوكى
فتكات:- ليه خبصتى عليه
بسمة:- انا مش خبصت انا شهدت شهادة حق وعملت الصح اللى المفروض يتعمل
الغش جريمة وحرامة ولازم يتعاقب ولا هو علشان قوى ميتعاقبش علشان ابوة دكتور
يعنى لو كان واحد غيرة كانوا بهدلوة
سعدات:- ضيعتى نفسك يا بسمة
ليلى:- انقذى نفسك وروحى اعتذرى له واتاسفى لة وخلية يسامحك هو كدا كدا مش هيعملوا لة حاجة علشان ابوة فعادى مش هيضروة لكن هيضروكى انتى
شلبية:- تعالوا نعتذر له كلنا علشانك ونستسمحة
بسمة:- بس منك ليها ايه الكلام الفاضى دة ........ ربنا هو اللى يقدر يسقطنى او ينجحنى محدش بايدة حاجة غير ربنا ربنا وحدة هو اللى يقدر
لو اجتمعت الانس والجن على ان يضرونى بشئ لن يضرونى الا بشئ قد كتبه الله على ولن ينفعونى الا بشئ قد كتبة الله لى
انا اذل نفسى لبشر ليه وكمان اعتذر لة اعتذر لة علشان غش وانا بلغت عنه اعتذر له علشان هو غلط ايه الذل دا انا لا اذل الا لله وحدة
انا لا اعبد الا الله ومن تمام العبودية والتوحيد ان لا اخاف الا من الله ولا اخاف من اى بشر محدش يقدر يعمل لى حاجة الا الله
لو ربنا مقدر لى السقوط يبقى هيحصل ولو ربنا مقدر ليا النجاح يبقى هنجح رغم انف الجمييع
الله قاهر فوق عبادة عارفيين يعنى ايه قاهر يعنى يقهر الناس على الامر يعنى هيقهرهم وينجحنى الله غالب على امرة عارفيين يعنى ايه غالب يعنى امرة وحدة هو اللى بيمشى.............................الله فعال لما يريد يعنى اللى الله يريدة هو اللى بيحصل
ايه دا حتة مخلوق ضعييف اما انا فاستند الى الله القوى القهار العزيز الملك الجبار القدير لا يستطيع احد ضرى فالله خير حافظ لى والله خير حافظ وهو ارحم الراحمين..........................................

شلبية:- ونعم بالله

نادر مع اصحابة
نادر:- شوفتوا اللى حصل النهاردة فى الامتحان
سامى:- خير ؟
نكمل المرة القادمة وياترى هيحصل ايه لبسمة ربنا يستر