شكراً: 0

تم شكره 42 مرة في 39 مشاركة

و الله ما كان الفراق اختياري
و لا عمري اخترت الوصال و لقيته
و انا اعشقك عشق المطر للصحاري
مهما قسى وقتك علي ما جفيته

ما كان بعدي عنك بالبال طاري
اخترت بعدي عنك منك و رضيته
لو كنت داري بس لو كنت داري
ما اعطيت لك قلبي و حبك مشيته

لو مل من صبري حنين انتظاري
ما قلت ابيك و لا رجوعك رجيته
اذبلت من طبعك ورود اعتذاري
عطشان ذوق و لطفكم ما ارتويته

ليت الزمن يقدر يرد اعتباري
و يبري لهايب قلبي اللي كويته
روّح ما راح الليل و الليل ساري
لو كان مهما كان حبك نسيته