يامرهفَة باحساس بعثر كيَاني
ياغادتي بالحسن مثلك قليله
ياضحكتي والشوق فيني يعاني
منهو يعانق شمعتي وأنطفِيله
ماغير صوتك والحنين إعتراني
والعطر بأنفاس الندى ينتخيله
والفجر لاوشوش بهمسة زماني
ذابت على خده حروفي قتيله
إلا أنت وينك ؟ ياعلامك أناني!
حرك غصون الشوق وأسمع هديله
تعال وأهديلك بقايا حناني
وأنثر لك الأيام ذكرى جميله
وأشعلك كفوفي شموع الأماني
والليل بعناقك تراخى جديله
تعال مااطيق الصبر لو طواني
ومن ذاق حالي بالهوى عزتي له
لا تظلم أقدار الغلا فيك جاني
غرد بلحن الورد وأمسى خليله
عطني عهودك لاحداك وحداني
ذاك الهجير اللي تناثر نثيله
أكون شمسك وأنت لاهان شاني
أبقى ثرى دارك وظلي دليله
اهواك غيم الى مطرك ارتواني
ولا أنت أبد يالحب مافيك حيله
المواضيع المتشابهه: