لا … ما أنتهيت
توي معك يا أجمل العمر أبتديت ..
توي عرفت أن السهر نشوة هوى ..
توي عرفت أن ألهوى عند الحبايب له دوا ..
توي أسجل مولدي يا موعدي بعد الضياع ..
توي نسجت الثوب من هدب الشعاع ..
توي اكتشفت الليل و أسرآر النجوم ..
توي ركبت الخيل من فوق الغمام ..
لا … ما أنتهيت
توي معك يا أجمل العمر أبتديت ..
ياما أشتهيت أدفا على النور البعيد ..
ياما رحلت أشكي على متن القصيد ..
أبحث عن ألأمل و الخيال .. أصور الحلم المحال
يا مجهولي الغالي أبيك ..
يا أحلى أحلامي أبيك ..
يا مطر من غير سحاب ..
يا هوآي اللي حضر بعد الغياب ..
لا … ما أنتهيت
توي معك يا أجمل العمر أبتديت
معك …
هزمت المستحيل .. طاولت النخيل ..
لمست النور .. حبست الظل ..
رسمت الصوت .. لونت الهوا ..
معك … جرحت الليل .. وغنيته ..
لثمت الصبح و بكيته ..
معك ... ناديت ..
معك ... رديت ..
يا صوت الورد … يا ريح القصيد ..
يا ضحكة الماضي الجديد ..
يا أنتِ … يا عمري أنا ..
لا … ما أنتهيت
توي معك يا أجمل العمر أبتديت








من قديمي الجديد
الصقر