اهلا و مرحبا بكم اخوتي
و الحمد لله الذي الهمني التواجد بينكم
بيوم من الايام كان رسولنا الحبيب وسط مجموعة من الصحابة و معه اسامة بن زيد و حذيفة بن اليمان و لكن كان من وسط الناس ال الرسول معاهم مجموعة من المنافقين الخونة و ال ارادوا قتل رسولنا و ده سبب تسمية حذيفة بن اليمان بانه كاتم سر رسول الله انه الرسول اخبره باسماء المنافقين دول و بعد موت الرسول كان سيدنا ابو بكر لما حد بيموت بينتظر يشوف اذا سيدنا حذيفه يصلي عليه و لا لا عشان مش يصلي على منافق
المهم انه يومها رسولنا الحبيب مشي قبل ما يقتلوه و معاه اسامة بن زيد و حزيفة

و ساله سيدنا حذيفة انه طالما عرفت المنافقين ليه مش قتلتهم؟
رد عليه قاله حتى لا يقولوا قتل محمد اصحابه
فكانت الصورة ال حابب انها توصل عن الاسلام اهم
موقف تاني على النقيد تماما كنت بالجامعة و د/ احمد الجرايحي دخل علينا و هو بيحكي قال انه الدكتور بتاعه بانجلترا قاله انا واثق تماما انه الاسلام هو اقرب دين صحيح موجود على الارض لكن لانه مش بيوصلنا منه غير الارهاب ازاي اتبعه ؟
و على فكرة كان فيه ملحن طلع ع التلفزيون و قال نفس الكلام لكن للاسف مش فاكرة اسم الفيديو كنت جبته
نيجي لقصة ثانية كانت لخبيب بن عدي ده كان صحابي اخدوه المشركين و اسروه طلبوا منه انه يترك الاسلام او يقتلوه لكنه رفض و سالوه اذا يحب انه يكون سيدنا محمد مكانه قال لا اامن و يصاب محمد بشوكة و قبل تنفيذ حكمهم عليه بالصلب و الموت طلب موس عشان يحلق شعره
و هو ماسك الموس جاله طفل صغير من اولاد المشركين ففضل يلاعبه دخلت امه عليه لقيته بيلاعبه فطمنها انه مش ممكن ياذيه حتى وهو معاه الموس لا دا كان ممكن يفدي حياته بيه لكنه رفض حفاظ على صورة المسلمين
و على النقيض انتشرت الفيديوهات دلوقت ال بتسئ للمسلمين
فيه صفحة على الفيس بوك اسمها لافتات احمد مطر الصفحة دي كنت من متابعينها بشدة حتى حصل حوار بيني و بين احد الادمينز فيها
لما افتى بجواز قتل الاطفال و النساء الصهاينة المسلمين
و ال للاسف مشفتش ده ابدا بيحصل بامر من رسولنا او قرانا
قولتله انه السلطان سليم الاول في يوم امر بسبب حروب الصلبيين انه ياما كل المسيحيين بدولته يدخلوا الاسلام او يسيبوا البلد

فجه شيخ الاسلام وقتها و قاله لا يجوز

فباي حق بتقول يجوز
رد انها فتواه و انه مسؤول عنها
و للاسف مقدرتش اخد شوت اسكرين للحوار
ال قصدته اقوله في رسالتي هنا النهارده
انه لازم نحاول و نحافظ على صورة الاسلام
ومش تكون عواطفنا لا بالكره و لا بالحب اقوى من تعاليم دينا

[caution]همسة :_لا ارغب بكلمات شكر لكن كل ما ارجوه منكم هو قراءة ما سيحويه هذا الموضوع و تقديم نقدا او اكمال لمعلومة [/caution]
ت




احبكم كثيرا فارجوكم كونوا بالقرب و ساحاول بشكل يومي مالم يمنعني شئ وضع معلومة يومية

23/1/2018