شكراً: 19

تم شكره 68 مرة في 45 مشاركة

[BIMG]http://www.m5zn.com/uploads/2011/5/3/photo/gif/050311150540pqmfoxncrv0q.gif[/BIMG]

..


ارتفع كف الموادع يطوي الشوق بيمينه
يدفن الفرحه بحسره بين احضان الهموم
:
وانزوت دمعات عيني بين اهدابي سجينه
وانخنق صوت الاماني بين عتمات الغيوم
:
كنت ابصرخ لاتفارق لا تخليني حزينه
وانحرق صوتي بقلبي وقلبي ابطبعه كتوم
:
وانكسر غصن الاغاني فوق فرع الياسمينه
وانتثر عطر التلاقي بين ارياح السموم
:
اشهقت فيني شجوني ..صحت يامر الغبينه
ليه وقتي صار ضدي وعكس تياري اعوم!!
:
كانت احلامي قصيده تبدع الشوق وتزينه
وكانت احروفي قلايد تعتلي صدر النجوم
:
لا يغرك زود صمتي روحي ابصمتي طعينه
والجمود الي احتواني مثل ظلي لي يدوم
:
كنت اخاف اليوم هذا واحسب احسابه وشينه
لحظة الفرقا تعادل في حياتي الف يــــــــوم
:
كنت اكابر ثم اكابر وانكر الهم وسنينه
واعترف لك في وداعك مابقى فيني عزوم
:
ياشقى عيني بعيني كل اشواقي رهينه
يا عذابي كل مابي يشتكي جور الظلوم
:
زال طيفك عن عيوني يتبعه قلب وحنينه
والجسد باقي وصامد والحزن فوقه يحوم
: