خايف أشوفك من بعد غيبة سنين
ودي أشوفك .. بس خايف أشوفك

خايف ليا من طاحت العين بالعين
ما أدري أحضنك حيل ولا أطوفك

خايف من الصدفة تنسيني الدين
وعدي لنفسي إني أنسى و أعوفك

خايف أسامح و أنهزم عندك إلين
أطيح في حضنك .. و أقبل كفوفك

تتساقط الدنيا و أهلها من العين
لا صار أمانك أكبر أسباب خوفك

لازال .. حبك نقطة الضعف للحين
من يوم يرسم فالشواطي حروفك

مع كل رنة هاتف .. يخون تخمين
و مع كل طاري حسن ترسم وصوفك

كيف نتفارق ! .. من متى صرنا أثنين
و أنا متعود .. مثل نفسي أشوفك

ممكن أعوفك ساعة ، أو يوم ، يومين
لا يمكن إني .. فوق هذا أعوفك
.
.





مما راق لي ..

المواضيع المتشابهه:

• من قبل أشوفك
• يكفينى أشوفك
• خايف افرح
• رد على موضوع سؤال للجريئين !! برد ومني خايف من احد
• عجبت منك يا قلم

شموخ الكلمة ,وردة الغرام ,همس المطر معجبون بهذا